2 Corintios 2:3 - Kaqchiquel Bible

³ Roma ri' keri' ri ch'abel ri xintz'ibaj-el chiwe, richin chi toq yin xkinapon iwik'in, kan xtinwil ta kikoten iwik'in rix ri kan ruk'amon chi niya' kikoten pa wánima. Y kuqul k'a nuk'u'x chi kan keri' wi ri niben chi kan junan yojkikot.

နောက်ထပ်ဗားရှင်းများ

Kaqchikel Santo Domingo (Xenacoj)

³ Re ngitajin chubꞌixik, reꞌ xintzꞌibꞌaj yan e chiwa, chin keriꞌ atoq ngixbꞌentzꞌetaꞌ, rix ri rukꞌulun ndibꞌen chuwa chi ngikikot, man ta ndiyaꞌ pe bꞌis chuwa. Y kin kuqul nukꞌuꞌx iwikꞌin rix iwonojel chi ri achike ndibꞌanun chuwa chi ngikikot, ndubꞌen chuqaꞌ chiwa rix chi ngixkikot.

Kaqchikel Santa Maria de Jesus

³ Y ja mismo reꞌ ri ya xintzꞌibꞌaj-el chiva, chi quireꞌ antok inreꞌ xquibꞌaka iviqꞌuin, manak chic xquibꞌisuon ruma ri rubꞌanun ri icꞌaslien, xa xquiquicuot ta ivuma, ruma nicꞌatzin chi quireꞌ ntiꞌan chuva. Y vataꞌn chi antok inreꞌ xquiquicuot, quireꞌ jeꞌ xtiꞌan ixreꞌ.

Kaqchikel Central Guatemala

³ Y chuka' can que c'a ri' ri ch'abel ri xintz'ibaj yan el chive, richin chi tok yin yinapon c'a iviq'uin, can ninvil ta c'a quicoten quiq'uin ri kach'alal ri can ruc'amon-vi chi niquiya' quicoten pa vánima. Xa can ichojmirisan ta chic c'a ronojel. Y cukul c'a nuc'u'x chi can queri' vi ri niben, roma rix can quicoten nic'oje' ri ivánima tok ivetaman chi ri vánima yin que chuka' ri' rubanon. Xa can jun c'a kabanon.

Re C'ac'a Testamento pa Kach'abal

³ Y can quire' chuka' re tzij re xintz'ibaj-yan-a chiva chupan re jun carta re xintak-a iviq'uin, chin che tak yen yinapon iviq'uin man-ta niya' bis pa vánma, roma can ruc'amon che yex niban cha re vánma che niqui'cot. Y can-ta ibanon chic rubiyal ronojel tak yen xquinapon iviq'uin. Yen can ntaman che quire' niban, roma yex niqui'cot re ivánma tak nitz'at che re vánma niqui'cot, roma junan kavach kabanon.

Kaqchikel Western Solola

³ Y can quec'ari' chuka' nubij chupan ri xintz'ibaj yan el chiwe nabey, riche (rixin) chi tek riyin xquinapon iwuq'ui, man ta xquixinya' chic pa bis, xa can ta xtiwil ri quicoten quiq'ui ri kach'alal ri can ruc'amon chi niquiya' quicoten pa wánima. Y can cukul nuc'u'x chi tek riyin yiquicot, chi'iwonojel chuka' riyix xquixquicot wuq'ui.

2 Corintios 2:3 ပူးပေါင်းရင်းမြစ်များ

1 Corintios 4:21

Toq yin xkinapon iwik'in, ¿achike niwajo' chi ninben chiwe? ¿Niwajo' kami chi yibech'olin chiwij, o niwajo' chi yinapon iwik'in rik'in ajowabel y ch'uch'ujil?

2 Corintios 1:15

Yin xinch'ob chi rix xq'ax chiwech ronojel re', y roma ri' xinbij-qa chi yiq'ax ta el ka'i' mul iwik'in.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

2 Corintios 12:11

Yin xa xinben achi'el jun wineq ri man jun etamabel rik'in, roma xinya-qa nuq'ij. Jak'a xa kan ja rix xixbanon chuwe chi xinben keri'. Pa ruk'exel ri' ja ta rix ri ruk'amon ta chi xixch'on richin xinito' y stape' chi yin xa man jun nuq'ij, jak'a man más ta in ko'ol chikiwech ri nikibananej chi e nima'q taq e taqon roma ri Cristo.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

2 Corintios 13:10

Y richin k'a chi man rik'in ruk'ayewal yibech'on toq xkinapon ri chila' iwik'in, roma ri' nintz'ibaj yan el re wuj re' chiwe, stape' yin kan k'o-wi uchuq'a' ri ya'on chuwe roma ri ajaw Jesucristo. Y re' richin chi yixinto' richin yixk'iy rik'in ri ik'aslen y man richin ta chi yixinwulaj.

2 Corintios 2:9

Ri wuj ri xinteq-el chiwe, kan richin k'a chuqa' chi niq'alajin chinuwech wi kan ninimaj nutzij.

2 Corintios 7:12

Yin man xinben ta el ri wuj chiwe richin niq'et-tzij pa ruwi' ri xmakun. Y chuqa' man richin ta ninto' ri jun ri achoq chire xban-wi ri itzel. Xa kan richin k'a chi niq'alajin chuwech ri Dios chi rix kan janila wi yojiwajo'.

2 Corintios 7:16

Yin kan janila wi k'a yikikot iwik'in, roma kan ruk'amon chi ninkuquba' nuk'u'x iwik'in jantape'.

2 Corintios 7:6

Jak'a ri Dios kan nukuquba' kik'u'x ri kiqasan-ki', y roma ri' xukuquba' qak'u'x roj, rik'in ri rupeten ri Tito.

2 Corintios 7:8

Stape' xixinya' pa bis rik'in ri wuj ri xinteq-el chiwe, jak'a man nintzolij ta wi' chuwij chubanik. Yin kan xibison chuqa' toq xinben-el, jak'a ri bis ri' xa xq'ax yan.

2 Corintios 8:22

Y kik'in ri ka'i' qach'alal ri yebe chila' iwik'in, niqateq-el jun chik qach'alal ri kan qetaman roj chi kan nutej ruq'ij chubanik xabachike samaj richin ri Dios. Y wakami kan janila k'a rayibel rik'in richin napon chila' iwik'in, roma ri rak'axan chiwij rix.

Gálatas 5:10

Jak'a yin kan kuqul nuk'u'x rik'in ri ajaw Jesucristo, chi rix kan xaxe-wi ri qitzij ri xtinimaj. Y ri winaqi' ri nikiyoj ri ruch'abel ri Dios chiwech, kan k'o k'a chi xtiqaqa ruk'ayewal pa kiwi'. Y xabachike ta k'a winaqi' ri'.

2 Tesalonicenses 3:4

Ri Dios xuya' yan kuqubabel-k'u'x qik'in chi rix yixtajin chik chubanik ri xqabij chiwe y chi keri' xtiben jantape'.

Filemón 1:21

Yin xintz'ibaj re wuj re' chawe roma kan kuqul-wi nuk'u'x awik'in chi kan xtaben ri xink'utuj chawe. Man xaxe ta ri utzil ri' xtaben, xa kan wetaman-wi chi xtaben más.