2 Corintios 12:14 - Kaqchiquel Bible

¹⁴ Y re wakami, kan ink'o chik richin chi yinapon pa rox mul iwik'in. Y man k'a tich'ob chi k'o ejqa'n ninbenya' chiwij. Yin xa man ja ta k'a ri k'o iwik'in ri ninwajo', yin ja rix ri yixinwajo'. Roma achi'el nubij ri tzij: Ja ri tata'aj nimolo ri beyomel richin nuya' kan chike ri ralk'ual, y man ja ta ri alk'ualaxela' ri yemolo beyomel richin nikiya' chire ri kitata'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Tiyaꞌ kꞌa pa cuenta re nibꞌij chiwa: Riyin nubꞌanun chik nukꞌojlen chin ngibꞌa chiꞌitzꞌetik, y ja rox mul rikꞌin reꞌ ri ngibꞌa apu, y kin ma xkinok ta jun eqaꞌ chiwij. Porque riyin ma ja ta ri ichajin ri bꞌaneq wánima chirij. Ri achoq chirij bꞌaneq ri wánima, ja rix. Porque ma keqaꞌ ta ri alkꞌualaxelaꞌ chin ndikimal ruchiꞌ méra chin ndikiyaꞌ chake ri kite-kitataꞌ, xa kin ja ri teꞌej-tataꞌatz ri ngemolo ruchiꞌ méra chin ndikiyaꞌ kan chake ri kalkꞌuaꞌl.

Kaqchikel Santa Maria de Jesus

¹⁴ Vacame, can nuchojmin chic viꞌ chi nquibꞌaka chic jun bꞌay iviqꞌuin. Y ja chi oxeꞌ mul ri xquinalka iviqꞌuin vacame. Y antok xquinalka, man tiꞌan pensar chi cꞌo kax ri nivajoꞌ chi ntiyaꞌ chuva. Man quireꞌ ta. Inreꞌ man ja ta ri cꞌo iviqꞌuin ri nivajoꞌ, ixreꞌ ri nquixvajoꞌ. Ruma ixreꞌ ivataꞌn chi vaveꞌ choch-ulief, ja ri quitie-quitataꞌ ncaꞌmalo ri bꞌayomal chi niquiyaꞌ can chica ri calcꞌual, y man ja ta ri calcꞌual ri ncaꞌmalo ri bꞌayomal chi niquiyaꞌ chica ri quitie-quitataꞌ.

Kaqchikel Central Guatemala

¹⁴ Y re vacami c'a, can inc'o chic richin chi yinapon chic jun bey iviq'uin. Y re xquibe iviq'uin vacami jac'are' ri rox yan bey. Y ri xquinapon man c'a tich'ob chi c'o ejka'n ninya' chivij. Man que ta ri'. Yin xa man ja ta c'a ri c'o iviq'uin ri ninvajo', yin ja rix ri yixinvajo'. Roma rix ivetaman c'a re xtinbij chive vacami y nibanatej chikacojolil re vave' chuvech re ruvach'ulef: Xa jac'a ri tata'aj nimolon ri beyomel richin nuya' can chique ri ralc'ual, y xa man ja ta ri alc'ualaxela' ri yemolon beyomel richin niquiya' chire ri quitata'.

Re C'ac'a Testamento pa Kach'abal

¹⁴ Y vocame yen can ninojin che yinapon chic jun bey iviq'uin, roma ja rox bey riq'uin re'. Pero riq'uin re yimba chic jun bey iviq'uin, man tinojij che yen c'o cosas ne'nc'utuj chiva. Man quire-ta. Yen mana-ta re cosas re jec'o iviq'uin, ja-ta re' re ninjo', xa ja yex re yixinjo'. Roma yex itaman re nibanataj vova' chuch'ulef: Xa ja re tata'aj re nimola re biyomal chin che nuya' can chique re rajc'ual, y mana-ta re rajc'ual re ye'mola re biyomal chin che niquiya' cha re quirta'.

Kaqchikel Western Solola

¹⁴ Y re wacami can nchojmirisan chic wi' riche (rixin) chi yinapon chic jun bey iwuq'ui. Yac'are' ri rox mul ri xquibe iwuq'ui y tek xquinapon, man c'a tich'ob ta chi c'o cosas nwajo' chi niya' pe chuwe. Ma que ta ri'. Riyin ma ya ta c'a ri c'o iwuq'ui ri nwajo', riyin can yix c'a riyix ri yixinwajo'. Y ma nwajo' ta nya' jun ejka'n chiwij, ruma re wawe' chuwech re ruwach'ulef ma ye ta ri ye alc'ualaxel ri yemolo beyomel riche (rixin) chi niquiya' chare ri tata'aj, xa ye ri tata'aj ri yeya'o chique ri calc'ual.

2 Corintios 12:14 ပူးပေါင်းရင်းမြစ်များ

Wuj Richin Etamabel-Tzij 19:14

Ri jay y ronojel ruwech beyomel, kan ja ri tata'aj ri yeya'on kan chike ri kalk'ual; jak'a jun ixjayilonel ri kan k'o runa'oj, kan ja ri Jehová ri nisipan chire ri achin.

1 Corintios 10:33

Xa kan tibana' achi'el ri ninben yin. Yin man ninben ta xaxe ri niqa' chinuwech yin. Xa kan beneq-ruwech nintej nuq'ij richin chi ninben ri utz chikiwech konojel, roma janila e k'iy ri winaqi' ri yenwajo' yento' y keri' yekolotej ta.

1 Corintios 10:24

Man k'a tiqaben xaxe ri niqa' chiqawech roj; xa nik'atzin chi tiqabana' ri utz nuben chike ch'aqa' chik.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Ez 34:2

Rat Ezequiel, kan ke'ach'olij ri aj-raqen ri ek'o pa ruwi' ri tinamit Israel roma rije' nikiben ri man utz ta. Y kere' tabij chike: Toq'ex k'a iwech rix ri ix aj-raqen pa ruwi' ri nutinamit Israel roma xa ja rix nichajij-qa-iwi', pa ruk'exel ye'ichajij ri iwinaq, achi'el ri yuq'unela' ri man yekichajij ta ri kikarne'l.

2 Corintios 1:15

Yin xinch'ob chi rix xq'ax chiwech ronojel re', y roma ri' xinbij-qa chi yiq'ax ta el ka'i' mul iwik'in.

1 Tesalonicenses 2:11

Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

Hechos 20:33

Yin man roma ta k'a xinwajo' ri iméro, ni man roma ta chuqa' xinrayij ri itziaq, roma ta ri' xintzijoj ri ruch'abel ri Dios chiwe.

1 Tesalonicenses 2:8

Janila yixqajo'. Roma ri' xqatzijoj chiwe ri utzilej ruch'abel ri Dios ri nik'amon-pe kolotajik. Y man xaxe ta ri'. Roma wi ta xk'atzin chi xojapon chuwech ri kamik chi'ito'ik, kan xqaben ta.

Filipenses 4:17

Y ri xininataj chik pe re wakami kan nikikot k'a ri wánima, jak'a man roma ta k'a chi k'o ri xiteq-pe chuwe. Ri wánima kan nikikot roma wetaman chi ri to'onik ri' kan k'o chuqa' nuk'en-pe chiwe rix.

Filipenses 4:1

Yin yalan yixinwajo', y ninrayij chuqa' chi niqatz'et ta chik qi' jun bey. Rix janila kikoten ri ik'amon-pe chuwe roma ja rik'in ri ik'aslen rix niq'alajin chi k'o xuk'en-pe ri samaj xinben chi'ikojol. Roma ri' ninbij chiwe wach'alal, kan jantape' k'a tikuqer ik'u'x rik'in ri ajaw Jesucristo.

1 Corintios 16:5

Jak'a nabey ninwajo' yiq'ax na pa ruwach'ulew Macedonia, y k'ari' xkinapon iwik'in rix.

1 Corintios 11:34

Jak'a wi yalan yixnum, más utz chi kan ja ri pa taq iwachoch yixwa-wi-el, richin keri' man niqaqa ta ri ruk'ayewal pan iwi'. Y k'a k'o ch'aqa' chik tijonik ri k'o chi ninya' chiwe toq xkinapon iwik'in.

1 Corintios 4:19

Jak'a yin kan xkinapon yan iwik'in, wi keri' nrajo' ri Dios. Y toq xkinapon, xkentz'et k'a wi k'o kuchuq'a', o xa choj xkinimirisaj-ki'.

Wuj Richin Etamabel-Tzij 11:30

Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen; y ri wineq ri kan k'o runa'oj, kan yeruch'ek k'aslen richin ye'ok richin ri Dios.

1 Corintios 9:12

Roma ek'o ch'aqa' chik rusamajela' ri Dios ri k'o kik'ulun iwik'in, ¿man más ta kami ruk'amon chi niqak'ul chuqa' roj jun to'onik iwichin rix? Man rik'in ri' roj man qak'utun ta jun to'onik chiwe, richin chi ri winaqi' man tiketzelaj ri utzilej ruch'abel ri Cristo roma roj niqak'ul ri to'onik ri'. Y roma ri' roj qakoch'on ri tijoj-poqonal.

1 Corintios 9:18

¿Y kan man jun kami ri ninch'ek roma ninben ri samaj ri'? Kan k'o-wi. Ri ninch'ek ja ri kikoten ri nuya' pa wánima chi man jun wajel nink'utuj roma ninq'alajirisaj ri utzilej ruch'abel ri Cristo ri nik'amon-pe kolotajik, stape' kan ruk'amon ta chi xink'utuj.

1 Corintios 9:19

Stape' yin man in ximil ta chuxe' rutzij jun wineq, jak'a pa wánima yin xalex-wi chi xixime' chubanik ri niqa' chikiwech konojel, richin ek'o ta más ri nikikuquba' kik'u'x rik'in ri Cristo.

2 Corintios 11:9

Y toq yin k'o xk'atzin chuwe ri chila' chi'ikojol, man jun chiwe rix ri xinya' ta ejqa'n chirij y xink'utuj ta chire ri nik'atzin chuwe. Xa ja ri qach'alal aj-Macedonia ri xe'apon wik'in chila' ri xeto'on kan wichin. Xintej k'a nuq'ij chi man xinya' ta ejqa'n chiwij, y k'a ke na ri' ninch'ob ninben re chinuwech-apo.

2 Corintios 12:13

Yin nubanon k'a chiwe chi kan ix junan kik'in ri molaj qach'alal pa ch'aqa' chik tinamit. Xaxe k'a chiwe rix kan man jun to'onik ri xink'utuj, roma ri' wakami nink'utuj kuyubel numak chiwe roma re itzel banobel re'.

Gálatas 4:19

Toq rix man jani tikuquba' ik'u'x rik'in ri Cristo, yin kan janila q'axo'n xink'owisaj, achi'el ruq'axo'n jun ixoq ri nibe'alex yan ti ral. Y wakami jun bey chik ja q'axo'n ri' ninna' pa wánima. Ri q'axo'n ri' jantape' xtink'uaj, k'a toq rix xtiya' q'ij chi ri Cristo xtiq'alajin chi utz chupan ri ik'aslen.