2 Corintios 7:14 - Kaqchiquel Bible

¹⁴ Yin kan nutzijon k'a chire rija' chi rix yalan ix jebel y ronojel k'a niq'ax chiwech. Y wakami kan man nik'atzin ta chi yik'ix chuwech. Yin kan jantape' wi k'a ja ri qitzij ri nubin chiwe, y wakami kan qitzij wi chuqa' xq'alajin ri xinbij-el chire ri Tito chiwij rix.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Riyin nubꞌiꞌin e chare ri Tito chi utz inoꞌoj, y rix ma xiniyaꞌ ta chi kꞌix. Pa rukꞌexel chi keriꞌ, xqꞌalajin chi qetzij nojel ri xinbꞌij e chiwij chare ri Tito, y qetzij chuqaꞌ nojel ri nubꞌiꞌin e chiwa.

Kaqchikel Santa Maria de Jesus

¹⁴ Vacame man nquiqꞌuix ta choch ri Tito, ruma antok cꞌa majaꞌ tiꞌa iviqꞌuin, inreꞌ xinꞌej-el cha chi ixreꞌ altíra ix otz y nojiel niꞌka pan iveꞌ (ntiꞌan entender). Y xkꞌalajin chi man choj ta xinyaꞌ ikꞌij riqꞌuin ri nuchꞌabꞌal, xa ketzij xiel, can incheꞌl ivataꞌn ixreꞌ chi ojreꞌ man jun bꞌay kaꞌeꞌn ta chiva jun tzij ri xa man ketzij ta.

Kaqchikel Central Guatemala

¹⁴ Vacami can man nic'atzin ta chi yiq'uix ta chuvech ri Tito, roma tok can c'a man jani c'a tibe chila' iviq'uin, yin xintzijoj chire chi rix yalan ix jebel y ronojel c'a nik'ax chivech. Yin can jantape' vi c'a ja ri kitzij ri nubin chive, y vacami can kitzij vi chuka' xk'alajin ri xinbij-el chire ri Tito ri chivij rix, y man choj ta c'a queri' ri xinya' ik'ij riq'uin ri nuch'abel. Rix can ix queri' vi.

Re C'ac'a Testamento pa Kach'abal

¹⁴ Vocame can man yinq'uex-ta chic chach re Tito, roma tak c'amaje-na tiba iviq'uin, yen xintzijoj cha che yex camas yix otz. Yen nojel tiempo ja re katzij re nbin chiva, y vocame can katzij-va chuka' re ximbij-a cha re Tito chivij yex, y man chak ximbij-ta quire' chivij, sino que can katzij-va che yix quire'.

Kaqchikel Western Solola

¹⁴ Rumari' can ma yiq'uix ta chuwech ri Tito, ruma tek can c'a ma jane tibe ta chila' iwuq'ui, riyin xintzijoj chare ri Tito chi riyix sibilaj yix jabel. Y wacami xk'alajin chi man xa choj ta xinya' ik'ij riq'ui ri nuch'abel, xa can kitzij wi xel, can achi'el ri iwetaman riyix chi riyoj majun bey kabin ta chiwe jun tzij ri xa man ta kitzij.

2 Corintios 7:14 ပူးပေါင်းရင်းမြစ်များ

2 Tesalonicenses 1:4

Y toq roj yojapon kik'in ri ch'aqa' chik molaj qach'alal, niqatzijoj chike chi yalan yojkikot iwik'in, roma ikoch'on ri tijoj-poqonal. Y stape' ch'aqa' chik winaqi' nikiben chiwe chi nitej poqon, rix k'a ikuquban na ik'u'x rik'in ri Dios.

2 Corintios 8:24

Wakami rix kan tik'utu' k'a chikiwech rije' ri utzil ri k'o iwik'in. Keri' napon ta k'a rutzijol kik'in ri ch'aqa' chik molaj qach'alal chi rix kan k'o chuqa' ajowabel iwik'in, kan achi'el ta k'a ri itzijol ri qelesan roj, chi yalan ix jebel.

2 Corintios 7:4

Yin kan kuqul k'a nuk'u'x iwik'in, y janila yikikot iwoma rix. Y jari' ri nibanon chuwe chi nik'oje' wuchuq'a' y janila yikikot chupan ronojel tijoj-poqonal.

2 Corintios 10:8

Roj kan oj rusamajela' ri ajaw Jesucristo roma kan ruya'on uchuq'a' pa qaq'a' y man k'ixbel ta richin ninbij chiwe, roma kan keri' wi. Jak'a man roma ta ri' yixqak'is, roj xa kan ojk'o richin yixqato'.

2 Corintios 7:6

Jak'a ri Dios kan nukuquba' kik'u'x ri kiqasan-ki', y roma ri' xukuquba' qak'u'x roj, rik'in ri rupeten ri Tito.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

2 Corintios 2:13

yin man xikikot ta roma man xqak'ul ta qi' rik'in ri Tito chiri'. Roma ri' chi'anin xenya' kan ri qach'alal ri ek'o chiri' y xibe pa ruwach'ulew Macedonia.

2 Corintios 7:13

Y roma k'a xichojmirisaj ri banatajineq, roj xkuqer k'a qak'u'x. Jak'a kan más wi xojkikot toq xqatz'et chi ri Tito janila nikikot ránima peteneq toq xtzolin-pe ri chila' iwik'in rix, roma rix kan xiya' k'a pe ruchuq'a' ri ránima.

2 Corintios 12:6

Y man rik'in ri', wi ta yin ninya-qa nuq'ij, pa rubeyal ta ri ninben y man ta nik'ulun chi man jun etamabel k'o wik'in. Roma yin kan ja ta ri qitzij ri ninbij. Jak'a xa man ninya' ta qa nuq'ij, richin keri' man jun wineq ri tibanon más nim chuwe. Yin xaxe k'a ninwajo' chi tiban chuwe achi'el ri nikitz'et o nikak'axaj chuwij.

Filipenses 1:26

Y keri', rix kan janila xkixkikot, y kan xtiya' k'a ruq'ij-ruk'ojlen ri Cristo Jesús toq xtitz'et chi yinapon chik jun bey iwik'in.