2 Corintios 3:14 - Kaqchiquel Bible

¹⁴ K'a re wakami ri winaqi' judío xa kan tix-tix ri kich'obonik, xa kan achi'el k'a tz'apel na kiwech toq nisik'ix ri ojer jikibel-tzij. Y ri nelesan ri tz'apebel-kiwech kan xaxe ri Cristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero ri nuwinaqul israelitas xtzꞌapitej ruwech ri kinoꞌoj, romariꞌ ma xkikꞌoxomaj ta rubꞌeyal reꞌ, y kꞌa keriꞌ kibꞌanun wokami. Atoq ndibꞌan leer ri ojer pacto chikiwech, ma ndikikꞌoxomaj ta, xa kin achel tzꞌapin kiwech rikꞌin ri kꞌul riꞌ, porque kꞌaja na atoq jun ndabꞌen rikꞌin ri Cristo, ndel e ri kꞌul riꞌ.

Kaqchikel Santa Maria de Jesus

¹⁴ Pero ri israelitas xa cof xꞌan cha ri quijaluon, rumareꞌ man xiꞌka ta pa quiveꞌ (man xquiꞌan ta entender), y cꞌa quireꞌ quibꞌanun vacame. Antok niꞌan leer ri naꞌay pacto chiquivach, man niꞌka ta pa quiveꞌ (man niquiꞌan ta entender), ruma cꞌa tzꞌapal quipalaj cha jun incheꞌl tziak y joꞌc ri Cristo xtalasan-el.

Kaqchikel Central Guatemala

¹⁴ Pero chuka' ri vinek xa xtz'apetej quivech, romari' ri quinojibal man q'uiy ta c'a ri nik'ax chuvech. Y c'a que na ri' ri quibanon vacami. Tok nisiq'uix ri nabey trato chiquivech, man nik'ax ta jebel chiquivech, roma can c'a tz'apel na quivech. Y ri nelesan ri tz'apebel-quivech xaxe c'a ri Cristo.

Re C'ac'a Testamento pa Kach'abal

¹⁴ Pero chuka' re vinak xa xtz'apetaj quivach, mare' man ye'nojin-ta jabal, roma man can-ta nak'ax pa quive'. Y c'a quire' quibanon vocame. Tak niban leer re nabey trato chiquivach, man nak'ax-ta otz pa quive', roma can c'a tz'apal quivach. Y xe re Jesucristo re nijako quivach.

Kaqchikel Western Solola

¹⁴ Pero chuka' ri israelitas ri' xa xtz'apitej quiwech, y rumari' ri quinojibal ma q'uiy ta c'a ri xk'ax chuwech. Y c'a que na ri' quibanon ri israelitas wacami. Tek nisiq'uix ri nabey trato chiquiwech, ma nik'ax ta jabel chiquiwech, ruma can c'a tz'apel na quiwech. Y ri nelesan ri tz'apebel quiwech xaxu (xaxe) wi c'a ri Cristo.

2 Corintios 3:14 ပူးပေါင်းရင်းမြစ်များ

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Hechos 16:14

Chike ri ixoqi' ri', k'o jun ri rubini'an Lidia. Y re Lidia re' pa jun k'a tinamit rubini'an Tiatira nipe-wi. Rija' jun k'ayil richin jalajoj ruwech tzieq ri q'eqq'oj-keq yetzu'un. Rija' ya'ol k'a ruq'ij ri Dios, y nrak'axaj k'a apo ri nubij ri Pablo. Y ri ajaw Dios kan xch'on-wi k'a pa ránima. Roma ri' toq rija' kan xukuquba' ruk'u'x rik'in ri Dios.

Hechos 13:15

Jak'a toq xsik'ix-qa ri pixa' richin ri Moisés y ri e kitz'iban kan ri achi'a' ri xeq'alajirisan ri ruch'abel ri Dios ojer kan, ri aj-raqen chupan ri jay ri' k'o k'a jun ri xkiteq-apo rik'in ri Pablo y ri Bernabé, richin xberubij chike: Wach'alal, wi k'o k'a jun chiwe rix ri nrajo' nubij ka'i-oxi' ch'abel chike re kimolon-ki' wawe', utz nubij, xcha' ri xapon kik'in.

San Juan 12:46

Roma yin ri saqil, xipe chuwech re ruwach'ulew richin chi achike k'a ri xtukuquba' ruk'u'x wik'in, man xtik'oje' ta kan chupan jun q'equ'm k'aslen.

San Juan 12:40

Ri Dios kan rubanon k'a chike rije' chi man yetzu'un ta y kowirineq ri kánima roma man nrajo' ta chi rije' xtikitz'et ri rubanobal, y chuqa' xtikak'axaj ri ruch'abel, y xtikitzeqelibej ta chik. Y man nrajo' ta chi xkeruk'achojirisaj, xcha'.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

San Mateo 16:17

K'ari' ri Jesús xubij: Utz ruwa-aq'ij rat Simón Pedro ruk'ajol ri Jonás. Ri xabij, man wineq ta k'a ri xq'alajirisan chawech, xa kan jak'a ri nata' Dios ri k'o chila' chikaj.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

San Mateo 6:23

Jak'a wi ri runaq'-iwech man e utz ta, rix xa ixk'o pa jun q'equ'm. Roma wi xa nijalatej ri saqil ri ruya'on ri Dios pan iwánima y xa kan nok q'equ'm; wi keri', kan más chik k'a nim ri q'equ'm.

Ez 12:2

Rat Ezequiel, ri atk'o chikikojol jun tinamit ri yalan yakatajinenri'il rik'in, roma k'o runaq'-kiwech jak'a xa man nikajo' ta yetzu'un. K'o kixikin jak'a xa man nikajo' ta ye'ak'ex, roma ri winaqi' ri' xa kan e richin yakatajinenri'il.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Wuj Richin ri Isaías 44:18

Ri wineq ri nibanon keri', man nowineq ta richin nretamaj achike ri nuben. Kan e tz'apel ri runaq' taq ruwech y ri runojibal chire ri qitzij.

Wuj Richin ri Isaías 59:10

Kan yixmaqmo'x achi'el nikiben ri moyi'. Kan ixibin-iwi' yixbiyin, achi'el xa man yixtzu'un ta. Kan nipajk'ila' iwaqen ri pa nik'aj-q'ij, achi'el xa ja ta ri chi'aq'a' ri yixbiyin. Ixk'o pa q'equ'm, achi'el xa ta ix kaminaqi' chik.

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

Wuj Richin ri Isaías 6:10

Y rat Isaías, kan tabana' chike re awinaq re' richin kan xtikikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, xcha'.

Wuj Richin Bix Chire ri Dios 69:23

Tabana' chi rije' xkemoyir, chuqa' xkelukulu' ta richin man ta yetikir yepa'e'.

2 Corintios 3:6

Ja rija' k'a ri xbanon chiqe richin niqasamajij ri jun k'ak'a' jikibel-tzij. Ri jikibel-tzij ri' man tz'iban ta chuwech tz'alem taq abej. Xa kan tz'iban k'a rik'in ri Espíritu. Roma ri jikibel-tzij ri tz'iban chuwech tz'alem taq abej man nuya' ta k'aslen. Jak'a ri tz'iban rik'in ri Espíritu, kan nuya-wi k'aslen.

Wuj Richin ri Isaías 25:7

Pa ruwi' ri juyu' ri' ri Jehová xtrelesaj-el ri tzieq achoq ik'in yepis-wi ri kaminaqi'. Xtrelesaj k'a ri tzieq ri achoq chupan e pisil-wi konojel winaqi'.

Hechos 15:21

Roma kan ojer k'a ri' chi pa ronojel taq jay ri nikak'axaj ruch'abel ri Dios, kan ek'o k'a ri yetijon qichin chupan ri pixa' richin kan ri Moisés. Roma ri' qetaman achike ri kan man ruk'amon ta chi niqaben. Kan pa ronojel ri q'ij richin uxlanen niqak'axaj ri nisik'ix chiqawech, xcha' ri Jacob o.

2 Corintios 3:15

Y rije' kan k'a ke na ri' kibanon re wakami. Toq nisik'ix ri nabey jikibel-tzij ri ruya'on kan ri Moisés, xa kan k'a tz'apel na ri kich'obonik.

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.