2 Corintios 9:8 - Kaqchiquel Bible

⁸ Wi keri', kan janila k'a k'iy ri utzil ri xtik'ul pa ruq'a' ri Dios ri janila uchuq'a' k'o rik'in, richin nuya' k'iy chiwe. Keri' kan jantape' k'o ri nikusaj y k'o chuqa' richin ye'itobej ri ch'aqa' chik, richin ye'ibanala' utzilej taq banobel.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y ri Dios kin kꞌo ruchuqꞌaꞌ chin ndubꞌen chi ndikꞌiyer nojel ruwech favor pa iwiꞌ, chin keriꞌ jumul ndikꞌojeꞌ iwikꞌin nojel ri ndikꞌatzin chiwa y hasta más chuwech ri ndikꞌatzin chiwa, chin ngixtiker ngeꞌitoꞌ chꞌaqa chik rikꞌin nojel ruwech favor.

Kaqchikel Santa Maria de Jesus

⁸ Y can qꞌuiy ri bendición ri xtuyaꞌ ri Dios chiva ruma jajaꞌ altíra ru-poder cꞌo. Can nojiel roch bendición xtuya-pa chiva, chi quireꞌ siempre cꞌo ri nticusaj chi nquiꞌtoꞌ ri nicꞌaj chic, chi quireꞌ ntiꞌan ri utzulaj tak samaj.

Kaqchikel Central Guatemala

⁸ Y janíla c'a q'uiy ri utzil ri xtic'ul chire ri Dios roma rija' janíla uchuk'a' c'o riq'uin. Ronojel ruvech utzil xtuya' c'a pe chive, richin chi can jantape' c'o ri nicusaj y c'o chuka' richin ye'itobej ri ch'aka' chic. Can richin vi chi ye'ibanala' utzilej tak banobel.

Re C'ac'a Testamento pa Kach'abal

⁸ Y camas q'uiy utzil xtic'ul re pitinak riq'uin re Dios, roma pa ruk'a' reja' c'o-va ronojel poder. Ronojel rach utzil xtuya-pa chiva, chin che nojel tiempo c'o re nicusaj y c'o chuka' chin ye'to' re nic'aj chic vinak y chuka' chin ye'banala' ronojel rach utzil.

Kaqchikel Western Solola

⁸ Ri Dios can nicowin nuben chi niq'uiyer ronojel ruwech utzil iwuq'ui, riche (rixin) chi ronojel k'ij c'o ri nicusaj y riche (rixin) chuka' chi ye'ibanala' utzil chique ri winek.

2 Corintios 9:8 ပူးပေါင်းရင်းမြစ်များ

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

Wuj Richin Etamabel-Tzij 28:27

Kan man jun k'a ri xtibek'atzin-pe chire ri wineq, toq kan k'o ri nuya' chike ri winaqi' ri man jun k'o kik'in; jak'a ri wineq ri nim nuna-ri' y xa man yeruto' ta, k'iy ruk'ayewal ri xtiqaqa pa ruwi'.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

Tito 3:14

Ri qach'alal k'o chi niketamaj nikiben ri utz, y yekito' k'a konojel ri k'o nik'atzin chike, richin ri qach'alal ri' jebel ta niwachin ri kik'aslen.

2 Corintios 8:7

Rix kan jebel k'a ibanon chire ronojel; ri ikuqubabel-k'u'x, ri etamabel ri k'o iwik'in, ri ich'abel, ri utzilej taq banobel y ri ajowabel ri xiwetamaj qik'in roj. Roma ri' kan keri' chuqa' tibana' wakami rik'in ri to'onik kichin ri qach'alal ri ek'o pa Jerusalem.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

2 Corintios 9:11

Roma rik'in ri xtuya' ri Dios chiwe, kan k'o-wi nik'oje' iwik'in, achi'el jun beyom, richin keri' jantape' xkixtikir xtiya' achi'el ri nrajo' ri iwánima. Y toq roj xtibeqajacha' ri to'onik pa kiq'a' ri qach'alal, rije' kan janila k'a xkematioxin chire ri Dios.

2 Corintios 8:2

Roma rije' stape' nikik'owisaj tijoj-poqonal, kan xekito-el ri qach'alal ri ek'o pa Jerusalem. Stape' man k'iy ta ok k'o kik'in, kan xekito-el rik'in ri janipe' xetikir xkiya'. Y re' kan xkiya' k'a rik'in kikoten pa taq kánima.

Wuj Richin Etamabel-Tzij 11:24

Ri winaqi' ri man nikik'ek'ej ta yesipan, kan jantape' k'iy k'o kik'in, y ri xa kan nikipoqonaj nikisipaj ri k'o kik'in, jantape' man jun k'o kik'in.

2 Crón 25:9

K'ari' ri Amasías xuk'utuj chire ri q'alajirisey ruch'abel ri Dios y xubij: ¿Y achike k'a xtiban rik'in ri jubama oxk'al wolajuj quintal saqipueq ri xinya' yan chike ri aj-labal aj-Israel?, xcha'. K'ari' ri q'alajirisey ruch'abel ri Dios xubij chi ri Dios k'o janila chi beyomel rik'in richin nutzolij chik chire más k'iy chuwech ri xuya-el ri Amasías.

Tito 3:8

Ronojel re xinbij yan, kan qitzij wi. Roma ri' ninwajo' chi man tatanaba' kitijoxik ri qach'alal chire ronojel re', richin keri' kan beneq ruwech tikitija' kiq'ij nikiben ri utzilej taq banobel. Ronojel re' kan utz wi y kan k'o utz nuk'en-pe chiqe qonojel.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

1 Pedro 4:10

Chi'ijujunal k'o jun samaj ri yixtikir niben, ri rusipan ri Dios chiwe roma ri rutzil. Roma ri' tikusaj k'a richin ye'ito' ri ch'aqa' chik qach'alal, richin keri' niq'alajin ri ik'ulun.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

2 Corintios 8:19

Chuqa' kan etaman-wi ruwech y cha'on koma ri molaj qach'alal wawe' richin niqachibilaj-el toq xtiqak'uaj ri to'onik chike ri qach'alal ri ek'o pa Jerusalem. Y rik'in ta k'a ri niqaben, ri qa-Dios nuk'ul ta k'a ruq'ij-ruk'ojlen. Y re' nuk'ut ta chuqa' chi rik'in ronojel qánima niqaya' re to'onik re'.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Hechos 9:36

Chupan ri tinamit Jope, ri q'ij ri' k'o k'a jun qach'alal ixoq rubini'an Tabitá, y Dorcas*f23* nibix chire ri pa ch'abel griego. Re ixoq k'a re' janila jebel kik'in ri winaqi', y rija' yerutola' k'a ri winaqi' ri man jun k'o kik'in.

2 Tesalonicenses 2:17

xtukuquba' ta ik'u'x y xtuya' ta iwuchuq'a' richin ruyon ta ri utz xtiben y xtibij.

2 Timoteo 3:17

Richin chi ri rusamajel ri Dios kan ta tz'aqet. Roma ronojel ri' nik'atzin richin chi kan nitikir nuben ronojel ri utzilej samaj.

2 Corintios 13:3

Toq yin xkinapon iwik'in, rix xtitz'et chi ri Cristo kan xtuk'ut-ri' chiwech woma yin. Chuqa' xtitz'et chi rija' kan k'o-wi ruchuq'a'.

Filipenses 4:11

Y re' man ninbij ta k'a roma ta ri k'o nik'atzin chuwe. Roma yin xa xuk'uluj yan chuwe chi yikikot stape' k'o o maneq ninkusaj.

2 Timoteo 2:21

Keri' chuqa' ri ralk'ual ri Dios, wi nucher-pe-ri' rik'in ri etzelal, kan xtok achi'el ri samajibel ri k'o rejqalen, loq'olej y runaban ri' richin nuben ronojel ruwech utzilej samaj.