2 Corintios 2:11 - Kaqchiquel Bible

¹¹ Keri' xinben richin man tiqaya' q'ij chire ri Satanás chi nich'akon ta chiqij roj. Roma qetaman jebel chi rija' kan nowineq-wi chubanik richin yojqaqa pa ruq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ chin keriꞌ ma tiqayaꞌ qꞌij chare ri itzel chi ndurujuꞌ rutzaꞌ chiqakajal, porque qetaman chi rijaꞌ kꞌo ta man kꞌo ngerubꞌanalaꞌ chin ta ngojtzaq pa ruqꞌaꞌ.

Kaqchikel Santa Maria de Jesus

¹¹ chi quireꞌ man nakayaꞌ ta lugar cha ri Satanás chi nkojruchꞌec. Ruma kataꞌn otz chi jajaꞌ can nrajoꞌ chi nkojka pa rukꞌaꞌ.

Kaqchikel Central Guatemala

¹¹ Richin queri' man tikaya' k'ij chire ri Satanás chi nich'acon ta chikij roj. Roma ketaman jebel chi rija' can novinek vi chubanic richin nuben chike chi yojka' pa ruk'a' y yojruch'ec.

Re C'ac'a Testamento pa Kach'abal

¹¹ Chin quire' man takaya' k'ij cha re Satanás che nich'acon chakij. Roma jabal kataman che reja' camas listo chin nuban chaka che yojtzak pa ruk'a' y yojruch'ac.

Kaqchikel Western Solola

¹¹ Riche (rixin) chi queri' ma tikaya' ta k'ij chare ri Satanás chi nich'acon ta chikij riyoj. Ruma ketaman ri ruch'obonic chi riya' can nrajo' chi yojka pa ruk'a' y yojruch'ec.

2 Corintios 2:11 ပူးပေါင်းရင်းမြစ်များ

Wuj Richin ri Achin Job 1:11

Tawelesaj na pe ronojel ri rubeyomel, y q'alaj k'a ri' wi man chawech ta xkaruyoq' kan, xcha'.

Wuj Richin ri Achin Job 2:3

K'ari' ri Jehová xubij chire: Yin wetaman chi rat atz'eton chik kan ri Job ri nusamajel. Rija' jun achin ri kan janila choj ri ruk'aslen, y man jun achike ta itzel nilitej chirij. Rija' kan k'o nukiy chuwech, nuya' k'a nuq'ij y kan man jun itzel ri nrajo' nuben. Rija' kan k'a jun chojilej achin na wik'in. Xa man jun k'a xach'ek rat rik'in toq xabij chuwe chi tinya' wululen pa ruwi' y rik'in ri' xkiruya' kan, xcha'.

Wuj Richin ri Achin Job 2:5

Taya' na pe jun yabil pa ruch'akul o pa rubaqil; q'alaj k'a ri' wi man kan chawech xkaruyoq', xcha'.

Wuj Richin ri Achin Job 2:9

K'ari' ri rixjayil xubij chire: ¿Achike roma kan k'a janila at choj naben chuwech ri Dios? Más utz tayoq'o' ri Dios richin yaken, xcha'.

San Mateo 4:10

Jari' toq ri Jesús xubij chire: Kabiyin kela' rat, Itzel-Wineq. Roma chupan ri ruch'abel ri Dios nubij:*f12* Kan tiya' k'a ruq'ij ri Jehová ri qa-Dios y kan tisamajij xaxe rija', nicha', xcha' ri Jesús chire.

San Lucas 22:31

Ri Jesús xubij k'a chuqa' chire ri Pedro: Simón, Simón ninbij k'a chawe chi ri Itzel-Wineq xixruk'utuj yan chire ri Dios richin chi yixrutejtobej. Kan nrajo' k'a yixrusiloj achi'el nisilox ri trigo chupan ri chaybel.

San Juan 13:2

Ri Jesús y ri rutijoxela' kichapon wa'in. Jak'a ri Judas ri ruk'ajol ri Simón Iscariote, nisamej chik ri Itzel-Wineq pa ránima, y jari' ri nibin chire chi tujacha' ri Jesús.

Hechos 1:25

richin nok kan jun taqon roma ri Cristo pa ruk'exel ri Judas, richin nipa'e' chuwech ri samaj. Roma ri Judas xa xuya' kan ri samaj, roma ri itzel xerubanala'. Y wakami rija' xapon yan akuchi ruk'amon chi napon-wi, xecha'.

1 Corintios 7:5

Roma ri' ri k'ulan taq winaqi' man tikiq'et-ki' chi e ka'i'. Jak'a wi rije' nikajo' yech'on rik'in ri Dios, utz chi nikiya' chikiwech chi nikiq'et-ki' chire ri kirayibel richin jun ka'i-oxi' q'ij. Jak'a man utz ta chi richin k'iy q'ij nikiben keri', roma rik'in juba' ri Satanás nuya' pa kich'obonik richin nibekikanoj jun chik.

2 Corintios 11:14

Y ri nikiben man k'ak'a' ta, roma xa kan keri' chuqa' nuben ri Satanás; rija' nubananej chi jun utzilej ángel richin saqil y xa man keri' ta.

2 Corintios 11:3

Jak'a yin nuxibin-wi', roma man xa tibanatej iwik'in achi'el xbanatej rik'in ri Eva ojer kan, ri xq'olotej roma ri kumetz rik'in ri jebelej taq ruch'abel. Y rik'in juba' xa keri' xtiben rix, chi xa rik'in jun niya'on ina'oj, nijalatej ri ich'obonik. Y ri' nuben chiwe chi niya' kan ri Cristo.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Apocalipsis 2:24

Jak'a chiwe rix nimanela' ri ix k'o ri chiri' pa Tiatira ri man itzeqeliben ta ri rutijonik ri Jezabel, ni man xinimaj ta ri nikibij rije' ri ruch'obonik ri Satanás chire; ninbij k'a chiwe chi rix kan man jun k'a rutojbalil mak xtiqaqa pan iwi',