2 Corintios 9:15 - Kaqchiquel Bible

¹⁵ Y matiox chire ri Dios roma ri rusipanik ri kan janila nim, ri man nilitej ta achike rubixik rik'in ch'abel.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ ¡Matiox chare ri Dios roma ri nimalej sipanik ruyoꞌon chaqe, sipanik ri ma ndiqil ta rubꞌixik rikꞌin aj rochꞌulew tzij!

Kaqchikel Santa Maria de Jesus

¹⁵ ¡Tiox bꞌaꞌ cha ri Dios ruma ri xusipaj chika, ri man ncaꞌlitaj ta tzij chi niꞌeꞌx, ruma can nem!

Kaqchikel Central Guatemala

¹⁵ Matiox c'a chire ri Dios roma ri rusipanic. Jun sipanic ri man nilitej ta achique rubixic riq'uin ch'abel, roma janíla nim.

Re C'ac'a Testamento pa Kach'abal

¹⁵ Matiox c'a cha re Dios roma re xusipaj chaka, y re xusipaj re Dios chaka man nakavel-ta andex rubixic nakaban, roma camas nem.

Kaqchikel Western Solola

¹⁵ Matiox c'a chare ri Dios ruma ri jun nimalaj sipanic ri ruya'on chake. Jun sipanic ri ma nilitej ta rubixic riq'ui ch'abel.

2 Corintios 9:15 ပူးပေါင်းရင်းမြစ်များ

1 Crón 16:35

Roma ri' tiqabij chire: ¡Qojakolo', Dios qakolonel roj! Kan tamolo' qachi'; Kan qojakolo' chikikojol ri winaqi' ri e richin ch'aqa' chik ruwach'ulew, richin keri' kan xtiqanimirisaj ri loq'olej abi', richin rik'in kikoten xtiqaya' aq'ij-ak'ojlen.

1 Crón 16:8

¡Kan tiqaya' ruq'ij ri Jehová! ¡Kan tiqatzijoj ri nimalej rubi'! Kan tiqatzijoj chike ri tinamit ri nima'q taq banobel ri yeruben.

Wuj Richin Bix Chire ri Dios 30:12

Roma ri' Jehová nu-Dios, kan xtinbixaj k'a ri abi'. Man yitikir ta k'a yik'oje-qa chaq keri' chi man jun xtinbij. Xa kan xtinya' k'a aq'ij y xkimatioxin chawe richin jantape'.

Wuj Richin Bix Chire ri Dios 30:4

Tibixaj k'a rubi' ri Jehová, rix ri ix ch'aron chik. Tiya' k'a ruq'ij ri loq'olej rubi'.

Wuj Richin Bix Chire ri Dios 92:1

Nimalej Jehová, kan janila k'a jebel ri niya'ox aq'ij rat. Ri nibixex ri nimalej abi' kan janila jebel.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

San Lucas 2:38

Chupan ri ramaj ri' rija' xok-apo y janila k'a xmatioxin chire ri Dios roma ri ak'ual ri'. Y xuchop k'a rutzijoxik chike ri winaqi' ri e oyobeyon richin ri xtikolon ri Jerusalem pa kiq'a' ri aj-Roma.

San Juan 1:16

Kan qonojel k'a roj qak'ulun ri rutzil ri ch'abel ri'. Kan man xaxe ta k'a jun bey ri ruya'on-pe pa qawi', xa kan kitzeqelibelon-pe-ki' ri utzil ri yeruya-pe pa qawi'.

San Juan 3:16

Ri Dios kan janila wi k'a yerajo' konojel ri winaqi', y roma ri' kan xuteq k'a pe ri juney ruk'ajol, richin chi xabachike k'a ri xtukuquba' ruk'u'x rik'in, man k'a xtapon ta chupan ri kamik ri richin jantape', xa kan xtik'oje' k'a ruk'aslen richin q'asen.

Romanos 5:15

jak'a ri mak ri xuben man junan ta rik'in ri nimalej sipanik ri xuya-pe ri Dios. Xa roma k'a jun mak, toq qonojel roj winaqi' xojok pa ruq'a' ri kamik. Jak'a ri utzil y ri sipanik ri xuya-pe ri Dios más nim chuwech re mak re', y ja ri Jesucristo xk'amon-pe.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

1 Corintios 15:57

Jak'a matiox chire ri Dios chi xuteq-pe ri qajaw Jesucristo richin xch'akon chirij ronojel re' qoma roj.

2 Corintios 2:14

Kan janila k'a matiox chire ri Dios, chi rija' kan nuben ka chiqe chi kan yojch'akon-wi roma jun qabanon rik'in ri Cristo Jesús. Y ri Dios kan yojrukusaj richin chi niqaya' rutzijol ri ruch'abel xabakuchi. Y ri ch'abel ri' kan napon ta k'a rutzijol, achi'el napon ruxla' ri jubulej pom.

2 Corintios 9:11

Roma rik'in ri xtuya' ri Dios chiwe, kan k'o-wi nik'oje' iwik'in, achi'el jun beyom, richin keri' jantape' xkixtikir xtiya' achi'el ri nrajo' ri iwánima. Y toq roj xtibeqajacha' ri to'onik pa kiq'a' ri qach'alal, rije' kan janila k'a xkematioxin chire ri Dios.

2 Corintios 9:14

Rije' xkixkajo' k'a y xtikik'utuj ri rutzil ri Dios pan iwi' roma ri rajowabal pan iwi' rix.

Efesios 5:20

Beneq k'a ruwech timatioxij ronojel chire ri Tata'ixel, pa rubi' ri qajaw Jesucristo.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Apocalipsis 4:9

Y ronojel k'a mul toq ri e kaji' ri k'o k'iy runaq' taq kiwech, nikiya' ruq'ij-ruk'ojlen y yematioxin chire ri tz'uyul chiri', ri kan k'es tibe-q'ij tibe-seq,