2 Corintios 1:8 - Kaqchiquel Bible

⁸ Roma rix wach'alal xa kan nik'atzin chi k'o ta chi'ik'u'x ri achike chi tijoj-poqonal ri xqak'owisaj toq xojk'oje' chila' pan Asia. Ri quchuq'a' kan man nitikir ta chik rik'in ri ralal ri tijoj-poqonal ri xqak'owisaj. Kan xqach'ob k'a chi xa kan xaxe chik ri qakamik qoyoben.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Hermanos, roj ndiqajoꞌ chi rix ndiwetamaj ri kꞌayew xqaqꞌasaj pa rochꞌulew Asia. Tzꞌan chi kꞌayew xqaqꞌasaj chiriꞌ, hasta ya ma ndiqakachꞌ chi ta más y pa qatzij roj, xa chiriꞌ ngojken.

Kaqchikel Santa Maria de Jesus

⁸ Hermanos, can nicꞌatzin chi ntinaꞌiej otz chirij ri sufrimientos ri xkakꞌasaj ojreꞌ antok xojcꞌujieꞌ chupan ri lugar rubꞌinan Asia. Ri kachukꞌaꞌ ri cꞌo man xtiquir ta chic ruma ri xquiꞌan ri vinak chika. Can xkaꞌan pensar chi man chic nkojcꞌasieꞌ ta.

Kaqchikel Central Guatemala

⁸ Roma rix vach'alal xa can nic'atzin chi c'o ta chi'ic'u'x ri achique chi tijoj-pokonal ri xkac'ovisaj roj tok xojc'oje' chila' pan Asia. Ri kuchuk'a' c'o, can man nitiquir ta chic riq'uin ri ralal ri tijoj-pokonal ri xquiya' ri vinek pa kavi'. Can xkach'ob-vi c'a chi man xkojc'ase' ta chic, xa can xe chic c'a kacamic koyoben.

Re C'ac'a Testamento pa Kach'abal

⁸ Hermanos, yex can nic'atzin che nitamaj re andex che tijoj-pokonal re xkak'asaj yoj tak xojc'ue' chila' pan Asia. Re kachuk'a' man chic nitiquir-ta riq'uin re tijoj-pokonal re xkak'asaj pa quik'a' re vinak. Can xkanojij che man chic yojc'ase-ta, xa can xe chic re kacamic kayaben.

Kaqchikel Western Solola

⁸ Ruma riyix wach'alal, xa can nikajo' chi niwetamaj achique chi tijoj pokonal ri xkak'axaj riyoj tek xojc'oje' chila' pa rucuenta ri Asia. Ri kachuk'a' ri c'o, ma nicowin ta chic nucoch' ri tijoj pokonal ri xquiben ri winek chake. Can xkach'ob c'a chi ma xkojc'ase' ta chic, xaxu (xaxe wi) chic c'a ri kacamic koyoben.

2 Corintios 1:8 ပူးပေါင်းရင်းမြစ်များ

Hechos 16:6

Ri chiri' ri Loq'olej Espíritu man xuya' ta q'ij chike ri Pablo y ri e rachibil, richin xebe pa ruwach'ulew Asia richin nibekitzijoj ri ruch'abel ri Dios chiri'. Roma ri' rije' xeq'ax pa ruwach'ulew Galacia y pa ruwach'ulew Frigia.

Hechos 19:41

Ri aj-tz'ib kan xaxe k'a xubij ri ch'abel ri', xubij chi ri molojri'il ri' titane' kan.

Hechos 2:9

Roma ek'o chiqe roj ri e aj wawe' pa Judea; ek'o e peteneq ri pa ruwach'ulew Partia, ri Media, ri Elam, ri Mesopotamia, ri Capadocia, ri Ponto, ri Asia,

Romanos 1:13

Wach'alal, yin ninwajo' k'a chi rix niwetamaj ta chi yin k'iy k'a bey nuch'obon chi yibe ta chila' iwik'in, jak'a man in tikirineq ta in beneq. Kan nurayibel k'a yench'ek ch'aqa' chik chi'ikojol rix richin yekolotej, kan achi'el nubanon kik'in e k'iy winaqi' ri xa man e judío ta.

1 Corintios 15:32

Wi maneq ta k'astajibel, ronojel ri yenk'uluwachila' man jun ta rejqalen, achi'el ri xink'uluwachij pan Éfeso, toq ri winaqi' kan xeyakatej chuwij achi'el k'uxunela' taq chikopi'. Xa más ta utz niqaben achi'el ri tz'ibatel kan:*f16* Xaxe qojwa' y qojuk'ya', roma xa chua'q-kabij xqojken-el, nicha'.

1 Corintios 16:9

Yik'oje' na re wawe' roma ri Dios ruya'on janila nusamaj ri kan janila rejqalen, stape' e k'iy ri ye'etzelan wichin.

1 Corintios 4:8

Rix nina' chi k'o chik ronojel iwik'in, y man jun chik ri nik'atzin chiwe. Nina' chi kan k'o chik q'atbel-tzij pan iq'a', y roj man yojk'atzin ta chiwe. Jebel ta ri' wi ta kan k'o chik q'atbel-tzij pan iq'a', richin chi roj yojok ta chuqa' q'atoy taq tzij iwik'in rix.

2 Corintios 1:9

Kan xqach'ob chi man yojkolotej ta chik chuwech ri kamik, jak'a re' xa richin chi tiqetamaj chi man tiqakuquba' qak'u'x rik'in ri quchuq'a' roj, xa kan xaxe rik'in ri Dios. Roma rija' kan k'o-wi ruchuq'a' richin yeruk'asoj ri kaminaqi'.

2 Corintios 6:9

Niban chiqe chi achi'el chi man etaman ta qawech, stape' xa kan jebel etaman qawech. Banon chiqe chi achi'el oj kaminaqi' chik, jak'a xa k'a oj k'es na. K'iy ruk'ayewal taqon-pe pa qawi', jak'a kan k'a k'o na qak'aslen.

1 Sam 20:3

K'ari' ri David xuya' rutzij chuwech ri Jonatán y xubij chire: Ri atata' retaman jebel chi roj janila niqajo-qi'. Roma ri' rija' man xtubij ta chawe ri achike ri ruch'obon chuwij, richin keri' rat man yabison ta. Kan qitzij na wi, k'es k'a ri Jehová y k'es k'a ri awánima rat, chi ri nukamik yin xa naqaj chik k'o-wi, xcha'.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.