2 Corintios 6:7 - Kaqchiquel Bible

⁷ qik'in k'a roj k'o ri qitzij ch'abel, y k'o chuqa' ri ruchuq'a' ri Dios. Kan ja wi ri ruch'ajch'ojil ri qak'aslen ri niqakusaj richin niqato-qi' toq ek'o yeyakatej-pe chiqij, y richin chi niqachojmirisaj ri man utz ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ rikꞌin ndiqatzijoj ri qetzij y rikꞌin ndiqꞌalajin ruchuqꞌaꞌ ri Dios qikꞌin. Ndiqakusaj ri chojmilej qakꞌaslen ruyoꞌon ri Dios chin ndiqakowij qiꞌ chubꞌanik ri rusamaj, y chin chuqaꞌ ndiqatoꞌ qiꞌ chikiwech ri ngeyakatej chiqij.

Kaqchikel Santa Maria de Jesus

⁷ Kiqꞌuin ojreꞌ cꞌo ri ketzij chꞌabꞌal, y ri ru-poder jeꞌ ri Dios. Can ja ri choj kacꞌaslien nakacusaj chi nakatola-kiꞌ antok icꞌo ncaꞌpalaj-pa chikij chi niquiꞌan ayoval, y chica-na lado ncaꞌpalaj-pa.

Kaqchikel Central Guatemala

⁷ Kiq'uin vi c'a roj c'o ri kitzij ch'abel, y c'o chuka' ri ruchuk'a' ri Dios. Can ja vi c'a ri kac'aslen choj ri nikucusaj richin nikato-ki'. Can ja vi ri kac'aslen ri nikatobej-vi-ki' tok ec'o yeyacatej-pe chikij, y ja chuka' ri' ri nikucusaj tok ec'o ri nikajo' chi c'o niquetamaj, stape' man e yacatajinek ta pe chikij.

Re C'ac'a Testamento pa Kach'abal

⁷ Kaq'uin yoj c'o-va re katzij ch'abal chin re Dios, y c'o chuka' re ru-poder re Dios kaq'uin. Can ja-va c'a re kac'aslen choj nakacusaj chin nakato-ki' chiquivach re vinak re ye'yacataj-pa chakij, y ja chuka' re' re nakacusaj chin che re vinak c'o modo niquinimaj.

Kaqchikel Western Solola

⁷ Riyoj can ya ri kitzij nikatzijoj, y c'o chuka' ri ruchuk'a' ri Dios kiq'ui. Can choj chuka' ri kac'aslen ri kac'uan, yac'ari' ri nito'o kiche (kixin) tek yec'o yeyacatej pe chikij. Xabacuchi (xabachique) yebeyacatej wi pe, wi yepe pa kajquik'a' o yepe pa kajxocon.

2 Corintios 6:7 ပူးပေါင်းရင်းမြစ်များ

Wuj Richin Bix Chire ri Dios 119:43

Kinato' richin jantape' xtinbij ri qitzij, roma kan nukuquban nuk'u'x rik'in ri apixa'.

Ex 14:22

Jari' toq ri israelita kan pa chaqi'j xeq'ax-wi, chukojol ri ya', roma ri ya' xuch'er-ri' y kan xuben achi'el tz'aq pa kijkiq'a' y pa kajxokon.

Wuj Richin Etamabel-Tzij 3:16

Ri na'oj achi'el xa ta k'o ruq'a' y ri pa rijkiq'a' ruk'amon-pe k'aslen, y ri pa rajxokon ruk'amon-pe beyomel y k'ojlemal.

Wuj Richin ri Isaías 11:5

Roma ronojel xtuben pa ruchojmilal, man jun bey xtitzaq pa jun pajk'ibel; y roma kan jantape' xtuben ri nubij, xtitikir xtuk'achojirisaj ri rusamaj.

Wuj Richin ri Isaías 59:17

Ri Dios xukusaj ri ruchojmilal y ri ruchuq'a' achi'el nikusex ri kamisabel richin yerukol ri choj kik'aslen y nuya' rutojbalil pa kiwi' ri man utz ta kik'aslen.

Marcos 16:20

Y keri' ri tijoxela' xe'el k'a chi nej chi naqaj, richin xkitzijoj ri ruch'abel ri Dios. Y ri ajaw kan k'o-wi k'a kik'in richin yeruto', y chuqa' kan xuben chike chi k'iy nima'q taq banobel ri xekiben richin tiq'alajin chi kan ja ri qitzij ri nikitzijoj.] Kan keri' ta k'a.

Hechos 11:21

Ri ruchuq'a' ri Dios kan k'o-wi kik'in ri achi'a' ri'. Roma ri' toq e janila k'a e k'iy winaqi' ri xeniman y xkikuquba' kik'u'x rik'in ri ajaw Jesucristo.

1 Corintios 1:24

Jak'a roj ri xojoyox roma ri Dios richin xojrukol, chi judío y man judío ta, kan qetaman chi rik'in ri Cristo niq'alajin ri uchuq'a' y ri na'oj richin ri Dios.

2 Corintios 13:4

Ri Cristo xuya' ri' chuwech ri cruz, achi'el xa ta maneq ruchuq'a', jak'a wakami k'es roma ri nimalej ruchuq'a' ri Dios. Y keri' roj, kan maneq-wi quchuq'a' achi'el ri Cristo toq xken. Jak'a chuqa' kan xqojk'ase' rik'in ri Cristo, roma ri ruchuq'a' ri Dios richin xkixqasamajij rix.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.

2 Corintios 7:14

Yin kan nutzijon k'a chire rija' chi rix yalan ix jebel y ronojel k'a niq'ax chiwech. Y wakami kan man nik'atzin ta chi yik'ix chuwech. Yin kan jantape' wi k'a ja ri qitzij ri nubin chiwe, y wakami kan qitzij wi chuqa' xq'alajin ri xinbij-el chire ri Tito chiwij rix.

Efesios 1:13

Y chuqa' xiwak'axaj ri ruch'abel ri Dios, ri kan qitzij. Chuqa' xikuquba' ik'u'x rik'in ri utzilej ch'abel ri' ri xk'amon-pe kolotajik chiwe. Y roma ri' ri Dios xuya' chiwe ri Loq'olej Espíritu retal chi ix richin chik rija'.

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Efesios 4:21

roma ix tijon rik'in ri tijonik ri richin rija'. Kan ik'ulun-wi k'a ri tijonik ri ya'on roma rija', ri kan qitzij wi.

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

1 Tesalonicenses 5:8

Jak'a roj ri oj richin ri saqil, tiqana' jebel ri achike yeqabanala'. Kan tiqakuquba' qak'u'x rik'in ri Jesucristo, y qojajowan, achi'el nuben jun aj-labal ri nukusaj ri rutobal ruwa-ruk'u'x. Chuqa' k'o chi niqaq'et-qi' rik'in ri qach'obonik, achi'el ri aj-labal ri nukusaj rutobal rujolon.*f3*

2 Timoteo 2:15

Kan tatija' aq'ij yatok jun utzilej samajel chuwech ri Dios, ri man jun achike ta roma yak'ix y kan nak'ut jebel ri qitzij ruch'abel ri Dios.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

Hebreos 2:4

Ri Dios chuqa' kan xujikiba' ri kich'abel rije' rik'in nima'q taq banobel y rik'in jalajoj ruwech meyel taq banobel, y rik'in ri sipanik ri xya'ox chike roma ri Loq'olej Espíritu, achi'el ri xrajo' rija'.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.