2 Corintios 5:11 - Kaqchiquel Bible

¹¹ Roj kan k'o-wi k'a rukiy y rejqalen ri ajaw chiqawech, roma ri' yojsamej richin chi ek'o ta k'a más ri nikikuquba' kik'u'x rik'in. Ri Dios kan retaman-wi k'a qawech roj, y ninwoyobej chi keri' ta chuqa' rix.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y roma qetaman chi ri Ajaw jun qꞌij más chiqawech apu nduqꞌet tzij pa qawiꞌ, roj qaxibꞌin qiꞌ chuwech, ndiqatij qaqꞌij ndiqabꞌij chake konojel wineq chi tikitaqij rijaꞌ. Ri Dios kin retaman wi qanoꞌoj, y ndiqarayij chi rix chuqaꞌ pa ruchojmil ta kꞌa ngixnojin chiqij.

Kaqchikel Santa Maria de Jesus

¹¹ Y ruma ojreꞌ kataꞌn chi xkubꞌaka choch ri Ajaf, rumareꞌ cꞌo xibꞌinreꞌl kiqꞌuin, y nkusamaj chi quireꞌ icꞌo ta más ri niquinimaj jajaꞌ. Ri Dios can rataꞌn kavach oj chica ojreꞌ y rataꞌn kánima. Y nivoyoꞌiej chi can ta kꞌalaj jeꞌ chivach ixreꞌ, y quireꞌ ta jeꞌ ntinaꞌ ixreꞌ riqꞌuin ri ijaluon y ri ivánima.

Kaqchikel Central Guatemala

¹¹ Roj can c'o-vi c'a chikac'u'x ri Ajaf, romari' c'o xibinri'il kiq'uin y yojsamej c'a richin chi ec'o ta c'a más ri yeniman richin. Ri Dios can retaman-vi c'a kavech oj achique roj y retaman chi man jun k'oloj ri pa tak kánima. Y ninvoyobej chi que ta ri' nik'alajin chuka' chivech rix, y que ta chuka' ri' nina' rix ri pa tak ivánima, chi roj man jun k'oloj kiq'uin.

Re C'ac'a Testamento pa Kach'abal

¹¹ Yoj kataman che can xkojapon chach re Jesucristo, mare' nakaxibij-ki' nakaban mac, y yojsamaj chin che jec'o-ta más re ye'niman richin. Re Dios can rutaman-va yoj anchique yoj y rutaman che can riq'uin ronojel kánma nakaban re samaj. Y ninyabej che quire-ta nik'alajin chuka' chivach yex, y quire-ta chuka' nina' yex pa tak ivánma, che yoj can riq'uin ronojel kánma yojsamaj.

Kaqchikel Western Solola

¹¹ Y ruma riyoj ketaman chi ri Ajaf can xtuk'et na wi tzij pa kawi', rumari' c'o xibinri'il kiq'ui y yojsamej c'a riche (rixin) chi yec'o ta q'uiy ri yeniman riche (rixin). Ri Dios can retaman wi c'a kawech yoj achique riyoj y retaman chi majun k'oloj pa tak kánima. Y nwoyobej chi que ta ri' nik'alajin chiwech riyix, y que ta chuka' ri' nina' ri pa tak iwánima, chi riyoj majun k'oloj kiq'ui.

2 Corintios 5:11 ပူးပေါင်းရင်းမြစ်များ

Judas 1:23

Ch'aqa' chik winaqi' ri xa yebe yan pa q'aq' kan ke'ikolo' k'a kan chuwech ri q'aq'. Keri' chuqa' ri winaqi' ri kik'uan itzel taq rayinik, nik'atzin chi nijoyowaj kiwech. Jak'a k'o chi nichajij-iwi' chikiwech, richin man yixtzaq chuqa' rix chupan ri kibanobal rije'.

Hebreos 10:31

¡Kan nimalej ruk'ayewal chire ri wineq wi niqaqa pa ruq'a' ri k'aslik Dios!

Apocalipsis 20:15

Y kan chupan k'a chuqa' re q'aq' re' xek'aq-wi konojel ri winaqi' ri man tz'ibatel ta kibi' chupan ri wuj richin k'aslen.

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

2 Corintios 5:20

Roma ri' roj kan yojch'on pa rubi' ri Cristo, y kan achi'el ja ta ri Dios ri nich'on iwik'in qoma roj. Niqak'utuj k'a utzil chiwe pa rubi' ri Cristo chi tijunamatej-iwech rik'in ri Dios.

Hechos 18:13

y xbekibij k'a chire ri Galión: Re jun achin re' nuben k'a chike ri winaqi' chi tikiya' ruq'ij ri Dios, jak'a xa man achi'el ta rubanik ri nubij ri pixa' richin kan ri Moisés, xecha'.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin Bix Chire ri Dios 90:11

¿Achike ta k'a wineq ri retaman ri retabal ri awoyowal rat, ri awoyowal ri kan ruk'amon chi niqak'en rukiy?

Wuj Richin Bix Chire ri Dios 76:7

Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Wuj Richin ri Achin Job 31:23

Yin kan man yitikir ta ninben keri', roma kan k'o xibinri'il richin ri Dios pa nuk'aslen, roma rija' kan nuya-wi ruk'ayewal; kan man jun k'a yitikir ninben chuwech ri nimalej rubanik ri ruchuq'a' ri Dios.

Gálatas 1:10

¿Y achike nibij rix? ¿Ninben kami yin chi utz yitz'et koma ri winaqi', o ninben chi utz yitz'et roma ri Dios? Yin man ninben ta chi yiqa' chikiwech ri winaqi'. Roma wi ta keri' ninben, man ta xinok rusamajel ri Cristo.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

Hechos 26:26

Wawe' k'o-wi ri rey Agripa. Roma ri' man k'a ninxibij ta wi' yich'on-apo, roma yin ninch'ob chi kan ronojel ri e banatajineq retaman, roma xa kan pa saqil ri banatajineq-wi.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Hechos 18:4

Jak'a ri pa taq q'ij richin uxlanen, ri Pablo nibe k'a chupan ri jay ri kan nitzijox-wi ri ruch'abel ri Dios, nuq'alajirisaj k'a ri Jesús chikiwech ri winaqi' judío y ri man e judío ta. Kan nutej k'a ruq'ij kik'in, richin niq'ax ta chikiwech.

Hechos 13:43

Toq ri winaqi' ri kimolon-ki' chiri' xkitaluj-el ki', e k'iy k'a ri xebe chikij ri Pablo y ri Bernabé. Ek'o k'a judío, y ek'o k'a ri xa man e judío ta ri kan nikiben chuqa' ri nubij ri pixa' richin ri Moisés, roma kan e ya'ol-wi ruq'ij ri Dios. Y xbix k'a chike koma ri Pablo y ri Bernabé, chi kan tikuqer kik'u'x rik'in ri Dios ri niya'on ri utzil chike ri winaqi'.

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Mateo 25:46

Y ri winaqi' ri' kan xkebe-wi k'a pa tijoj-poqonal richin jantape'. Jak'a ri chojmilej taq winaqi' xtikil k'a jun k'aslen ri man k'isel ta. Keri' k'a ri ch'abel ri xubij ri Jesús.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

Wuj Richin ri Isaías 33:14

Ri pa tinamit Sión konojel winaqi' ri e aj-maki' kan janila xtikixibij-ki'. Konojel ri winaqi' ri maneq Dios chikiwech kan yebaybot roma xibinri'il. Rije' nikibij ri achike xtitikir xtikoch'on ri q'aq' ri', ri kan yaruk'is y man jun bey nichup.

Wuj Richin Bix Chire ri Dios 73:19

Pa jun ramaj k'a xkewuluwu', y roma ri kixibinri'il xke'apon pa kamik.

Wuj Richin ri Achin Job 18:11

Xabakuchi k'a nibe-wi; kan jantape' ruxibin-ri'; y kan nuna' chi k'o tzeqelibeyon richin.

Wuj Richin ri Achin Job 6:4

Kan in sokotajineq k'a roma ri ch'ab ri e richin ri Dios ri k'o ronojel uchuq'a' pa ruq'a'. Ri nuk'aslen kan nuk'ul k'a ri kamisanel aq'om ri ek'o-pe chikitza'n ri ch'ab ri'. Kan ronojel k'a ri xibinri'il ri nuya' ri Dios kan kisutin-wij.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Isaías 19:16

Chupan ri q'ij ri' konojel achi'a' aj-Egipto xa kan xtikiben achi'el nikiben ri ixoqi'; roma kan xtikixibij-ki' y kan xtikik'en rukiy ri Jehová k'iytisanel richin ronojel, toq xtutzeqej ri nimalej ruq'a' pa kiwi' rije'.

Efesios 5:21

Kan tinimaj k'a itzij chi iwachibil-qa-iwi', richin niya' ruq'ij ri Cristo.

Hebreos 12:29

Roma ri qa-Dios kan achi'el q'aq' ri kan nuk'is ronojel.