2 Corintios 2:15 - Kaqchiquel Bible

¹⁵ Y keri' roj, kan achi'el jubulej pom ri yojapon chuwech ri Dios, ri nusuj ri Cristo chire. Ri jubulej uxla' ri' kan napon-wi k'a kik'in konojel ri winaqi'; kik'in ri xkekolotej y kik'in chuqa' ri man xkekolotej ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Porque roj, roj achel ruxlaꞌ jun jubꞌulej aqꞌon ri ndusuj ri Cristo chuwech ri Dios. Y re jubꞌulej uxlaꞌ reꞌ, kin bꞌaneq chikikajal ri ngekolotej y ri ma ngekolotej ta.

Kaqchikel Santa Maria de Jesus

¹⁵ Y quireꞌ jeꞌ ojreꞌ, can nkubꞌaka choch ri Dios incheꞌl ruxlaꞌ jun jubꞌul akꞌuon, ruma cꞌo ri Cristo kiqꞌuin. Ri ruxlaꞌ ri jubꞌul akꞌuon reꞌ can nibꞌaka quiqꞌuin ri xcaꞌcolotaj y quiqꞌuin jeꞌ ri man xcaꞌcolotaj ta.

Kaqchikel Central Guatemala

¹⁵ Y queri' roj, can yojapon c'a el chuvech ri Dios achi'el ta ruxla' jun jubulej ak'on, roma can c'o-vi ri Cristo kiq'uin. Ri jubulej uxla' ri' can napon-vi c'a quiq'uin conojel; quiq'uin ri xquecolotej y quiq'uin chuka' ri man xquecolotej ta y xa pa k'ak' xquebeka-vi.

Re C'ac'a Testamento pa Kach'abal

¹⁵ Y quire' chuka' yoj re yojtzijon chin re ruch'abal re Jesucristo, can yoj ancha'l ruxla' jun jubulaj ak'om, can quire' chuka' re kuxla' napon riq'uin re Dios roma c'o re Jesucristo kaq'uin. Re ruxla' re jubulaj ak'om re' can napon-va quiq'uin re vinak, quiq'uin re xque'colotaj y quiq'uin chuka' re man xque'colotaj-ta chach re infierno.

Kaqchikel Western Solola

¹⁵ Y queri' riyoj chuka' can yojapon c'a chuwech ri Dios achi'el jun ak'om ri jubul ruxla', ruma can c'o ri Cristo kiq'ui. Y can queri' chuka' napon quiq'ui quinojel ri winek; quiq'ui ri xquecolotej y quiq'ui chuka' ri ma xquecolotej ta.

2 Corintios 2:15 ပူးပေါင်းရင်းမြစ်များ

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Ex 29:18

Xtaporoj k'a chijun ri karne'l pa ruwi' ri porobel. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Ex 29:25

Xeri' xtak'en chuwi-kiq'a' y xtaya' pa ruwi' ri porobel y xtaporoj k'a. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Wuj Richin ri Nimalej Bix 1:3

Ri jubulej taq awaq'om ri nakusaj, kan janila jebel kuxla'. Toq ninatex ri abi', achi'el ja ta ri jubulej aq'om ri kaq'utajineq. Xa roma aj k'a ri' konojel ri xtani' kan janila yatkajo'.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

1 Corintios 1:18

Ri tijonik pa ruwi' ri rukamik ri Cristo chuwech ri cruz, kan uchuq'a' ri nipe rik'in ri Dios chiqe roj ri qachapon bey richin kolotajik. Jak'a ri winaqi' ri xa pa tojbel-mak kichapon bey, chike rije', ri tijonik ri' xa ch'ujerik.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

2 Tesalonicenses 2:10

Y roma ri' e k'iy winaqi' ri kan xkeq'olotej pa ruq'a', roma man xkajo' ta ri qitzij tijonik richin xekolotej ta chupan ri kimak.