2 Corintios 12:18 - Kaqchiquel Bible

¹⁸ Roma richin xinteq ri qach'alal Tito ri chila' iwik'in, nabey na xink'utuj janila utzil chire, y k'ari' xbe rachibilan-el ri jun qach'alal. Ri qach'alal Tito man xixruq'ol ta, roma rija' y yin kan junan wi ri qach'obonik y ri qabanobal.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Chare ri Tito xinkꞌutuj chi xixbꞌerutzꞌetaꞌ y rikꞌin rijaꞌ xinteq ri jun chik hermano. ¿Xbꞌerelesaj kami méra chiꞌiqꞌaꞌ ri Tito? Ma ke ta riꞌ. Porque junan qánima y qanoꞌoj qabꞌanun rikꞌin ri Tito pa rusamaj ri Ajaw.

Kaqchikel Santa Maria de Jesus

¹⁸ Inreꞌ xincꞌutuj favor cha ri hermano Tito chi tiꞌa iviqꞌuin, y antok xꞌa, xintak-el ri jun chic hermano riqꞌuin. ¿Xixruꞌon came engañar ri hermano Tito? ¿Xitzꞌat came ri hermano Tito chi man ja ta ri Espíritu Santo ri cꞌuayuon richin? Can incheꞌl ri cꞌaslien ri vucꞌuan inreꞌ, can quireꞌ mismo ri rucꞌaslien ri Tito.

Kaqchikel Central Guatemala

¹⁸ Roma richin xintek ri kach'alal Tito ri chila' iviq'uin, nabey na xinc'utuj janíla utzil chire, y c'ari' xbe rachibilan-el ri jun kach'alal. ¿Xixruk'ol cami ri kach'alal Tito? ¿Xitz'et cami chi ri kach'alal Tito man ja ta ri Lok'olej Espíritu ri uc'uayon richin? Man que ta ri'. Y can achi'el c'a uc'uan rija' roma ri Lok'olej Espíritu, can que c'a chuka' ri' in uc'uan yin. ¿Y xitz'et cami chi ri rubanobal rija' chiquivech ri vinek, man utz ta? Man que ta chuka' ri'. Y yin can achi'el c'a rija'.

Re C'ac'a Testamento pa Kach'abal

¹⁸ Roma chin che re hermano Tito xba iviq'uin, tiene que xinc'utuj utzil cha, y tak xba xintak chic-a jun hermano chij. Re hermano Tito man xixruk'ol-ta, yex can xitz'at che re hermano Tito ja re Espíritu Santo ac'ayon richin. Y can ancha'l c'a ec'uan reja' roma re Espíritu Santo, can quire' chuka' yine'c'uan yen roma re Espíritu Santo. Y mare' yen nimbij che junan kavach riq'uin.

Kaqchikel Western Solola

¹⁸ Ruma riche (rixin) chi xintek ri kach'alal Tito ri chila' iwuq'ui, nabey xinc'utuj na sibilaj utzil chare, y c'ac'ari' xbe iwuq'ui, rachibilan el jun chic kach'alal. ¿La xixruk'ol cami ri kach'alal Tito? Ma que ta ri'. Riya' can uc'uan wi ruma ri Lok'olaj Espíritu, can achi'el ri nuc'aslen riyin, can queri' chuka' ri ruc'aslen riya'.

2 Corintios 12:18 ပူးပေါင်းရင်းမြစ်များ

2 Corintios 8:6

Y roma ri' toq roj niqachilabej chire ri qach'alal Tito chi titzolin k'a chila' iwik'in pa Corinto, y ri to'onik ri xuchop kan rumolik ri chi'ikojol chila', kan tiberuk'isa' k'a rumolik, roma ri samaj ri niben rix jun samaj richin utzil.

Romanos 4:12

Chuqa' ri Abraham qatata' roj ri oj judío, wi qakuquban qak'u'x rik'in ri Dios, achi'el ri xunimaj ri Abraham toq man jani k'o retal.

1 Pedro 2:21

Richin re' toq ri Dios xixroyoj, roma ri Cristo chuqa' xutej poqon iwoma rix, richin chi rix niben chuqa' keri'.

2 Corintios 7:6

Jak'a ri Dios kan nukuquba' kik'u'x ri kiqasan-ki', y roma ri' xukuquba' qak'u'x roj, rik'in ri rupeten ri Tito.

2 Corintios 7:2

Kan qojiya' k'a pa taq iwánima roma roj man jun itzel qabanon chiwe, man jun k'a ri qayojon ta ruch'obonik, ni man jun ri qaq'olon ta.

Wuj Richin ri Nehemías 5:14

Toq ri rey Artajerjes xutz'aqatisaj juwineq juna' richin nuq'et-tzij pa ruwi' ri ruwach'ulew Persia, jari' toq xiruya' kan aj-raqen pa ruwi' ri Judá, k'a toq xapon na ri juna' juwineq kablajuj chire ri ruq'atbal-tzij rija'. Chupan k'a ri kablajuj juna' ri', kan man jun k'a xqak'ul pa ruq'a' ri rey richin ta xqaq'axaj-qi', yin y ri wachibil y stape' kan in q'atoy-tzij.

Wuj Richin ri Q'axanri'il 16:15

Y ri Moisés xyakatej janila royowal y roma ri' xubij chire ri Jehová: Man tak'ul ri kisipanik. Rat kan jebel awetaman chi yin man jun bey numajon ta jun ti bur chuwi-kiq'a' y man jun chik ri nubanon ta chike, xcha' chire.

1 Corintios 4:21

Toq yin xkinapon iwik'in, ¿achike niwajo' chi ninben chiwe? ¿Niwajo' kami chi yibech'olin chiwij, o niwajo' chi yinapon iwik'in rik'in ajowabel y ch'uch'ujil?