2 Corintios 5:6 - Kaqchiquel Bible

⁶ Roma ri' roj kan kuqul qak'u'x jantape', roma qetaman chi re k'a ojk'o na chupan re ch'akulaj re', man jani ojk'o ta chupan ri k'ak'a' qachoch rik'in ri ajaw Jesús.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Y roma ri Espíritu Santo kꞌo chik pa qánima, jumul kuqul qakꞌuꞌx rikꞌin ri Ajaw chi kin nduyaꞌ wi ri kꞌakꞌakꞌ rachoch ri qánima. Y qetaman chi kꞌajani rojkꞌo rikꞌin ri Ajaw, porque kꞌa rojkꞌo chupan re aj rochꞌulew qa-cuerpo.

Kaqchikel Santa Maria de Jesus

⁶ Rumareꞌ ojreꞌ can siempre cukul kacꞌuꞌx, kayoꞌien-apa chi xticꞌujieꞌ ri jun chic rachuoch ri ka-espíritu, ruma kataꞌn chi xa cꞌa ojcꞌo chupan ri ka-cuerpo, xa man ojcꞌo ta riqꞌuin ri Kajaf Jesús chicaj.

Kaqchikel Central Guatemala

⁶ Romari' roj can cukul kac'u'x jantape', koyoben-apo jampe' c'a xtikac'ul ri jun chic rachoch ri kánima. Roma ketaman chi tok can c'a ojc'o na chupan re ch'aculaj re', y man jani ojc'o ta chupan ri can kitzij kachoch, man jani yojc'oje' ta c'a riq'uin ri Ajaf Jesús.

Re C'ac'a Testamento pa Kach'abal

⁶ Mare' yoj can nojel tiempo kayaben-apo jampa' xtakac'ul re jun c'ac'a rachoch re kánma. Roma kataman che tak c'a yojc'o chupan re ka-cuerpo vova' chach re ruch'ulef, y c'amaje-na kojc'ue' chupan re can katzij kachoch, can c'amaje-na kas kojc'ue' riq'uin re Ajaf Jesús.

Kaqchikel Western Solola

⁶ Rumari' riyoj can cukul kac'u'x, koyoben apo c'a ajan (jampe') xtikac'ul ri jun chic rachoch ri kánima. Ruma ketaman chi tek can c'a kac'uan na re ch'aculaj riche (rixin) re ruwach'ulef, xa c'a ma jane yojc'o ta riq'ui ri Ajaf Jesús chila' chicaj.

2 Corintios 5:6 ပူးပေါင်းရင်းမြစ်များ

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

Wuj Richin Bix Chire ri Dios 119:19

Yin xa in q'axel re wawe' chuwach'ulew. Man naben chuwe richin man niq'ax ta chinuwech ri apixa'.

Wuj Richin Bix Chire ri Dios 39:12

Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

Wuj Richin Etamabel-Tzij 14:26

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

Wuj Richin ri Isaías 30:15

Ri Jehová k'iytisanel richin ronojel ja ri Loq'olej qa-Dios, y rija' nubij chi kixanpe rik'in, y titzolin-pe ik'u'x richin nik'oje' uxlanen iwik'in y kan xkixkolotej. Rija' xtuya' iwuchuq'a' rix wi nikuquba' ik'u'x rik'in. Jak'a rix xa man niwajo' ta.

Wuj Richin ri Isaías 36:4

Jari' toq ri aj-raqen ri' xubij: Tiq'axaj re jun taqikil re' chire ri rey Ezequías. Ri nimalej rey richin Asiria nrajo' nretamaj ri achike banayon chire richin janila rukuquban ruk'u'x.

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

2 Corintios 5:8

Kan qakuquban-wi qak'u'x rik'in, y janila k'a niqajo' chi man ta chik ojk'o chupan re ch'akulaj re', y kan rik'in ta chik rija' ojk'o-wi.

Hebreos 10:35

Roma ri' kan utz chi ikuquban ik'u'x rik'in ri Dios. Man k'a tiya' kan. Roma kan nuk'en-wi-pe jun nimalej rajel-ruk'exel chiwe.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Hebreos 13:14

Chuwech re ruwach'ulew xa man richin ta jantape' qilon-qa jun qatinamit. Jak'a kan qachapon bey richin nibeqila' ri qatinamit ri peteneq chiqawech.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

Apocalipsis 1:9

Yin Juan, ri in iwach'alal, ri kan in iwachibil chupan ri tijoj-poqonal, y ri rajawaren ri Dios y jantape' nutzeqeliben ri Cristo rik'in koch'onik. Yin xik'oje' k'a pa ti ruwach'ulew Patmos ri k'o chukojol ya', roma nintzijoj ri ruch'abel ri Dios y roma chuqa' ri xuq'alajirisaj ri Jesucristo chinuwech.