2 Corintios 6:13 - Kaqchiquel Bible

¹³ Roma ri' yixinpixabaj achi'el ta kan ix walk'ual, y ninbij k'a chiwe chi tinimirisaj ri iwánima chiqajowaxik roj.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Romariꞌ, riyin ri yin achel tataꞌatz pa iwiꞌ, nikꞌutuj chiwa chi tijaqaꞌ ri iwánima chuwa, achel nubꞌanun riyin chiwa rix.

Kaqchikel Santa Maria de Jesus

¹³ Can nquichꞌoꞌ chiva incheꞌl xa ix valcꞌual y nicꞌutuj chiva chi tijakaꞌ ri ivánima, can kojivajoꞌ, ruma ojreꞌ can nquixkajoꞌ. Can tibꞌanaꞌ incheꞌl nakaꞌan ojreꞌ iviqꞌuin.

Kaqchikel Central Guatemala

¹³ Can yich'on-vi c'a iviq'uin achi'el ta can ix valc'ual y ninc'utuj c'a chive chi tinimirisaj ri ivánima chikajovaxic roj. Can kojivajo' c'a, roma roj can yixkajo-vi. Can tibana' c'a achi'el ri nikaben roj iviq'uin.

Re C'ac'a Testamento pa Kach'abal

¹³ Vocame yintzijon iviq'uin ancha'l nuban jun tata'aj quiq'uin re rajc'ual. Nimbij chiva che más kojijo' yoj roma yoj can yixkajo-va. Can tibana' c'a ancha'l re nakaban yoj iviq'uin.

Kaqchikel Western Solola

¹³ Riyin yich'o c'a iwuq'ui achi'el nuben jun tata'aj quiq'ui ri ralc'ual, y nbij c'a chiwe chi can kojiwajo' chuka' riyoj, achi'el ri nikaben riyoj iwuq'ui riyix, riche (rixin) chi queri' junan nikajo' ki'.

2 Corintios 6:13 ပူးပေါင်းရင်းမြစ်များ

Wuj Richin Bix Chire ri Dios 119:32

Kan rik'in ronojel wánima xkibiyin chupan ri bey ri nuk'ut ri apixa'. roma kan in anojisan rik'in kikoten,

Wuj Richin Bix Chire ri Dios 81:10

Kan xaxe k'a yin Jehová, ri in i-Dios, y ja yin ri xinelesan-pe iwichin chupan ri ruwach'ulew Egipto. Tik'utuj k'a chuwe ri nik'atzin chiwe y yin kan xtinya', xicha' chike ri iwati't-imama'.

Marcos 11:24

Roma ri', yin kan ninbij chiwe chi ronojel ri nik'utuj toq rix yixch'on rik'in ri Dios, k'o chi ninimaj chi kan xtik'ul-wi ri xtiya'ox chiwe. Y wi keri', kan xtik'ul-wi.

Gálatas 4:12

Yin xinel yan pe chuxe' rutzij ri pixa'. Roma ri' wach'alal, nink'utuj utzil chiwe chi tibana' achi'el xinben yin. Toq xik'oje' iwik'in, rix yalan utz xiben wik'in, jak'a re wakami kan xiniya' pa q'axo'n.

Gálatas 4:19

Toq rix man jani tikuquba' ik'u'x rik'in ri Cristo, yin kan janila q'axo'n xink'owisaj, achi'el ruq'axo'n jun ixoq ri nibe'alex yan ti ral. Y wakami jun bey chik ja q'axo'n ri' ninna' pa wánima. Ri q'axo'n ri' jantape' xtink'uaj, k'a toq rix xtiya' q'ij chi ri Cristo xtiq'alajin chi utz chupan ri ik'aslen.

1 Tesalonicenses 2:11

Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

1 Juan 2:1

Rix ri kan ix achi'el walk'ual, nintz'ibaj yan k'a el ronojel re' chiwe richin man kixmakun. Jak'a wi k'o jun ri xtimakun chiwe, k'o jun ri nik'utun chire ri Tata'ixel richin tikuy rumak. Y ri' ja ri Jesucristo, ri kan choj wi.

1 Juan 3:18

Rix walk'ual, man k'a kixajowan xaxe rik'in ri ich'abel. Xa kan ke'ito' ri ch'aqa' chik. Y rik'in ri' kan xtiq'alajin k'a chi kan qitzij yixajowan.

1 Juan 3:7

Rix walk'ual, man k'a kixq'olotej. Wi nik'uaj jun k'aslen choj, kan ixchoj chuqa' achi'el ri Jesucristo, kan choj wi.

3 Juan 1:4

Y ronojel bey toq ninwak'axaj chi ri qach'alal ri e achi'el walk'ual kan qitzij kojqan ri ruch'abel ri Dios, yalan kikoten nuya' pa wánima.