2 Corintios 7:10 - Kaqchiquel Bible

¹⁰ Roma toq kan rurayibel-wi ri Dios ri bis, ri bis ri' kan nuben chire xabachike wineq chi nitzolin-pe ruk'u'x, y rik'in ri' nikolotej. Y ri xtibanon keri' man jun bey k'a xtutzolij-ri' chirij roma ruyon utz ri nuk'en-pe chire. Jak'a ri bis ri k'o kik'in ri winaqi' ri k'a kikuquban na kik'u'x rik'in re ruwach'ulew, xa kamik k'a ri nuk'en-pe chike.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Ri bꞌis riꞌ, ndubꞌen chare jun wineq chi nduyaꞌ kan ri mak y nduyaꞌ ránima rikꞌin ri Dios chin ndikolotej. Y ri ndiqꞌasan ri bꞌis riꞌ, ma nditunan ta. Pero ri bꞌis ndikil ri wineq roma bꞌaneq kánima chirij ri rayinik ekꞌo chochꞌulew, xa pa kamik ngerukꞌuaj.

Kaqchikel Santa Maria de Jesus

¹⁰ Ruma ri bꞌis ri nuyaꞌ ri Dios, can nuꞌon cha jun chi nitzalaj-pa ránima riqꞌuin chi quireꞌ nicolotaj. Rumareꞌ man jun tiꞌeꞌn chi ri bꞌis reꞌ man otz ta. Pero ri bꞌis ri cꞌo quiqꞌuin ri vinak ri man quiniman ta ri Dios, xa camic espiritual ri nucꞌam-pa chica.

Kaqchikel Central Guatemala

¹⁰ Roma tok can rurayibel vi ri Dios ri bis, ri bis ri' can nuben chire xabachique chi nitzolin-pe ruc'u'x, y riq'uin ri' nicolotej. Y ri xtibanon queri' man jun bey c'a xtutzolij-ri' chirij roma ruyon utz ri nuq'uen-pe chire. Jac'a ri bis ri c'o quiq'uin ri vinek ri c'a quicukuban na quic'u'x riq'uin re ruvach'ulef, xa camic c'a ri nuq'uen-pe chique, y man nuben ta chique chi nitzolin-pe quic'u'x.

Re C'ac'a Testamento pa Kach'abal

¹⁰ Roma tak ja re Dios re nirayin che nipa bis kaq'uin, re bis re' can nuban cha xabanchique vinak che nijalataj ruc'aslen, y riq'uin re' nicolotaj chach re rumac. Y re xtibano quire' man jun bey c'a xtitzolaj chij, roma ronojel cosa rion otz nuc'am-pa cha chupan re ruc'aslen. Jac'a re bis re c'o quiq'uin re vinak re man niquijo-ta niquinimaj re Dios, xa man nuban-ta chique che nijalataj quic'aslen y xa chupan re camic chin jumul ye'ruc'uaj-va.

Kaqchikel Western Solola

¹⁰ Ruma ri bis ri nuya' ri Dios can nuben chare ri winek chi nitzolin pe ruc'u'x, y riq'ui ri' nicolotej. Y ri xtitzolin pe ruc'u'x riq'ui ri Dios majun bey c'a xtutzolij ta chic ri' chrij, ruma ruyon utz ri nuc'om pe chare. Yac'a ri bis ri c'o quiq'ui ri winek ri xa riq'ui ri ruwach'ulef quicukuban wi quic'u'x, xa camic c'a ri nuc'om pe chique, ruma ma nuben ta chique chi nitzolin pe quic'u'x riq'ui ri Dios.

2 Corintios 7:10 ပူးပေါင်းရင်းမြစ်များ

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

Hechos 11:18

Toq rije' xkak'axaj re', man jun chik xkibij-apo. Jak'a nikiya' ruq'ij-ruk'ojlen ri Dios, y nikibij k'a: Ri Dios kan xuya' k'a chuqa' q'ij chike ri man e qawinaq ta richin chi nitzolin-pe kik'u'x rik'in rija', richin chi nikil kik'aslen rik'in, xecha'.

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

San Lucas 15:10

Kan qitzij k'a ninbij chiwe, chi toq k'o jun ri man nutzeqelibej ta ri pixa' richin ri Moisés nitzolin-pe ruk'u'x rik'in ri Dios, k'o janila kikoten chikiwech ri ángel, xcha' ri Jesús.

Wuj Richin ri Jonás 3:10

Xutz'et k'a ri Dios chi xtzolej-pe kik'u'x ri aj-Nínive chire ri itzel taq kibanobal, y xebe chupan ri chojilej bey. Y roma ri' ri Dios xujoyowaj kiwech y man xuteq ta pe ri ruk'ayewal ri rubin.

Hebreos 12:17

jak'a toq xrajo' chik xuk'ul ta ri utzil ri', xa xbix chire chi man jun chik richin rija'. Y stape' kan rik'in oq'ej xuk'utuj, kan man jun chik xuk'ul.

Wuj Richin Etamabel-Tzij 17:22

Chire ri wineq nuk'en-pe raxnaqil, toq ri ránima kan nikikot; jak'a ri wineq ri xa nibison ránima, xa jari' ri nikamisan-el richin.

Wuj Richin ri Jonás 4:9

Jak'a ri Dios xubij chire ri Jonás: ¿Kan ruk'amon kami chi nipe awoyowal roma re ti che' xken-qa?, xcha'. Y ri Jonás xubij: Ja', kan ruk'amon chi nipe woyowal, roma ri' ninrayij yiken, xcha'.

1 Sam 30:6

Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

San Mateo 26:75

Jari' toq ri Pedro xoqaqa chuk'u'x ri ch'abel ri e rubin kan ri Jesús chire, chi k'a man jani tisik'in-pe ri mama' toq ri Pedro oxi' yan bey tubij chike ri yek'utun chire chi man retaman ta ruwech. Y rija' xel k'a el ri chiri' y xujiq' oq'ej rik'in janila bis.

Wuj Richin ri Jonás 3:8

Xa kan qonojel k'a tiqakusaj tzieq richin bis, y qojch'on rik'in ri Dios. Chuqa' chiqajujunal tiqaya' kan ronojel ri itzel taq qabanobal.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin Etamabel-Tzij 18:14

Ri wineq ri k'o rayibel rik'in richin nik'ase', jari' ri nibanon chire chi kan nukoch' jun yabil; jak'a ri wineq ri xa rumalin chik ruk'u'x, man q'alaj ta wi k'o jun ri xtitikir xtito'on richin.

Wuj Richin Etamabel-Tzij 15:15

Ronojel q'ij richin ri ruk'aslen ri k'ayewatajineq man kan ta utz; jak'a ri wineq ri kan nikikot ránima, kan jantape' nimaq'ij chuwech.

Wuj Richin Etamabel-Tzij 15:13

Ri nikikot ránima ri wineq, jari' ri nibanon chire chi kan nitze'en ruwech; jak'a ri xa niq'axon ránima, jari' ri nibanon chire chi rukajman nitzu'un.

1 Rey 21:4

Y keri' ri Acab xbe chirachoch; janila nibison y yakatajineq janila royowal, roma ri ruch'abel ri Nabot toq xubij chi man nuya' ta kan ri ulew ri', roma ri ulew ri' xa jari' ri richinan kan pa kiq'a' ri rute-rutata'. Xkotz'e-qa pa ruch'at y xtzu'un-apo chuwa-xan y man xrajo' ta xwa'.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

2 Sam 13:4

Y ri Jonadab xuk'utuj chire ri Amnón ri achike roma q'ij-q'ij más yawa' nitzu'un, stape' kan ruk'ajol ri rey. Y xubij chire chi tuq'alajirisaj chuwech. K'ari' ri Amnón xubij chi keri' rubanon roma janila nrajo' ri Tamar ri rana' ri Absalón.

Wuj Richin ri Rutikeribel 30:1

Toq ri Raquel xunabej chi man yek'oje' ta ral, janila xch'upun-ruk'u'x chirij ri runimal y xubij chire ri Jacob: Katalk'ualan k'a wik'in, roma wi man xtik'oje' ta wal xkiken roma bis, xcha'.

Wuj Richin Bix Chire ri Dios 38:18

Roma ri' kan nintzijoj chawe ri numak, xkibison k'a roma ri man utz ta xinben chawech.

Wuj Richin ri Molojri'il 7:3

Más utz ri bis ke chuwech ri tze'en, roma ri nibison awech nuben chawe chi jebel yach'obon pan awánima.

2 Corintios 7:9

Wakami kan yikikot chik, jak'a man roma ta ri xixinya' pa bis. Yikikot roma ri bis xuben chiwe chi xtzolin-pe ik'u'x. Kan rurayibel wi k'a ri Dios chi xixk'oje' pa bis, roma wi xa man ta keri', man ta xtzolin-pe ik'u'x. Roj kan man jun k'a ch'a'oj xqaben chiwe.