2 Corintios 7:5 - Kaqchiquel Bible

⁵ Kan xaxe k'a xojoqaqa wawe' pa Macedonia, xqachop niqak'owisaj tijoj-poqonal. Xa kan man yojuxlan ta k'a juba' chire ri tijoj-poqonal. Kan xabakuchi k'a niqil q'axo'n. Ri qik'in-qa roj kan niqatej poqon roma ri qánima niq'axo y chuqa' k'o xibinri'il qik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Keriꞌ nibꞌij chiwa, porque atoq xojbꞌeqaqa pa rochꞌulew Macedonia, ma jun uxlanen xqil. Pa rukꞌexel riꞌ, xa xqil nojel ruwech kꞌayew roma xeyakatej oyowal chiqij y pa qánima tzꞌan xibꞌriꞌil xqanaꞌ.

Kaqchikel Santa Maria de Jesus

⁵ Ojreꞌ qꞌuiy sufrimientos nakakꞌasaj pa kacꞌaslien, y quireꞌ jeꞌ xbꞌanataj chika antok xojalka vaveꞌ Macedonia. Can man jubꞌaꞌ xojuxlan pa rukꞌaꞌ ri sufrimiento. Can nakaꞌan sufrir ruma ri ayoval ri niꞌan chika, y can kaxiꞌin-kiꞌ jeꞌ.

Kaqchikel Central Guatemala

⁵ Roj can c'o-vi c'a tijoj-pokonal nikac'ovisaj, y jari' chuka' ri xokac'ovisaj tok xojoka' vave' pa Macedonia. Xa can man yojuxlan ta c'a juba' pa ruk'a' ri tijoj-pokonal. Can que vi c'a ri' nikac'ulvachij riq'uin ronojel. Ri kiq'uin ka roj can nikatej c'a pokonal roma ri kánima nik'axon roma man jun ketaman ta achique ibanon y romari' c'o xibinri'il kiq'uin, y ri chikij el nikatej chuka' pokonal roma ri oyoval ri niban chike.

Re C'ac'a Testamento pa Kach'abal

⁵ Yoj can c'o-va tijoj-pokonal nakak'asaj, y jare' chuka' re xe'kak'asaj tak xojeka vova' pa Macedonia. Xa can man yojxulan-ta ba' pa ruk'a' re tijoj-pokonal, can quire' nakac'alvachij riq'uin ronojel, y re kaq'uin-ka yoj, re kánma nik'axo y nutaj pokan roma man jun kataman andex ibanon yex, y c'o chuka' tijoj-pokonal nakak'asaj pa quik'a' re man quiniman-ta re Jesucristo.

Kaqchikel Western Solola

⁵ Riyoj can c'o c'a tijoj pokonal nikak'axaj y yari' chuka' ri xokak'axaj tek xojoka wawe' pa Macedonia. Xa can ma yojuxlan ta c'a juba' pa ruk'a' ri tijoj pokonal. Can que wi c'a ri' nikac'ulwachij riq'ui ronojel. Ri pa tak kánima c'o k'axon ruma majun ketaman ta achique ibanon riyix y rumari' c'o xibinri'il kiq'ui, y ri chikij el nikatij chuka' pokonal ruma ri oyowal ri niban chake.

2 Corintios 7:5 ပူးပေါင်းရင်းမြစ်များ

Wuj Richin ri Rutikeribel 8:9

Y ri ti paloma ri' kan man xril ta akuchi xpa'e-wi y k'ari' xtzolin-pe chupan ri nima-barco ri', roma ri ya' k'a k'o na pa ruwi' ri ruwach'ulew. K'ari' ri Noé xukusaj chik apo ri ti paloma rik'in.

Wuj Richin ri Achin Job 18:11

Xabakuchi k'a nibe-wi; kan jantape' ruxibin-ri'; y kan nuna' chi k'o tzeqelibeyon richin.

Wuj Richin ri Isaías 33:12

Y rix xa kan xkixok chaj, achi'el k'a ri k'ix ri e choyon chik kan, ri xkek'at pa q'aq'.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin ri Jeremías 45:3

Rat xabij: Toq'ex k'a nuwech yin, roma ri Jehová kan ruya'on bis y q'axo'n chuwe. Xikos yan richin yinoq' y man ninwil ta uxlanen, xacha'.

Wuj Richin ri Jeremías 6:25

Man kixel-el richin yixbe pa juyu', ni man kixbiyaj pa taq bey, roma ri e etzelanel qichin kan kik'uan kikamisabal y kan k'o nimalej xibinri'il xabakuchi, yecha'.

Wuj Richin ri Jeremías 8:18

Jari' toq yin Jeremías, xinbij chi ri nuq'axo'n maneq chik raq'omal; ri wánima nimayamo' yan qa.

Hechos 20:1

Toq xtane' k'a ronojel y ri winaqi' kitalun chik el ki', ri Pablo xerumol k'a konojel ri qach'alal aj chiri' pan Éfeso, y toq xerupixabaj yan y e ruq'etelon chik kan konojel, xuchop k'a el bey richin nibe pa Macedonia.

Romanos 15:26

Roma ri qach'alal ri ek'o wawe' pa Macedonia y ri Acaya xketamaj chi ri qach'alal ri ek'o pa Jerusalem, man jun k'o kik'in. Roma ri' xalex pa kánima chi nikiben jun sipanik richin yekito'.

1 Corintios 15:31

Y jubama q'ij-q'ij niqil qakamik, y re' kan jare' ri qitzij. Re' junan rik'in ninbij chi kan jebel ninna' iwoma rix, chi xinimaj ri qajaw Jesucristo.

1 Corintios 16:5

Jak'a nabey ninwajo' yiq'ax na pa ruwach'ulew Macedonia, y k'ari' xkinapon iwik'in rix.

2 Corintios 2:13

yin man xikikot ta roma man xqak'ul ta qi' rik'in ri Tito chiri'. Roma ri' chi'anin xenya' kan ri qach'alal ri ek'o chiri' y xibe pa ruwach'ulew Macedonia.

2 Corintios 2:3

Roma ri' keri' ri ch'abel ri xintz'ibaj-el chiwe, richin chi toq yin xkinapon iwik'in, kan xtinwil ta kikoten iwik'in rix ri kan ruk'amon chi niya' kikoten pa wánima. Y kuqul k'a nuk'u'x chi kan keri' wi ri niben chi kan junan yojkikot.

2 Corintios 2:9

Ri wuj ri xinteq-el chiwe, kan richin k'a chuqa' chi niq'alajin chinuwech wi kan ninimaj nutzij.

Gálatas 4:11

Roma ri' yin ninna' chi ri samaj ri xinben iwik'in, achi'el xa ta man jun xk'atzin-wi.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

1 Tesalonicenses 3:5

Y roma ri man xinkoch' ta chik, roma ri' xinteq-el ri Timoteo iwik'in, richin xberetamaj-pe achike ibanon rik'in ri ikuqubabel-k'u'x. Roma xinbij chi rik'in juba' ri Itzel-Wineq xixruya' pa jun pikbel, y xa man jun xk'atzin-wi ri samaj ri xqaben chi'ikojol.