2 Corintios 12:20 - Kaqchiquel Bible

²⁰ Roma yin ninna' chi toq xkinapon ri chila' iwik'in, achi'el xa man ix beneq ta achi'el ri woyoben yin. Y ninna' chuqa' chi itzel xtina' chuwe roma man ninbenbana' ta chik iwik'in achi'el ri iwoyoben rix. Rik'in juba' xa ninbenwila' chi'ikojol rix oyowalen, ch'upun-k'u'x, ek'o ri janila ye'oyower, ich'aralon-iwi', k'o itzel taq tzij ye'ibila' chikij ch'aqa' chik, yixch'on chikij ch'aqa' chik, man jun kiq'ij niben chike ri ch'aqa' chik qach'alal, y ek'o chuqa' banobel ri ye'iben ri xa man jun rubeyal.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Riyin nurayin chi atoq xkixbꞌentzꞌetaꞌ, chojmilej ta chi kꞌaslen ikꞌuan, pero xa nuxibꞌin wiꞌ, porque rikꞌin jubꞌaꞌ ma ke ta riꞌ ri kꞌaslen ikꞌuan atoq xkibꞌeqaqa apeꞌ rixkꞌo. Y riꞌ xtubꞌen chi ma xtenbꞌanaꞌ ta chiꞌikajal achel ri iwoyobꞌen chuwa. Porque ma kꞌateꞌ ngixbꞌenwilaꞌ chi ngixtajin rikꞌin oyowal, o ekꞌo ri itzel ndikinaꞌ chare roma utz kibꞌanun chꞌaqa chik, o ekꞌo ri ndiququt kánima chikij wineq, o ekꞌo ndikibꞌen xe ri kꞌo utz ndukꞌen pe chake, o ekꞌo ri ndikibꞌilaꞌ itzel teq tzij chikij chꞌaqa chik, o ekꞌo ri ngechꞌaꞌa chikij wineq, o ekꞌo ri nim ndikinaꞌ kiꞌ o kꞌo ngebꞌanatej chiꞌikajal ri ma pa ruchojmil ta.

Kaqchikel Santa Maria de Jesus

²⁰ Ruma inreꞌ nixiꞌij bꞌaꞌ viꞌ chi antok xquinalka iviqꞌuin, man otz ta cꞌo ri icꞌaslien incheꞌl ri nivajoꞌ. Y xa quireꞌ, inreꞌ can xtinꞌan ri nicꞌatzin incheꞌl nrajoꞌ ri icꞌaslien y man ja ta chic ri incheꞌl ntivajoꞌ ixreꞌ. Inreꞌ ninaꞌ incheꞌl xa cꞌo ayoval chicajol, chi itziel nquiꞌtzꞌat ri nicꞌaj chic ruma otz icꞌo, icꞌo jeꞌ ri cꞌo quiyoval, ijachuon-ka-iviꞌ, cꞌo itziel tak tzij ncaꞌiꞌej chiquij nicꞌaj chic, nquixtzijuon chirij quicꞌaslien vinak, man jun quikꞌij ntiꞌan chica nicꞌaj chic, y icꞌo jeꞌ nicꞌaj chic kax ri nquiꞌan ri man i-otz ta.

Kaqchikel Central Guatemala

²⁰ Roma ninna' yin chi achi'el xa tok xquinapon ri chila' iviq'uin, xa man choj ta benek ri ic'aslen, achi'el ri voyoben chi benek. Y romari' yin xtinben c'a ri ruc'amon chi ninben, y xa man ja ta chic ri achique ivoyoben ri nenbana' iviq'uin, xa man ja ta chic samaj ri' ri nenbana' can chi'icojol. Yin ninna' achi'el xa c'o oyoval ri chi'icojol, itzel nina' rix chique ri ch'aka' chic roma ri utz ec'o, chuka' ec'o ri janíla ye'oyover, ich'aralon-ivi', c'o itzel tak tzij ye'ibila' chiquij ch'aka' chic, yixch'on chiquij ch'aka' chic, man jun quik'ij niben chique ri ch'aka' chic kach'alal, y ec'o chuka' banobel ri ye'iben ri xa man jun rubeyal; xa ja chic ri' ri xquenchojmirisala'.

Re C'ac'a Testamento pa Kach'abal

²⁰ Roma yen nina' che tak xquinapon iviq'uin, ancha'l che man otz-ta binak re ic'aslen re ancha'l ninjo' yen che binak-ta. Y mare' yen xte'mbana' rubiyal, y mana-ta chic re nirayij yex re ne'mbana' iviq'uin. Yen nina' ancha'l che xa c'o ayoval chi'icojol, itzel nina' yex chique re nic'aj chic roma otz jec'o, chuka' jec'o re niquibanala' quiyoval, ijachalon-ivi' riq'uin re ina'oj, c'o itzel tak tzij ye'bila' chiquij re hermanos, yixch'o chiquij, man jun quik'ij niban chique, y jec'o chuka' banabal re man pa rubiyal-ta ye'ban, xa ja chic re' re xque'mbanala' rubiyal.

Kaqchikel Western Solola

²⁰ Ruma riyin nxibij juba' wi' yinapon chila' iwuq'ui, ruma riq'ui juba' xa ma choj ta benak ri ic'aslen, xa ma yixtajin ta chubanic achi'el ri nwajo' riyin. Y wi ta queri' ibanon tek yixinwil, riyin c'o chi xtinben ri nic'atzin chi nben, y xa ma ya ta chic ri achique iwoyoben chi nbenbana' iwuq'ui, xa ma ya ta chic samaj ri' ri nbenbana' ca chicojol. Riyin nxibij juba' wi' chi c'o oyowal chicojol, xa itzel nina' riyix chique ri nic'aj chic ruma ri utz yec'o, chuka' yec'o ri nipe coyowal, xa ma junan ta iwech ibanon, c'o itzel tak tzij ye'ibila' chiquij ri nic'aj chic, yixtzijon chiquij nic'aj chic winek, majun quik'ij niben chique ri nic'aj chic kach'alal, y yec'o chuka' ri xa ma pa rucholaj ta chic ri yixtajin, xa ya chic ri' ri xquenchojmirisaj.

2 Corintios 12:20 ပူးပေါင်းရင်းမြစ်များ

1 Pedro 2:1

Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij,

Gálatas 5:15

Man tisokola-iwi' chiwech rix, roma wi keri' xtiben, xa xkixbek'is k'a chi'iwonojel.

1 Corintios 1:11

Roma xtzijox chuwe koma ri e aj pa rachoch ri Cloe,*f1* chi rix k'o oyowal chi'ikojol

Romanos 1:29

Kan konojel yekibanala' ri man pa ruchojmilal ta, nikibanala' etzelal chike ri ch'aqa' chik, nikirayij ri k'o rik'in jun chik, k'iy etzelal nikirayij nikiben chike ri ch'aqa'. Janila ch'upun-k'u'x ri k'o kik'in, yekamisan, nikiben oyowal, yeq'olon, yekamulun-tzij,

Judas 1:16

Keri' chuqa' ri itzel taq tijonela' ri ek'o chi'ikojol, yexebexot k'a chirij ronojel. Kan xaxe k'a nikisujula-ki', y xaxe ri itzel taq rayinik ri k'o kik'in. Rije' yekibila' k'a chuqa' ch'abel richin nikinimirisaj-ki'. Yekinimirisaj k'a ch'aqa' chik winaqi', xaxe richin yech'akon kan chikij.

Wuj Richin Etamabel-Tzij 16:28

Ri wineq ri nukusan y nelesan tzij, xa nutik k'a oyowal; y ri kamuluy-tzij kan nitikir yeruch'er ri kan kachibil-ki'

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

Gálatas 5:26

Man k'a tiqanimirisaj-qi'; man tiqaben k'a chike ri ch'aqa' chik chi yeyakatej-pe chiqij, y man tich'upun qak'u'x chiqakojol-qa roj.

2 Corintios 12:21

Ri ninpoqonaj k'a yin chupan re jun chik bey re yinapon iwik'in, ja wi rik'in juba' ri Dios nuqasaj nuq'ij chiwech rix y nuben chuwe chi yinoq' roma ri ibanobal rix; roma rik'in juba' xtinbenwila' chi k'a e k'iy qach'alal ri k'a ek'o na pa mak y man tzolejineq ta pe kik'u'x. Ri achi'a' y ri ixoqi' xa k'a nikikanola' na ki' richin yemakun.

Wuj Richin Bix Chire ri Dios 41:7

Konojel ri e etzelanel wichin nikimol k'a ki' y yexebeloj chuwij. Kan ruyon k'a itzel taq ch'obonik nikibanala' y nikibij chi

2 Corintios 13:2

Toq xik'oje' ri chila' iwik'in ri pa ruka'n bey, kan xinbij yan kan chike chi wi k'a ke na ri' nikiben toq xkinapon chik jun bey, kan man xkekolotej ta chuwech ri ruk'ayewal ri xtiqaya' pa kiwi'. Y kan keri' chuqa' ninbij chiwe chi kan man ninkuy ta chik kimak ri k'a yemakun na.

2 Corintios 10:6

Toq rix kan xtinimaj tzij y xtiben ri nubij ri ruch'abel ri Dios, jari' toq man xtiqapoqonaj ta xtiqaya' jun ruk'ayewal pa kiwi' ri ch'aqa' chik ri xa man nikinimaj ta tzij.

2 Corintios 10:2

Roma ri' nink'utuj utzil chiwe chi toq xkinapon iwik'in, man tiben chuwe chi kow yibech'on kik'in ri winaqi' ri nikibij chi yin xa ninben achi'el nikiben ri winaqi' aj-ruwach'ulew stape' yin kan man ninpoqonaj ta ninpaba-wi' chikiwech rije'.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

1 Corintios 14:33

Roma ri Dios nrajo' chi ronojel nibanatej rik'in ruchojmilal y rik'in ch'uch'ujil y man rik'in ta sachibel-k'u'x. Nik'atzin chi rix tibana' achi'el nikiben ri ch'aqa' molaj qach'alal.

Romanos 1:30

xaxe tzij nikiben, niketzelaj ri Dios, kinimirisan-ki' roma k'o kiq'ij, beneq-ruwech nikich'ob achike rubanikil ri etzelal ri nikajo' nikiben, y man nikinimaj ta kitzij ri kite-kitata'.

Romanos 2:8

Y chike ri winaqi' ri nikajo' xaxe kichin rije', niketzelaj ri qitzij y jantape' nikajo' nikiben etzelal, ri Dios kan xtuben chi xtiqaqa ri royowal pa kiwi'.

1 Corintios 5:2

Man rik'in ri' rix kan janila inimirisan-iwi'. Pa ruk'exel ri' kan ruk'amon ta chi yixbison y yixoq' ta roma ri rubanon ri qach'alal ri'; y niwelesaj ta el chi'ikojol.

2 Corintios 2:1

Roma ri' xinbij-qa pa wánima chi kan man xkibe ta chila' iwik'in, wi xa richin bis yibek'oje' iwik'in.

Santiago 4:11

Wach'alal, man kixch'on itzel chirij jun qach'alal. Roma wi keri' niben, kan chirij ri pixa' richin ri Dios yixch'on-wi, y niben k'a chire ri pixa' chi man utz ta. Y rik'in ri' niq'et-tzij pa ruwi', y man niben ta ri nubij.