2 Corintios 10:12 - Kaqchiquel Bible

¹² Roj man niqajunamaj ta qi' kik'in rije', roma rije' xa kiyon nikiben chi k'o janila kiq'ij. Jak'a xa maneq kina'oj chi nikich'ob keri', roma xaxe ok ri nikich'ob rije' ri nikiben chire chi más utz, y rik'in ri' nikijunamaj-wi-ki'.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Qetzij wi kꞌa, chi roj ma jubꞌaꞌ ndubꞌij qánima chi ndiqajunumaj qiꞌ kikꞌin ri kiyon ndikiyalaꞌ qa kiqꞌij, chin ta ndiqatzꞌet si más roj utz o naq ke chikiwech rejeꞌ. Xa chikiwech qa rejeꞌ ndikijunumalaꞌ kiꞌ chin ndikitzꞌet achike ri más utz chikikajal. Pero atoq keriꞌ ndikibꞌen, qꞌalej chi xa ma pa ruchojmil ta ngenojin.

Kaqchikel Santa Maria de Jesus

¹² Ojreꞌ man nakaꞌan ta incheꞌl ri niquiꞌan ri nicꞌaj chic, ni man nakayuj ta kiꞌ quiqꞌuin, y man oj junan ta jeꞌ quiqꞌuin, ruma ijejeꞌ quiyuon niquiꞌan chi i-nimaꞌk. Ijejeꞌ xa man otz ta ri niquiꞌan pensar, ruma xa quinoꞌj ijejeꞌ niꞌeꞌn quireꞌ chica. Chiquivach ijejeꞌ, ja ijejeꞌ ri más i-otz.

Kaqchikel Central Guatemala

¹² Roj man nikaben ta c'a achi'el ri niquiben rije'. Man nikachibilaj ta c'a ki' quiq'uin, y chuka' can man oj junan ta quiq'uin, roma rije' quiyon niquiben chi c'o janíla quik'ij. Rije', can man pa rubeyal ta c'a ri niquiben, roma xa quina'oj oc rije' nibin queri' chique. Chiquivech rije' ja rije' ri más e utz.

Re C'ac'a Testamento pa Kach'abal

¹² Yoj man nakaban-ta ancha'l niquiban reje'. Roma reje' xa quion niquiya-ka quik'ij. Reje' can man otz-ta re niquiban, roma xa quina'oj reje' nibin quire' chique. Chiquivach-ka reje', ja reje' re más je otz, mare' manak modo che ye'oc kachibil roma man yoj junan-ta quiq'uin.

Kaqchikel Western Solola

¹² Ruma riyoj ma juba' xtubij ta ri kánima chi yoj-oc cachibil, ni xa ta nikajunumaj ki' quiq'ui ri xa quiyon niquiya' ka quik'ij. Ruma xa pa quich'obonic ka riye' nipe wi tek niquibij chi can ye utz. Y can niquijunumaj ka qui' chiquiwech ka riye' chi achique ri más utz y xa majun quina'oj chiquibanic.

2 Corintios 10:12 ပူးပေါင်းရင်းမြစ်များ

Wuj Richin Etamabel-Tzij 27:2

K'a ja na ri ch'aqa' chik winaqi' ri keya'on aq'ij y man ja ta rat ri yanimirisan aq'ij; kan k'a ja na ri kichi' ri winaqi' tibin chi nim aq'ij y man ja ta ri achi' rat.

Wuj Richin Etamabel-Tzij 26:12

Xa más k'a nichojmir na jun wineq ri xa maneq runa'oj ke chuwech jun wineq ri nubij chi k'o na'oj rik'in.

San Lucas 18:11

Ri fariseo pa'el, ruyon nich'on rik'in ri Dios, y nubij k'a chupan ri ruch'owen: Dios, matiox ninya' chawe roma yin man in junan ta kik'in ri ch'aqa' chik winaqi'. Roma rije' xa e eleq'oma', e kanoy kichin ch'aqa' chik ixoqi', y man e choj ta chupan ri kik'aslen. Ni man in junan ta k'a chuqa' rik'in la jun achin moloy méro la'.

2 Corintios 10:18

Roma ri xa ruyon rija' nubij-qa chi kan k'o ruq'ij roma ri rusamaj, man nel ta chi tzij chi kan keri' chuwech ri Dios. K'a ja na ri Dios ri xtibin, wi kan keri' o xa man keri' ta.

Romanos 15:18

Y yin xaxe nintzijoj achike rubanik toq ri Cristo irukusan richin ninch'abalij y yisamej chikikojol ri man e judío ta richin nikinimaj rija'.

2 Corintios 3:1

Ri ch'abel ri xinbij chiwe, man nel ta chi tzij chi re' achi'el xa ta jun wuj richin yojik'ul. Ni man nik'atzin ta k'a chi rix nitz'ibaj na el jun wuj ri nubij chi qojk'ul koma ri qach'alal ri ek'o pa ch'aqa' chik tinamit, achi'el nikiben ch'aqa' chik.

Wuj Richin Etamabel-Tzij 25:27

Kan man utz ta k'a nuben chire jun wineq, chi nutej k'iy kab ri nikiya' ri taq chikopi', keri' chuqa' jun wineq ri nukanoj k'iy ruwaq'ijaj, xa man utz ta.

2 Corintios 5:12

Man k'a tich'ob chi yojtajin chubixik keri' chiwe xaxe richin chi yojik'ul ta. Roj xaxe niqajo' niqaya' q'ij chiwe chi tina' janila kikoten pa taq iwánima qoma roj. Richin keri' rix yixtikir nipaba-iwi' chikiwech ri nikibananej chi e utz, jak'a ri pa taq kánima xa man keri' ta.

Wuj Richin ri Achin Job 12:2

Kan qitzij na wi ja rix ri ix ruch'abel ri tinamit; y toq xkixken rix, jari' chuqa' toq xtik'is ri na'oj chuwech re ruwach'ulew.

2 Corintios 10:11

Jak'a ri yebin keri' ninwajo' ninbij chike, chi kan achi'el rubanik ri ch'abel ri nubin-el chupan ri wuj, kan keri' chuqa' xtinbenbana' toq xkinapon iwik'in.