2 Corintios 9:6 - Kaqchiquel Bible

⁶ Yin ninwajo' k'a ninnataj chiwe: Chi jun tikonel ri xa juba' ok nutik-qa, xa juba' ok chuqa' nrelesaj. Jak'a ri tikonel ri k'iy nutik-qa, kan k'iy k'a nrelesaj.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Tikꞌuxlaꞌaj re nibꞌij chiwa: Jun tikonel ri jubꞌaꞌ ok semilla ndutik, jubꞌaꞌ ok chuqaꞌ ruwech tikoꞌ ndumal. Ri santienta semilla ndutik, santienta chuqaꞌ ruwech tikoꞌ ndumal.

Kaqchikel Santa Maria de Jesus

⁶ Y inreꞌ nivajoꞌ ninataj chiva: Xa jun jubꞌaꞌ oc nutic, jubꞌaꞌ oc niril; y ri qꞌuiy nutic, can qꞌuiy jeꞌ niril.

Kaqchikel Central Guatemala

⁶ Y yin ninvajo' c'a ninnataj chive: Chi jun ticonel juba' oc cosecha nrelesaj, tok xa juba' oc nutic. Jac'a ri ticonel ri q'uiy nutic, can q'uiy vi c'a ri cosecha nrelesaj.

Re C'ac'a Testamento pa Kach'abal

⁶ Y yen ninjo' nimbij jun ejemplo chiva: Tak yex niban jun tico'n, vo xa ba-oc nitic, ba-oc cosecha nilisaj, pero vo xa yex q'uiy nitic, q'uiy cosecha nilisaj.

Kaqchikel Western Solola

⁶ Y riyin nwajo' c'a nnataj chiwe: Jun aj ticonel ri ma q'uiy ta oc ri nutic, ma q'uiy ta chuka' cosecha nrelesaj. Yac'a ri aj ticonel ri q'uiy nutic, can q'uiy wi c'a ri cosecha nrelesaj.

2 Corintios 9:6 ပူးပေါင်းရင်းမြစ်များ

San Lucas 6:38

Wi rix rik'in ronojel iwánima ye'ito' ri winaqi' rik'in ri nik'atzin, ri Dios xtuya' chuqa' ri rajel-ruk'exel chiwe, achi'el toq nanojisaj jun chakech rik'in ixin. Kan nasiloj jebel richin k'iy nibe chupan. K'ari' jebel napitz'-qa, y napulisaj. Kan achi'el ri niben rix kik'in ri winaqi', kan keri' chuqa' xtuben ri Dios iwik'in rix.

Wuj Richin Etamabel-Tzij 22:9

Ri wineq ri kan yeruto' ri k'o nik'atzin chike, kan xtuk'ul-wi urtisanik, roma rija' kan man nupoqonaj ta chi kan ja ri ruway rija' ri nuya' chike.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

2 Corintios 9:10

Ri Dios ri kan nuya' ri ija'tz chire ri tikonel y nuya' ri qaway, xtuben chi kan xtuya' y xtik'iyer chiwech ri xtitik-qa. Y keri' chuqa' rik'in ronojel ri utzilej taq ibanobal, ri Dios xtuben chi xtiq'alajin más ri ruchojmilal ri niben.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

Wuj Richin ri Molojri'il 11:6

Kan pa ruq'ijul yan k'a tabana-qa ri atiko'n, y chuqa' kan tabana' toq eleneq chik ri nabey tikoj. Kan man kakos chubanik ri asamaj; rat kan man awetaman ta k'a achike ri utz nel chawech, wi ja ri xatik-qa pa nabey ó ja ri xatik-qa pa ruka'n, ó xa chi ka'i' utz nel chawech.

Wuj Richin Etamabel-Tzij 11:18

Ri wineq nibanon etzelal, ri ch'akonik ri nril xa man qitzij ta; jak'a ri kan nutik ri chojmilal, ri ch'akonik ri nril kan qitzij wi.

Wuj Richin ri Molojri'il 11:1

Kan utz k'a ana'oj tabana' kik'in konojel, roma kan xtapon k'a jun q'ij kan k'o rajel ruk'exel xtak'ul.

Gálatas 5:16

Y ninbij k'a chiwe chi tiya' q'ij chi ja ri Loq'olej Espíritu nuk'uan iwichin, y man tiben ri itzel taq rayibel ri ek'o iwik'in rix.

Gálatas 3:17

Y ninwajo' ninchojmirisaj chiwech ri rubanik ronojel re'. Pa nabey, ri Dios k'o jun rusujun chire ri Abraham. Y toq q'axineq chik 430 juna', ri Dios xuya' ri pixa' chire ri Moisés. Jak'a roma ri Dios kan k'o rusujun chire ri Abraham, ri pixa' ri xuya' ri Dios man xuyoj ta ri rusujun chire pa nabey.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

1 Corintios 7:29

Jak'a man timestaj wach'alal, chi xa man k'iy ta chik q'ij xqojk'oje' wawe' chuwech re ruwach'ulew. Roma ri' ri qach'alal ri k'o kixjayilal man tikiya' q'ij chi roma ri e k'ulan chik, roma ri' man nikiben ta chik ri achike nrajo' ri Dios.

Colosenses 2:4

Y ronojel re' ninbij chiwe roma yin ninwajo' chi man yixq'olotej pa kiq'a' ri ye'ukusan jebel taq ch'abel xaxe richin yixkitzeq.

1 Corintios 1:12

Rije' xkitzijoj k'a chuwe chi rix ich'aralon-iwi'; chi ek'o ri kan kibanon chi ja yin ri nikajo' yinkitzeqelibej, ek'o ja ri qach'alal Apolos, ek'o ja ri qach'alal Pedro, y ek'o ja ri Cristo ri nikajo' nikitzeqelibej.

2 Corintios 9:5

Roma ri' yin xinch'ob chi yenteq nabey ri qach'alal ri' richin tibekik'isa' rumolik ri to'onik, richin keri' toq xkinapon yin, man tiq'alajin chi rik'in uchuq'a' niqelesaj chiwe, xa niq'alajin ta k'a jebel chi iwik'in rix xalex-wi-pe.