2 Corintios 6:14 - Kaqchiquel Bible

¹⁴ Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Rix ri itaqin chik ri Ajaw, ma tixim iwiꞌ kikꞌin ri ma kitaqin ta. Porque ri chojmilej kꞌaslen, ma chaj ta ndukꞌuaj riꞌ rikꞌin ri ma chojmilej ta kꞌaslen. Keriꞌ chuqaꞌ ri yikꞌan kikꞌaslen roma ri Dios, ma chaj ta ndikikꞌuaj kiꞌ kikꞌin ri kꞌa ekꞌo pa qꞌequꞌ.

Kaqchikel Santa Maria de Jesus

¹⁴ Ixreꞌ man tiꞌan chi ix junan quiqꞌuin ri vinak ri man quiniman ta ri Cristo, ruma man junan ta icꞌaslien quiqꞌuin. ¿Nucꞌuaj came riꞌ jun choj cꞌaslien riqꞌuin jun ri xa man choj ta? ¿Can jaꞌal came niquicꞌuaj-quiꞌ caꞌyeꞌ cꞌaslien quireꞌ? ¿Can junan came ri sakil riqꞌuin ri kꞌakuꞌn chi niquicꞌuaj-quiꞌ?

Kaqchikel Central Guatemala

¹⁴ Rix man c'a titun-ivi' quiq'uin ri vinek ri man quiniman ta ri Cristo, roma man junan ta ic'aslen quiq'uin. ¿Roma can nuc'uaj ta cami ri' jun c'aslen choj riq'uin jun ri xa man choj ta? ¿Can jebel cami nicachibilaj-qui' ca'i' c'aslen queri'? ¿Can junan ta cami c'a ri sakil y ri k'eku'n richin niquic'uaj ta qui'?

Re C'ac'a Testamento pa Kach'abal

¹⁴ Yex man c'a tic'uaj-ivi' quiq'uin re vinak re man quiniman-ta re Jesucristo, roma man chic junan-ta re ic'aslen quiq'uin. Roma jun c'aslen choj manak modo nuc'uaj-ri' riq'uin jun itzel c'aslen. Ancha'l re sakil manak modo nuc'uaj-ri' riq'uin re k'oko'm.

Kaqchikel Western Solola

¹⁴ Riyix man c'a titun ta iwi' quiq'ui ri winek ri xa ma quiniman ta ri Cristo, ruma ma junan ta ic'aslen quiq'ui. Ruma, ¿la can jabel cami nuc'uaj ri' jun c'aslen choj riq'ui jun c'aslen ri xa ma choj ta? ¿La can junan ta cami c'a ri sakil riq'ui ri k'eku'm riche (rixin) chi niquic'uaj qui'?

2 Corintios 6:14 ပူးပေါင်းရင်းမြစ်များ

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

Wuj Richin Bix Chire ri Dios 106:35

Pa ruk'exel chi xekik'is, xa xkitun-ki' kik'in. Xa xekibanala' k'a ri kibanobal ri winaqi' ri',

Wuj Richin Bix Chire ri Dios 119:63

Yin kan in kachibil konojel ri yatkitzeqelibej rat Jehová, konojel ri nikitaqej ri apixa'.

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

Wuj Richin Etamabel-Tzij 22:24

Man tarayij yatok rachibil jun wineq ri kan chi'anin nipe royowal; kan man k'a tawachibilaj ri wineq ri xa man niq'ax ta chuwech, stape' chi oyowal o chi utzil yach'on rik'in.

Wuj Richin Etamabel-Tzij 29:27

Ri winaqi' ri kan utz ri kik'aslen, kan man nikajo' ta yekitz'et ri winaqi' e itzel, y ri e itzel kan man nikajo' ta yekitz'et ri kan tz'aqet ri kik'aslen.

Wuj Richin ri Chojmirisabelri'il 19:19

Kan ke'iyaka' k'a pa taq iwánima ri pixa' ri nuya'on chiwe. Man tiya' q'ij chike ri iwawej richin ye'etz'an kik'in ch'aqa' chik kiwech chikopi' richin ye'alex. Toq niben tiko'n man k'a titik-qa jalajoj ruwech ija'tz chupan jun ulew. Chuqa' man k'a tikusaj tzieq ri banon rik'in jalajoj ruwech betz'.

Wuj Richin ri Malaquías 2:11

Rix tinamit Judá man xiben ta ri xijikiba' chuwech ri Jehová. Rix aj-Jerusalem xa ruyon itzel ri xiben pan Israel. Rix xa xiben chire chi man ch'ajch'oj ta ri rachoch ri Jehová roma xa xixk'ule' kik'in ixoqi' ri xa man junan ta i-dios kik'in.

Wuj Richin ri Malaquías 2:15

Ja ri Dios xbanon iwichin rix y ri iwixjayilal richin xa jun xiben, y chuqa' xa jun espíritu. ¿Achike kami roma xuben? Richin nik'iyer ri iwijatzul ri kan ch'aron chire rija'. Roma ri' kan tichajij-iwi', y man tiq'ol ri iwixjayil ri achoq ik'in xixk'ule-wi toq k'a ix alaboni' na.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Hechos 4:23

Toq ri Pedro y ri Juan xe'isq'opex-el, choj xetzolin k'a kik'in ri kachibil, y xbekitzijoj k'a chike ronojel ri bin-el chike koma ri aj-raqen pa kiwi' ri sacerdote y ri achi'a' ri k'o kiq'ij.

1 Corintios 10:21

Rix kan niqum k'a ri vino richin ninataj ri rukamik ri Cristo. Y wi keri', man ruk'amon ta chi niqum chuqa' ri xa xsuj yan chike itzel taq espíritu. Rix nitej ri kaxlan-wey richin ninataj ri rukamik ri Jesús. Y wi keri', chuqa' man ruk'amon ta nitej ri xa xsuj yan chike itzel taq espíritu.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

1 Corintios 5:9

Chupan ri wuj ri nutaqon iwik'in pa nabey, nubin-el chiwe chi man ke'iwachibilaj ri achi'a' y ri ixoqi' ri nikikanola-ki' richin yemakun.

1 Corintios 6:6

Pa ruk'exel chi keri' ta ibanon, ri qach'alal xa kichapon yekiqasaj qach'alal chikiwech q'atoy taq tzij. Y ri q'atoy taq tzij ri' xa man kikuquban ta kik'u'x rik'in ri Cristo.

1 Corintios 7:39

Jun ixoq k'ulan, kan ximon-wi rik'in ri rachijil y man nitikir ta nujech-ri' rik'in toq k'a k'es na. Jak'a wi niken-el ri rachijil, k'ari' utz chi nik'ule' rik'in jun chik achin, wi keri' nrajo' rija'. Xaxe nik'atzin chi nik'ule' rik'in jun achin ri rukuquban chik ruk'u'x rik'in ri Cristo.

Filipenses 2:15

Richin keri' kan niq'alajin chi kan utz wi ri ik'aslen, y man ta jun itzel nilitej chiwij. Tiq'alajin k'a chi ix ralk'ual ri Dios, y chi man jun etzelal k'o pan iwánima, stape' ixk'o chuwech re ruwach'ulew chikikojol winaqi' ri man choj ta kik'aslen; ri kan e sachineq-wi rik'in ri kich'obonik. Ja rix k'a ri yixsaqirisan kichin ri winaqi' ri' roma ja rix ri ix achi'el rusaqil ri ruwach'ulew,

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.