2 Corintios 3:7 - Kaqchiquel Bible

⁷ Toq xban ri nabey jikibel-tzij, xtz'ibex chuwech tz'alem taq abej y kan xq'alajin ri ruq'ij-ruk'ojlen ri Dios, y ri ruwech ri Moisés kan xch'ich'an. Y stape' ri saqil ri' xa beneq-qa ruk'isinen, ri winaqi' judío kan man xetikir ta xkitzu' ruwech ri Moisés. Y ri nabey jikibel-tzij ri' xa xuk'en-pe ri kamik.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Y ri ley ri ndubꞌij chi ndiqaqa kamik pa kiwiꞌ ri ngebꞌanun mak, xtzꞌibꞌex chuwech tzꞌalen teq abꞌej, y xqꞌalajin chi kin kꞌo nimalej ruqꞌij atoq xyoꞌox chare ri Moisés. Romariꞌ ri israelitas ma xetiker ta xkitzꞌet ruwech ri Moisés, porque kin ndiyikꞌilan ri ruwech y ri yikꞌinik riꞌ xa eqal-eqal xkꞌis qa chiruwech ri Moisés.

Kaqchikel Santa Maria de Jesus

⁷ Ri pacto ri tzꞌibꞌan choch ri tzꞌajtzꞌak tak abꞌaj, joꞌc nucꞌut chakavach chi nika ri camic pa kaveꞌ. Pero man ruma ta reꞌ man jun rukꞌij. Ruma can xkꞌalajin rukꞌij ri Dios chupalaj ri Moisés antok xꞌan ri pacto reꞌ. Ri vinak israelitas man xquicochꞌ ta xquitzꞌat ri rupalaj ri Moisés, ruma xchꞌichꞌan, y reꞌ xa xqꞌuis.

Kaqchikel Central Guatemala

⁷ Ri trato ri tz'iban chuvech tz'alen tak abej xa nuc'ut chikavech chi nika' ri camic pa kavi'. Pero man riq'uin ta ri' can man jun ta ruk'ij-rusakil ri trato ri', xa can c'o-vi. Can xk'alajin ri ruk'ij-rusakil ri Dios tok xban ri trato ri'. Riq'uin ri Moisés xk'alajin-vi. Ri vinek israelitas, can man xetiquir ta xquitzu' ruvech ri Moisés, roma can janíla vi niyic'lun, stape' xa man richin ta jantape'.

Re C'ac'a Testamento pa Kach'abal

⁷ Re trato re tz'iban chach tz'alam tak aboj, nuc'ut chakavach che nika re camic pa kave'. Pero man ndel-ta che tzij che re trato re' man jun ruk'ij, roma re trato re' can c'o-va ruk'ij. Can xk'alajin re ruk'ij y re rusakil re Dios tak xban re trato re', roma re sakil re xtz'et can nuchup pan avach. Y re sakil re' riq'uin re Moisés xk'alajin-va, mare' re vinak israelitas can man xe'tiquir-ta xquitzu' rupalaj re Moisés, roma re sakil can nuchup pan avach, astapa' re sakil re' can xq'uis-va.

Kaqchikel Western Solola

⁷ Ri trato ri tz'iban chuwech tz'alan tak abej ri xya'ox (xya') chare ri Moisés xa camic xuc'om pe pa kawi'. Pero ma riq'ui wi ri' can c'o ruk'ij. Ruma can xk'alajin ri nimalaj sakil riche (rixin) ri Dios chupalej ri Moisés tek xban ri trato ri' y rumari' ri israelitas can ma xecowin ta xquitzu' apo ri rupalej ruma can sibilaj nitz'itz'an y ri sakil ri' xa niq'uis ka. Y wi nim rejkalen ri nabey trato ri',

2 Corintios 3:7 ပူးပေါင်းရင်းမြစ်များ

Wuj Richin ri Rutikeribel 3:21

Y ri Dios xuben nima'q raqen rutziaq ri achin y ri ixoq, xuben rik'in sale'y kichin chikopi' richin xerukuch.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin Bix Chire ri Dios 119:174

Jehová, kan jantape' k'a ninrayij richin yinato'; ri apixa' kan jari' ri ruki'il ri nuk'aslen.

Wuj Richin Bix Chire ri Dios 119:97

Yin kan janila ninwajo' ri apixa', kan jari' ri ninquqa' rij chijun q'ij.

Ex 24:12

Chirij ri' ri Jehová xch'on chik rik'in ri Moisés y xubij: Kajote-pe wawe' wik'in pa ruwi' re juyu' y xkak'oje' wik'in. Y yin xtinya' k'a ri tz'alem taq abej chawe, ri uk'uayon ri pixa' ri ninwajo' chi niben. Ri xintz'ibaj kan richin chi rat nak'ut chikiwech ri winaqi'.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ex 32:19

Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

Hechos 6:15

Jari' k'a toq ri achi'a' ri yeq'aton-tzij ri e tz'uyul ri chiri', xkitzu-xkitzu' ruwech ri Esteban. Jari' toq xkitz'et chi xjalatej ruwech, y xok achi'el titzu'un jun ángel.

Romanos 10:4

Man k'atzinel ta chik chi niqatzeqelibej ri pixa' roma xoqaqa ri Cristo. Keri' xabachike ri nukuquba' ruk'u'x rik'in ri Cristo, man jun rumak nik'ulun chuwech ri Dios.

Romanos 4:15

Ri Dios nipe royowal toq nikiq'ej ruwi' ri pixa'. Wi maneq ta ri pixa', man jun ta ri nikiq'ej ruwi'.

Romanos 5:20

Toq ri Dios xuya-pe ri pixa', roj winaqi' kan más k'a xojmakun chuwech. Stape' janila xojmakun, más xq'alajin ri rutzil ri Dios.

Romanos 7:10

y k'ari' xinnabej chi maneq nuk'aslen rik'in ri Dios. Ja ta ri pixa' ri xk'amon-pe ri k'aslen. Jak'a pa ruk'exel ri', xa ja ri kamik ri xuk'en-pe.

Romanos 7:22

Ri wánima kan yalan-wi nikikot rik'in ri rupixa' ri Dios.

Romanos 7:5

Rubanon kan, toq kan k'a ojk'o na chupan ri qamak, ri pixa' xa xuben chiqe chi xqaben ri itzel taq rayinik. Roma ri', ronojel ri xqaben xa xojruk'uaj chupan ri kamik.

1 Corintios 13:10

Jak'a k'o jun q'ij toq xtipe ri kan tz'aqet; y ri man e tz'aqet ta xa kan xkek'is.

2 Corintios 3:3

Ri qawuj roj ri nibin chi kan qojk'ul, kan ja wi rix, y ja ri Cristo ri banayon-pe rik'in ri Loq'olej Espíritu richin ri k'aslik Dios. Jak'a man rik'in ta tz'ibabel banon-wi, ni man chuwech ta chuqa' tz'alem taq abej; xa kan chuwech k'a ri iwánima.

2 Corintios 3:6

Ja rija' k'a ri xbanon chiqe richin niqasamajij ri jun k'ak'a' jikibel-tzij. Ri jikibel-tzij ri' man tz'iban ta chuwech tz'alem taq abej. Xa kan tz'iban k'a rik'in ri Espíritu. Roma ri jikibel-tzij ri tz'iban chuwech tz'alem taq abej man nuya' ta k'aslen. Jak'a ri tz'iban rik'in ri Espíritu, kan nuya-wi k'aslen.

2 Corintios 3:8

Jak'a ri k'ak'a' jikibel-tzij ri tz'iban rik'in ri Loq'olej Espíritu, nuk'en-pe más ruq'ij-ruk'ojlen ri Dios.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Deut 4:8

¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 9:15

Toq yin xiqaqa-pe pa ruwi' ri juyu' ri nibiron pa q'aq', nuk'amon-pe pa nuq'a' ri ka'i' tz'alem taq abej richin ri rujikibel-tzij.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Hebreos 3:3

Roma ri' ri Moisés k'o ruq'ij. Jak'a ri Jesús kan más ruk'amon chi k'o ruq'ij-ruk'ojlen roma ri Jesús kan achi'el jun achin banoy-jay. Y kan qetaman-wi chi ja ri banoy-jay ri más ruq'ij, ke chuwech ri jay.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.