2 Corintios 1:10 - Kaqchiquel Bible

¹⁰ Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y ja ri Dios xkolo qichin chuwech ri kꞌayew chi kamik riꞌ, y keriꞌ chuqaꞌ xtubꞌen más chiqawech apu, kin kuqul qakꞌuꞌx rikꞌin rijaꞌ chi ngojrukal.

Kaqchikel Santa Maria de Jesus

¹⁰ Y jajaꞌ ri xcalo kichin choch ri camic, y vacame jeꞌ nkojrucol choch ri camic. Y kacukubꞌan kacꞌuꞌx riqꞌuin jajaꞌ chi ri tiempo ri chakavach-apa, xkojrucol jeꞌ choch ri camic.

Kaqchikel Central Guatemala

¹⁰ Y jac'a rija' ri xojcolon-pe chuvech ri camic ri', y re vacami can najin c'a chuka' chikacolic chuvech. Pero chuka' can kacukuban c'a kac'u'x riq'uin chi re benek-apo can xkojrucol-vi c'a chuvech jun camic achi'el ri achok chuvech xojrucol yan jun bey.

Re C'ac'a Testamento pa Kach'abal

¹⁰ Y jac'a reja' re xbano chaka che man xojcom-ta pa quik'a' re vinak y c'a quire' ntajin chubanic kaq'uin vocame, y can kataman che can quire' xtuban kaq'uin chupan re tiempo-apo, y chuka' quire' xtuban chin yojrucol chach re camic, ancha'l re anchok chach yojrucolon-va-pa nabey.

Kaqchikel Western Solola

¹⁰ Ya c'a ri Dios ri xojcolo pe chuwech ri camic ri', y re wacami can ntajin c'a chuka' yojrucol. Pero chuka' can kacukuban c'a kac'u'x riq'ui chi re chkawech apo can xkojrucol wi c'a chuwech jun camic ri sibilaj chi na pokon achi'el ri xojrucol yan wi pe jun bey.

2 Corintios 1:10 ပူးပေါင်းရင်းမြစ်များ

1 Timoteo 4:10

Niqatej qaq'ij richin niqaben ri rusamaj ri Dios y niqatej poqon, roma kan qakuquban-wi-apo qak'u'x rik'in ri k'aslik Dios. Ja rija' ri kolonel kichin konojel winaqi', jak'a más qichin roj ri qakuquban qak'u'x rik'in.

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

1 Sam 17:37

Ri Jehová kan in ruto'on pa kiq'a' ri koj y ri oso, kan keri' chuqa' xkiruto' pa ruq'a' la achin la', xcha'. K'ari' ri Saúl xubij chire chi tibe, y kan ja ri Jehová xtito'on richin.

Romanos 15:31

chi man ta xkiqaqa pa kiq'a' ri winaqi' ri man kiniman ta ri Jesucristo ri chiri' pa Judea. Y chuqa' xtik'utuj ta chire ri Dios chi ri qach'alal ri ek'o pa tinamit Jerusalem jebel ta ruk'ulik xtikiben chire ri sipanik ri xtinjech chike.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Hechos 26:21

Xaxe roma ri' toq ri qawinaq judío xinkichop-pe chiri' pa rachoch ri Dios, y xkajo' ta xinkikamisaj.

Wuj Richin ri Isaías 46:3

Kiniwak'axaj k'a rix ri ix israelita, ri juba' chiwe rix ri xixk'ase' kan. Yin kan janila ix wajowan-pe, kan k'a ja toq man jani kixalex, yin kan ix in ch'elen chik.

1 Sam 7:12

K'ari' ri Samuel xberuk'ama-pe jun abej y xuya' pa k'ulba't chire ri tinamit Mispá y ri tinamit Sen. Y xuya' rubi' re abej re' y xubini'aj Eben-ézer roma ri ch'abel ri' nel chi tzij: K'a re wawe' oj ruto'on-wi ri Jehová.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 6:16

K'ari' ri rey xuteq k'a ruk'amik ri Daniel, y xubij chire: Daniel, ri a-Dios ri kan k'o awik'in jantape', ja ta k'a rija' ri xtikolon awichin, xcha'. Chirij ri' xkik'eq-qa chupan ri jul ri akuchi ek'o-wi ri koj.

2 Corintios 1:9

Kan xqach'ob chi man yojkolotej ta chik chuwech ri kamik, jak'a re' xa richin chi tiqetamaj chi man tiqakuquba' qak'u'x rik'in ri quchuq'a' roj, xa kan xaxe rik'in ri Dios. Roma rija' kan k'o-wi ruchuq'a' richin yeruk'asoj ri kaminaqi'.

2 Corintios 6:9

Niban chiqe chi achi'el chi man etaman ta qawech, stape' xa kan jebel etaman qawech. Banon chiqe chi achi'el oj kaminaqi' chik, jak'a xa k'a oj k'es na. K'iy ruk'ayewal taqon-pe pa qawi', jak'a kan k'a k'o na qak'aslen.