2 Corintios 1:3 - Kaqchiquel Bible

³ Tiqaya' ruq'ij ri Dios, ri rutata' ri qajaw Jesucristo. Rija' jun tata'aj joyowanel, y chuqa' kan jun Dios ri nukuquba' kik'u'x ri e richin chik.

နောက်ထပ်ဗားရှင်းများ

Kaqchikel Santo Domingo (Xenacoj)

³ Kin ta xtiyoꞌox ruqꞌij ri ru-Dios y Rutataꞌ ri Qajaw Jesucristo, porque rijaꞌ Tataꞌaj ri kin ndijoyowan, y Dios chuqaꞌ ri ngojrutoꞌ chupan nojel ri kꞌayew ndiqaqꞌasaj chin ndubꞌochiꞌij qánima.

Kaqchikel Santa Maria de Jesus

³ Kayaꞌ rukꞌij ri Dios, ri Rutataꞌ ri Kajaf Jesucristo. Jajaꞌ jun Tataꞌj ri nujoyovaj quivach ri ralcꞌual, y jajaꞌ ri Dios ri nuyaꞌ consolación.

Kaqchikel Central Guatemala

³ Tikaya' c'a ruk'ij ri Dios, ri Rutata' ri Kajaf Jesucristo. Rija' jun Tata'aj ri can nujoyovaj-vi quivech ri e ralc'ual, y chuka' can jun Dios ri nucukuba' quic'u'x ri e richin chic.

Re C'ac'a Testamento pa Kach'abal

³ Takaya' ruk'ij re Dios re Rutota' re Kajaf Jesucristo. Reja' jun Tata'aj re can nujoyovaj kavach y chuka' jun Dios re can nucukuba' kac'o'x.

Kaqchikel Western Solola

³ Tikaya' c'a ruk'ij ri Dios, ri Rutata' ri Kajaf Jesucristo. Riya' jun Tata'aj ri can nujoyowaj wi quiwech ri ye ralc'ual, y chuka' can jun Dios ri can nucukuba' quic'u'x ri ye riche (rixin) chic Riya'.

2 Corintios 1:3 ပူးပေါင်းရင်းမြစ်များ

Wuj Richin ri Rutikeribel 14:20

Y nim ruq'ij ri nimalej Dios, ri Dios ri kan man jun chik achi'el rija', ri Dios ri kan xerujech pan aq'a' ri e etzelanel awichin; keri' xubij ri Melquisedec chire ri Abram. Y ri Abram xuch'er k'a jun chire ri lajuj ri ruch'akon-pe pan oyowal y xuya' chire ri Melquisedec.

1 Crón 29:10

K'ari' ri rey David chikiwech ri winaqi' ri kimolon-ki' chiri' xunimirisaj rubi' ri Jehová, y xubij: ¡Nim ruwa-aq'ij rat Jehová ri qa-Dios tibe-q'ij tibe-seq! Nim ruwa-aq'ij rat ri chuqa' ri ru-Dios ri qatata' Israel.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

Wuj Richin Bix Chire ri Dios 18:46

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.

Wuj Richin Bix Chire ri Dios 68:35

Roj kan yojk'ark'ot roma xibinri'il toq ri Dios nel-pe chupan ri rachoch. Jak'a rija' kan nuya' quchuq'a'. Tiqaya' k'a ruq'ij ri nimalej qa-Dios.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

Wuj Richin Bix Chire ri Dios 86:5

Roma rat ajaw kan janila at utz y at kuyunel, ri awajowabal man jun bey nik'is kik'in ri yekanon awichin.

Wuj Richin ri Isaías 66:13

Achi'el nuben jun te'ej toq nukuquba' ruk'u'x ri ti ral, keri' xtinben yin iwik'in rix, y chiri' pa Jerusalem kan xtiwil kuqubabel-k'u'x.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

San Juan 10:30

Yin y ri nata' kan jun k'a qabanon, xcha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

2 Corintios 11:31

Kan qitzij wi ri ninbij yin. Y ri Dios, ri rutata' ri qajaw Jesucristo, ri k'o ruq'ij richin jantape', retaman chi yin man nintz'uk ta tzij.

2 Corintios 7:6

Jak'a ri Dios kan nukuquba' kik'u'x ri kiqasan-ki', y roma ri' xukuquba' qak'u'x roj, rik'in ri rupeten ri Tito.

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

Filipenses 2:11

Y kan qonojel k'a xtiqabij chi ri Jesucristo jari' ri qajaw. Y keri', xtiqaya' ruq'ij-ruk'ojlen ri qatata' Dios.

Colosenses 1:3

Beneq-ruwech yojch'on rik'in ri Dios iwoma rix, y niqamatioxij chire ri Dios ri Rutata' ri Jesucristo.

1 Pedro 1:3

Tiqaya' k'a ruq'ij ri ru-Dios y rutata' ri qajaw Jesucristo. Rija' kan janila xujoyowaj qawech, roma ri' xuben chiqe chi xojalex chik jun bey rik'in ri ruk'astajibal ri Jesucristo. Y re' kan nuben k'a chiqe chi k'o jun oyobenri'il qik'in ri man k'isel ta.

2 Juan 1:4

Janila kikoten xuya' pa wánima toq xenwil chikikojol ri awal jujun ri kojqan ri qitzij, kan achi'el nubij ri Qatata' Dios chiqe chupan ri ruch'abel.

2 Juan 1:9

Ek'o winaqi' ri nikibij chi k'o más etamabel kik'in chuwech ri tijonik richin ri Cristo, y xa man keri' ta. Re yebin k'a kere', maneq k'a ri Dios kik'in. Jak'a roj ri man niqaya' ta kan ri tijonik ri richin ri Cristo, kan k'o ri Tata'ixel y ri K'ajolaxel qik'in.