2 Corintios 13:1 - Kaqchiquel Bible

¹ Y jare' ri rox bey ri xkinapon chila' iwik'in. Xtiqachojmirisaj k'a ronojel xa rik'in ta e ka'i' o e oxi' xkebin ri kitz'eton chikij chikijujunal ri e qajineq pa mak.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Riyin ja rox mul rikꞌin reꞌ ngixbꞌentzꞌetaꞌ, y atoq yinkꞌo chiꞌikajal, ri sujunik ngeyoꞌox, kin ndikꞌatzin ndiqabꞌen rukꞌojlen achel ndubꞌij chupan ri rutzij ri Dios tzꞌibꞌan kan: Kikꞌin kaꞌiꞌ o eꞌoxiꞌ testigos ndetamex si kꞌo mak bꞌanatajneq o naq. Keriꞌ tzꞌibꞌan kan.

Kaqchikel Santa Maria de Jesus

¹ Y riqꞌuin reꞌ ja oxeꞌ mul ri xquinalka iviqꞌuin. Y antok incꞌo chic pa iviqꞌuin, y xa cꞌa icꞌo ri i-kajnak chupan qui-pecado, y icꞌo icaꞌyeꞌ o iyoxeꞌ ri junan xtiquiꞌej chiquij, ja ri quitzij ijejeꞌ ri xtinimax chi cꞌo qui-pecado y riqꞌuin reꞌ xtakaꞌan arreglar nojiel.

Kaqchikel Central Guatemala

¹ Y jac'are' ri rox bey ri xquinapon chila' iviq'uin. Y tok can inc'o chic chila' iviq'uin, vi xa can ec'o ri e kajinek pa mac, xa riq'uin e ca'i' o e oxi' ri xquebin chiquij chiquijujunal ri e kajinek pa mac chi can kitzij vi c'o quimac quibanon, riq'uin ri' xtikatz'et achique ruc'amon chi nikaben quiq'uin chiquijujunal.

Re C'ac'a Testamento pa Kach'abal

¹ Y jare' re rox bey re xquinapon iviq'uin. Y tak yinc'o chic chila' iviq'uin, vo xa can jec'o re je'kejnak pa mac, xa riq'uin je ca'e' o je oxe' re xe'tz'eto richin y niquibij che can katzij-va che c'o quimac quibanon, riq'uin re' xtakatz'at andex ruc'amon che nakaban quiq'uin cada jun.

Kaqchikel Western Solola

¹ Y yac'are' ri rox mul ri xquinapon chila' iwuq'ui. Y tek yinc'o chic chila' iwuq'ui, wi xa can c'a yec'o na ri ye kajnek pa mac, xa riq'ui ye ca'i' o ye oxi' ri junan xtiquibij chiquij chiquijujunal ri ye kajnek pa mac, chi can kitzij wi c'o quimac quibanon, riq'ui ri' xtikachojmirisaj ronojel ri quibanon chiquijujunal.

2 Corintios 13:1 ပူးပေါင်းရင်းမြစ်များ

San Mateo 18:16

Jak'a wi man yarak'axaj ta, xa ke'ak'uaj k'a jun o e ka'i' chik, richin chi chikiwech rije' nabij chire ri awach'alal chi man utz ta rubanon chawe. Richin keri' kan chikiwech k'a rije' nibanatej ronojel ri'.

Deut 19:15

Wi xa ruyon jun wineq nisujun chirij jun chik wineq rik'in xabachike mak, ch'a'oj o kamik man ruk'amon ta ninimex, xa kan xaxe ninimex kitzij wi yesujun e ka'i' o e oxi' ri xetz'eton ronojel.

Deut 17:6

Jak'a richin nikamisex k'o chi nak'axex na kich'abel e ka'i' o e oxi' ri xetz'eton ronojel chirij ri k'o chi nikamisex. Man jun tikamisex roma xa jun ok ri nisujun chirij.

Wuj Richin ri Q'axanri'il 35:30

Wi k'o ta jun xtukamisaj jun chik wineq y wi xa ta jun ok ri xtz'eton, richin nuya' rutzij, man xtiq'at ta tzij pa ruwi' ri kamisanel ri'. Jak'a wi ka'i-oxi' ri xketz'eton ri xuben ri kamisanel, kan xtiq'at k'a tzij pa ruwi'.

2 Corintios 12:14

Y re wakami, kan ink'o chik richin chi yinapon pa rox mul iwik'in. Y man k'a tich'ob chi k'o ejqa'n ninbenya' chiwij. Yin xa man ja ta k'a ri k'o iwik'in ri ninwajo', yin ja rix ri yixinwajo'. Roma achi'el nubij ri tzij: Ja ri tata'aj nimolo ri beyomel richin nuya' kan chike ri ralk'ual, y man ja ta ri alk'ualaxela' ri yemolo beyomel richin nikiya' chire ri kitata'.

1 Rey 21:10

Y ke'iya-apo chuwech ri Nabot e ka'i' achi'a' e banoy taq etzelal richin chi nikibij chi rija' xch'on itzel chirij ri Dios, y chirij ri rey. Chirij ri' tiwelesaj-el ri Nabot, y k'ari' tik'aqa' chi abej richin niken, xcha-el chupan ri wuj.

1 Rey 21:13

Xepe k'a ri e ka'i' achi'a' ri e banoy taq etzelal y xetz'uye' k'a chuwech ri Nabot y xkibij chi ri Nabot xuyoq' rubi' ri Dios y xuyoq' ri rey. Y keri' ri winaqi' xkelesaj-el ri Nabot chiri' pa tinamit, y xkik'eq k'a chi abej richin xken.

1 Rey 1:14

K'a yatzijon na k'a rat rik'in ri rey toq xkinok-apo yin richin xkatinbento', y xtinbij chi ri xabij rat kan qitzij, xcha' ri Natán chire ri Betsabé.