2 Corintios 4:8 - Kaqchiquel Bible

⁸ Roma roj kan k'o k'a ri niqak'uluwachila', jak'a kan man niqamalij ta qak'u'x. Yojk'oje' pa latz', jak'a man nisach ta qak'u'x.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Romariꞌ, maske ndumal pe riꞌ kꞌayew chiqij, pero xa ngojel chuwech. Janteq ma ndiqil ta achike ndiqabꞌen roma ri kꞌayew ndiqaqꞌasaj, pero ma ndiqamalij ta qa qakꞌuꞌx.

Kaqchikel Santa Maria de Jesus

⁸ Ojreꞌ nojiel kꞌij nakaꞌan sufrir, pero can kacachꞌuon y can oj-alanak chupan. Can cꞌo qꞌuiy kax niꞌan chika, pero man nakamalij ta kacꞌuꞌx.

Kaqchikel Central Guatemala

⁸ Roma roj can benek-vi c'a ruvech c'o ri nikac'ulvachij, pero yojk'ax chuvech. Can man nikil ta c'a achique nikaben roma ri c'ayef ec'o chikavech y roma ri yec'atzin chike, pero man sachinek ta kac'u'x.

Re C'ac'a Testamento pa Kach'abal

⁸ Roma yoj, nojel tiempo q'uiy cosas nakac'alvachij, pero can yojtiquirnak che yojch'aconak y yojk'axnak chach. Can man nakavel-ta andex nakaban roma re ye'kac'alvachij, pero man satzanak-ta kac'o'x.

Kaqchikel Western Solola

⁸ Ruma riyoj xabacuchi (xabachique) ta na nipe wi tijoj pokonal chikij, pero ma oconek ta chikac'u'x. C'o jantek can ma nikil ta c'a achique nikaben ruma q'uiy ri rajawaxic chake, pero ma sachnek ta kac'u'x.

2 Corintios 4:8 ပူးပေါင်းရင်းမြစ်များ

2 Corintios 12:10

Kan janila wi yikikot toq roma ri Cristo k'o ri yenk'uluwachila'; roma re' xa nikik'ut chi maneq wuchuq'a'. Yikikot toq k'o nikiben chuwe richin yinkik'ixbisaj, yikikot toq k'o yek'atzin chuwe y xa man jun nipe-wi, yikikot toq yinetzelex y yikikot chuqa' ri pa q'axo'n. Roma jak'a toq yin maneq chik wuchuq'a' ninna', jari' toq nipe wuchuq'a'.

2 Corintios 7:5

Kan xaxe k'a xojoqaqa wawe' pa Macedonia, xqachop niqak'owisaj tijoj-poqonal. Xa kan man yojuxlan ta k'a juba' chire ri tijoj-poqonal. Kan xabakuchi k'a niqil q'axo'n. Ri qik'in-qa roj kan niqatej poqon roma ri qánima niq'axo y chuqa' k'o xibinri'il qik'in.

Wuj Richin Bix Chire ri Dios 37:33

Jak'a ri Jehová kan man xtuya' ta q'ij chi ri choj ruk'aslen nitzaq pa ruq'a' ri banoy etzelal. Y man xtrejqalej ta mak toq xtuk'uex-el chuwech ri q'atoy-tzij.

San Juan 14:18

Yin man xkixinmalij ta kan stape' xkibe, roma xa kan xkipe chik iwik'in.

1 Corintios 10:13

Y toq k'o jun tejtobenik nipe pa qak'aslen, man tiqabij chi xaxe roj ri yojk'uluwachin keri', roma konojel keri' nikik'uluwachij. Jak'a ri Dios kan ruya'on rutzij chi kan yojruto-wi, y man nuya' ta q'ij chi nik'o ruwi' ralal ri tejtobenik ri'. Jak'a nuya' chiqe ri uchuq'a' chi yojtikir yojik'o chupan ronojel.

2 Corintios 6:4

Pa ruk'exel ri', kan niqak'ut k'a qi' chi oj rusamajela' ri Dios. Kan niq'alajin-wi chi oj rusamajela' ri Dios roma k'iy koch'onik k'o qik'in, qak'owisan tijoj-poqonal, oj q'axineq toq k'o k'iy ri nik'atzin chiqe, chuqa' kan oj q'axomarineq.

Wuj Richin Etamabel-Tzij 14:26

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.

1 Sam 30:6

Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.

Wuj Richin Bix Chire ri Dios 129:2

Kan pa rutikeribel-pe ri janila in poqonatajineq-pe, jak'a kan man e tikirineq ta pe chuwij.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin ri Habacuc 3:17

Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.

2 Corintios 6:12

Roj man qak'ek'en ta k'a ri qajowabal chiwe rix, jak'a rix xa man keri' ta ibanon qik'in roj.

Gálatas 4:20

Y yin janila k'a ninwajo' chi ink'o ta apo iwik'in re wakami; richin keri' man ta yich'on iwik'in achi'el re ninben wakami. Kan man nich'obotej ta k'a chinuwech achike ruk'amon ninben iwik'in.