2 Corintios 1:2 - Kaqchiquel Bible

² Ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

နောက်ထပ်ဗားရှင်းများ

Kaqchikel Santo Domingo (Xenacoj)

² Ri Qatataꞌ Dios y ri Ajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

Kaqchikel Santa Maria de Jesus

² Ja ta ri favor y ri paz ri nuyaꞌ ri Katataꞌ Dios y ri Ajaf Jesucristo ticꞌujieꞌ riqꞌuin ivánima.

Kaqchikel Central Guatemala

² Y ja ta c'a ri utzil y ri uxlanen ri petenek riq'uin ri Katata' Dios y ri Ajaf Jesucristo xtic'oje' pa tak ivánima chi'ivonojel.

Re C'ac'a Testamento pa Kach'abal

² Y can-ta q'uiy utzil xtic'ul chiyixnojel riq'uin re Karta' Dios y re Ajaf Jesucristo. Y chuka' re ivánma can-ta otz nuna' roma iniman chic.

Kaqchikel Western Solola

² Y ya ta c'a ri utzil y ri uxlanibel c'u'x ri nuya' ri Katata' Dios y ri Ajaf Jesucristo ri xtic'oje' pa tak iwánima chi'iwonojel.

2 Corintios 1:2 ပူးပေါင်းရင်းမြစ်များ

2 Sam 15:20

Rat xa k'a juba' katoqaqa wik'in. ¿Xtinben ta k'a chawe richin yabe-kela' yabe-kela' chiqij roj ri xa man qetaman ta akuchi yojbe-wi? Más utz katzolin kan, y ke'ak'uaj kan ri awinaq. Y ri Jehová xtuk'ut chawech ri rajowabal beneq ruwech y man ta xkaruya' kan, xcha'.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.

Dn 4:1

Ri Nabucodonosor xutzijoj chuqa' jun banobel ri xuk'uluwachij, y kere' k'a ri xubij: Yin Nabucodonosor ninya' rutzil iwech chi'iwonojel rix tinamit, konojel winaqi' richin re ruwach'ulew y konojel winaqi' ri yech'on jalajoj ruwech ch'abel. Kan jantape' k'a tik'oje' uxlanibel-k'u'x iwik'in.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

1 Corintios 1:3

Y ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

2 Corintios 1:3

Tiqaya' ruq'ij ri Dios, ri rutata' ri qajaw Jesucristo. Rija' jun tata'aj joyowanel, y chuqa' kan jun Dios ri nukuquba' kik'u'x ri e richin chik.

Gálatas 6:16

Rix ri yixbiyin achi'el nubij re ch'abel re', kan xtik'oje' ta k'a uxlanibel-k'u'x pa taq iwánima. Y kan xtijoyowex k'a chuqa' iwech roma ri Dios, roma rix kan ix rutinamit-wi ri Dios.

Efesios 6:23

Ja ta k'a ri Dios ri Tata'ixel y ri qajaw Jesucristo, xtuya' chiwe chi'iwonojel rix qach'alal ri uxlanen, ri ajowabel y ri kuqubabel-k'u'x.

Filipenses 1:2

Kan ja ta k'a ri utzil y ri uxlanen ri peteneq rik'in ri qatata' Dios y ri qajaw Jesucristo xtik'oje' pa taq iwánima chi'iwonojel.

1 Tesalonicenses 1:1

Yin Pablo e wachibilan ri Silas*f1* y ri Timoteo, ninben k'a el re wuj re' chiwe rix molaj qach'alal ri ixk'o pa tinamit Tesalónica, rix ri jun ibanon rik'in ri qatata' Dios y ri ajaw Jesucristo. Y ja ta k'a ri utzil y ri uxlanen ri peteneq rik'in ri Dios xtik'oje' pa taq iwánima chi'iwonojel.

2 Tesalonicenses 1:2

ja ta k'a ri utzil y ri uxlanen ri peteneq kik'in rije' xtik'oje' pa taq iwánima chi'iwonojel.

Filemón 1:3

Ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.