2 Corintios 4:16 - Kaqchiquel Bible

¹⁶ Jari' ri nibanon chiqe roj chi man jun bey niqamalij qak'u'x, stape' ta ri ch'akulaj ri qak'uan kan nuna-wi janila. Jak'a ri qa-espíritu, pa ruk'exel chi nik'is ta qa ruchuq'a', xa q'ij-q'ij más ruchuq'a' nik'oje-el.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe.

Kaqchikel Santa Maria de Jesus

¹⁶ Jareꞌ ri nibꞌano chika ojreꞌ chi man nakamalij ta can ri samaj, mesque nakaꞌan sufrir. Ri ka-cuerpo can nunaꞌ ri niꞌan cha, rumareꞌ can niqꞌuis-ka ruchukꞌaꞌ; pero ri ka-espíritu man quireꞌ ta, xa kꞌij-kꞌij más ruchukꞌaꞌ nicꞌujieꞌ.

Kaqchikel Central Guatemala

¹⁶ Jac'ari' ri nibanon chike roj chi man jun bey nikamalij ta kac'u'x chubanic ri samaj, stape' ta c'o tijoj-pokonal. Ri ch'aculaj ri kac'uan roj can nuna-vi janíla, roma ruchapon-ka ruq'uisnen. Jac'a ri espíritu kichin roj, man que ta ri'. Roma ri espíritu c'o kiq'uin pa ruq'uexel chi niq'uis ta ka ruchuk'a', xa k'ij-k'ij más ruchuk'a' nic'oje-el.

Re C'ac'a Testamento pa Kach'abal

¹⁶ Jare' re nibano chaka che man nakamalij-ta kac'o'x, chubanic re samaj astapa' c'o tijoj-pokonal. Re ka-cuerpo yoj camas nuna', roma nojel k'ij re ye'k'ax, xa más niq'uis-ka ruchuk'a'. Jac'a re espíritu kachin yoj, man quire-ta. Roma re espíritu re c'o kaq'uin yoj, man niq'uis-ta ruchuk'a', xa k'ij-k'ij nic'ue-a más ruchuk'a'.

Kaqchikel Western Solola

¹⁶ Yac'ari' ri nibano chake riyoj chi can ma nikamalij ta kac'u'x chubanic ri samaj, astape' ta c'o tijoj pokonal. Ri ch'aculaj ri kac'uan riyoj can nuna' wi ruma ruchapon ka ruq'uisen. Yac'a ri ka'espíritu ma que ta ri'. Ruma ri espíritu ri c'o kiq'ui pa ruq'uexel chi niq'uis ta ka ruchuk'a', xa k'ij k'ij más ruchuk'a' nic'oje'.

2 Corintios 4:16 ပူးပေါင်းရင်းမြစ်များ

Wuj Richin Bix Chire ri Dios 119:81

Ri wánima kan nilawalo' yan qa chi royobexik ri kolotajik ri naya' rat Jehová. Kan jantape' k'a xtinkuquba' nuk'u'x rik'in ri ach'abel.

Wuj Richin Bix Chire ri Dios 27:13

Jak'a kan q'axineq chinuwech chi kan xtintz'et ri awutzil rat, rokik in k'es.

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin ri Isaías 40:29

Rija' nuya' chik ruchuq'a' ri wineq ri janila kosineq, y nuya' ruchuq'a' ri wineq ri maneq ruchuq'a'.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin ri Jeremías 45:3

Rat xabij: Toq'ex k'a nuwech yin, roma ri Jehová kan ruya'on bis y q'axo'n chuwe. Xikos yan richin yinoq' y man ninwil ta uxlanen, xacha'.

San Lucas 11:3

Tabana' utzil taya' chuqa' ri qaway ri nik'atzin chiqe ronojel q'ij.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Romanos 7:22

Ri wánima kan yalan-wi nikikot rik'in ri rupixa' ri Dios.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

2 Corintios 12:15

Roma ri' yin kan rik'in k'a janila kikoten xtinkusaj ri nubeyomel iwik'in rix, y chuqa' kan ninya' wi' yin roma kan janila ri wajowabal chiwe rix, stape' rix man kan ta yiniwajo' achi'el ri yixinwajo' yin.

2 Corintios 4:1

Roma ri' roj man yojq'itej ta chubanik ri rusamaj ri Dios ri ruya'on chiqe roma ri rutzil.

Efesios 3:16

Y rija' kan k'o-wi nimalej ruq'ij-ruk'ojlen, ri kan achi'el jun nimalej beyomel. Y roma ri' yin nink'utuj utzil chire pan iwi' rix, chi ri Loq'olej Espíritu tuya' janila uchuq'a' pa taq iwánima.

Efesios 4:23

Kan nijalatej ta k'a ri iwánima y ri ich'obonik.

Colosenses 3:10

Wakami jun k'ak'a' k'aslen ik'uan. Y ri Dios nuben k'a chiwe richin chi yixok más achi'el rija', richin niwetamaj más ruwech.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

1 Pedro 3:4

Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

1 Pedro 4:14

Jebel ruwa-iq'ij rix wi nibix poqon taq tzij chiwe roma itzeqeliben ri Cristo, roma re' nel chi tzij chi ri jebelej Loq'olej Espíritu richin ri Dios kan k'o iwik'in.