2 Corintios 6:17 - Kaqchiquel Bible

¹⁷ Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Romariꞌ, ri Ajaw ndubꞌij chuqaꞌ: Kixel pe chikikajal ri ma enutinamit ta y tijachaꞌ e iwiꞌ kikꞌin, Ma titzꞌen jun achike ri ndichꞌabꞌaqrisan ri ikꞌaslen, Y riyin nikꞌen apu iwech,

Kaqchikel Santa Maria de Jesus

¹⁷ Ruma cꞌa reꞌ ri Ajaf nuꞌej chiva: Quixiel-pa chiquicajol ri man i-vichin ta inreꞌ. Man tivucꞌuaj ri itziel cꞌaslien, chi quireꞌ inreꞌ nquixꞌan recibir.

Kaqchikel Central Guatemala

¹⁷ Roma c'a ri' rix can nich'on-vi c'a chuka' ri Ajaf chive y nubij c'a: Quixel-pe chiquicojol ri man e vichin ta yin. Tich'ara-pe-ivi', y man tichop-apo ri xa tz'ilolej c'aslen, richin chi yin yixinc'ul.

Re C'ac'a Testamento pa Kach'abal

¹⁷ Y mare' re Ajaf Dios can nich'o-va chuka' chiva, y nubij: Quixel-pa chiquicojol re man yinquiniman-ta. Tijech'aj-a-ivi' quiq'uin, y man tinim-ivi' chupan re quimac reje', chin che yen yixinc'ul,

Kaqchikel Western Solola

¹⁷ Rumac'ari' riyix can nich'o wi c'a chuka' ri Ajaf chiwe y nubij c'a: Quixel c'a pe chiquicojol ri ma ye wuche (wixin) ta riyin. Ma tic'uaj ta iwi' quiq'ui y ma tichop ta apo ri c'aslen ri xa tz'il, riche (rixin) chi queri' riyin yixinc'ul.

2 Corintios 6:17 ပူးပေါင်းရင်းမြစ်များ

Wuj Richin ri Esdras 10:11

Wakami k'a, tik'utuj kuyubel imak chuwech ri Jehová ri qa-Dios ri chuqa' ki-Dios ri qati't-qamama'. Tibana' k'a ri nrajo' rija', y kan tich'ara' k'a iwi' kik'in ri winaqi' ri kichin ch'aqa' chik ruwach'ulew, y kik'in ri ixoqi' ri man e qawinaq ta, xcha'.

Wuj Richin ri Esdras 6:21

Konojel k'a israelita ri xetzolin-pe pa Babilonia, xewa' k'a junan kik'in ri kiwinaq ri ek'o kan chiri', ri xkich'er-pe-ki' kik'in ri man e kiwinaq ta ri ek'o chupan ri ruwach'ulew ri', richin nikikanoj ri Jehová ri ki-Dios.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

Wuj Richin ri Isaías 52:11

Tich'ara-pe-iwi' kik'in ri aj-Babilonia, y kixel-pe. Jak'a man ke'ichop ri man e ch'ajch'oj ta, Kan tich'ara-pe-iwi' kik'in, y tich'ajch'ojirisaj-iwi' rix, ri yixuk'uan ri samajibel richin ri rachoch ri Jehová.

Wuj Richin ri Jeremías 15:17

Yin kan man nuk'uan ta k'a wi' kik'in ri winaqi' ri chaq jantape' yenimaq'ijun. Kan ja toq rat xaya' re jun ruk'ayewal re' pa nuwi', kan nuyon ink'o.

Wuj Richin ri Jeremías 51:6

Y rix winaqi' israelita, kixanimej-el pa Babilonia. Tukolo-ri' ri nitikir, richin chi man yixken roma kimak rije'. Jare' xapon ri q'ij richin ninya' ri rutojbalil pa kiwi' rije' achi'el ri ruk'amon.

Wuj Richin ri Q'axanri'il 16:21

Tijech'ej-el-iwi' chikikojol ri iwinaq, roma yin kan ja re wakami yan xkenk'is jumul, xcha'.

Wuj Richin ri Q'axanri'il 16:26

K'ari' rija' xuya' chik rutzijol chike ri winaqi', chirij ri xtibanatej y xubij k'a chike: Tijech'ej-el-iwi' chire ri kachoch ri itzel taq winaqi' ri' y man jun tichop ri xa kichin rije', richin keri' man yixken ta chuqa' rix junan kik'in rije', roma ri kimak, xcha'.

Wuj Richin ri Q'axanri'il 16:45

Kixel-el chikikojol re winaqi' re kimolon-ki' wawe', roma yin kan ja re wakami yan xkenk'is jumul, xcha' ri Dios chire. Jak'a rije' kan kexukuk k'a xeqaqa pan ulew chuwech ri Jehová.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

Romanos 15:7

Y rix richin k'a chuqa' niya' ruq'ij-ruk'ojlen ri Dios, tibana' achi'el ri xuben ri Cristo; rija' xixruk'ul. Keri' chuqa' rix kan tik'ulu' k'a iwi' y tiwajowala-iwi'.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Deut 14:6

Ronojel chikopi' ri yekamulun y chuqa' ri ruch'aron-ri' ri kipi'ch, utz ye'itej rix.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.