2 Corintios 12:11 - Kaqchiquel Bible

¹¹ Yin xa xinben achi'el jun wineq ri man jun etamabel rik'in, roma xinya-qa nuq'ij. Jak'a xa kan ja rix xixbanon chuwe chi xinben keri'. Pa ruk'exel ri' ja ta rix ri ruk'amon ta chi xixch'on richin xinito' y stape' chi yin xa man jun nuq'ij, jak'a man más ta in ko'ol chikiwech ri nikibananej chi e nima'q taq e taqon roma ri Cristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Qetzij wi kin achel yin jun achi ri ma ndunojij ta ri ngerubꞌilaꞌ ngiqꞌalajin chiwech, pero ja rix ri xixok chuwa chi xkꞌatzin xinyaꞌ jubꞌaꞌ nuqꞌij. Porque ja ta rix ri xkꞌatzin chi xibꞌij chi kꞌo nuqꞌij, roma riyin ma wíta ta weqalen ke chikiwech ri ndikibꞌij chi enimalej teq apóstoles. Keriꞌ nibꞌij chiwa maske wetaman chi maneq ok nuqꞌij.

Kaqchikel Santa Maria de Jesus

¹¹ Inreꞌ xinꞌan incheꞌl xa man jun nunoꞌj ruma xinya-ka nukꞌij. Pero xa ixreꞌ xixbꞌano chuva chi xinꞌan quireꞌ, ruma ixreꞌ ri xixꞌeꞌn chi inreꞌ cꞌo nukꞌij. Can ketzij chi inreꞌ manak nukꞌij, pero man niꞌej ta chi man jun vakalien chiquivach ri niquiꞌej chi i-nimaꞌk tak apóstoles.

Kaqchikel Central Guatemala

¹¹ Yin xa xinben achi'el jun vinek ri man jun etamabel riq'uin, roma xinya' nuk'ij. Pero xa can jac'a rix xixbanon chuve chi xinben queri', roma xa ja ta rix ri ruc'amon chi xixbin chi yin can c'o-vi nuk'ij. Kitzij na vi chi yin ninna' chi xa man jun nuk'ij, pero chuka' can man jun nucojol quiq'uin ri nimalej tak apóstoles.

Re C'ac'a Testamento pa Kach'abal

¹¹ Yen nina' che ximban ancha'l jun vinak re man jun rutaman, roma xinya-ka nuk'ij yen mismo. Pero xa itzij yex tak ximban quire', roma re más ruc'amon che ja-ta yex xixbin che c'o nuk'ij. Can katzij-va che yen nina' che xa man jun nuk'ij, pero chuka' c'o más nuk'ij que chiquivach re niquibij che je namalaj tak apóstoles, pero xa man je katzij-ta.

Kaqchikel Western Solola

¹¹ Riyin xinben chi achi'el xa majun nuna'oj ruma xa nuyon riyin xinya' ka nuk'ij. Pero xa imac riyix tek xinben queri', ruma can yix ta c'a riyix ri' ri xixya'o nuk'ij. Ruma astape' riyin can majun oc nuk'ij, pero ma ntel ta chi tzij chi can yin más co'ol que chiquiwech ri niquibij chi ye nima'k tak apóstoles.

2 Corintios 12:11 ပူးပေါင်းရင်းမြစ်များ

2 Corintios 11:5

Rix nibij chi kan ek'o ri e nima'q taq rusamajela' ri Dios chi'ikojol. Jak'a yin man más ta in ko'ol chikiwech rije'.

2 Corintios 11:1

Nink'utuj k'a utzil chiwe chi kinikoch'o' chik juba', rik'in ri nuch'ujerik, roma k'a k'o ri ninwajo' ninbij chiwe.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

2 Corintios 12:12

Rix kan iwetaman k'a chi xinkoch' ronojel, y xq'alajin chiwech chi kan in jun taqon roma ri Dios; re' roma kan k'iy k'a meyel taq banobel y retal ri xenbanala' chi'ikojol.

2 Corintios 12:6

Y man rik'in ri', wi ta yin ninya-qa nuq'ij, pa rubeyal ta ri ninben y man ta nik'ulun chi man jun etamabel k'o wik'in. Roma yin kan ja ta ri qitzij ri ninbij. Jak'a xa man ninya' ta qa nuq'ij, richin keri' man jun wineq ri tibanon más nim chuwe. Yin xaxe k'a ninwajo' chi tiban chuwe achi'el ri nikitz'et o nikak'axaj chuwij.

2 Corintios 1:6

Toq niqak'owisaj tijoj-poqonal, ri' kan nik'atzin chiwe rix richin nukuquba' ik'u'x y yixrukol. Jak'a toq nikuqubex qak'u'x, chuqa' kan nik'atzin chiwe rix richin chi nukuquba-qa ik'u'x y nikoch' ri q'axomal, achi'el yojtajin chuk'owisaxik roj.

1 Corintios 3:22

Stape' ja yin Pablo, ri Apolos ó ri Pedro. Chuqa' ruya'on chiwe ri ruwach'ulew, ri k'aslen, ri kamik, ri nitzu' wakami y ri xtitzu' ri chiwech-apo. Kan ronojel re' iwichin rix y richin yixkisamajij.

San Lucas 17:10

Xa kan keri' chuqa' rix toq ibanon chik ri samaj ri rubin ri Dios chiwe, tibij: Roj oj samajela' ri man jun ok yojk'atzin-wi. Roma xaxe ok ri bin chiqe, xaxe ri' ri xqaben, kixcha', xcha' ri Jesús chike ri rutijoxela'.

Wuj Richin Etamabel-Tzij 27:2

K'a ja na ri ch'aqa' chik winaqi' ri keya'on aq'ij y man ja ta rat ri yanimirisan aq'ij; kan k'a ja na ri kichi' ri winaqi' tibin chi nim aq'ij y man ja ta ri achi' rat.

1 Corintios 13:2

Y stape' ta ninq'alajirisaj ri ruch'abel ri Dios; o niq'ax ta chinuwech ronojel ruch'obonik ri Dios ri ewatel-pe rik'in, y ronojel ta wetaman; o roma ta ri kan kuqul nuk'u'x, roma ta ri' yitikir ninben chike ri nimalej taq juyu' chi ke'el-el ri akuchi ek'o-wi; y stape' ta yitikir ninben ronojel ri', y maneq ajowabel wik'in, man jun yik'atzin-wi.

2 Corintios 3:1

Ri ch'abel ri xinbij chiwe, man nel ta chi tzij chi re' achi'el xa ta jun wuj richin yojik'ul. Ni man nik'atzin ta k'a chi rix nitz'ibaj na el jun wuj ri nubij chi qojk'ul koma ri qach'alal ri ek'o pa ch'aqa' chik tinamit, achi'el nikiben ch'aqa' chik.

2 Corintios 5:13

Wi rix nich'ob chi roj oj ch'ujerineq, kan ja ri Dios ri etamayon. Y wi nich'ob chi oj raxneq, kan k'o k'a utz xtuk'en-pe chiwe rix.

Gálatas 6:3

Jak'a wi k'o jun ri nuch'ob chi k'o ruq'ij roma man qajineq ta pa mak, xa kan ruyon k'a rija' nuq'ol-qa-ri'.