2 Corintios 1:1 - Kaqchiquel Bible

¹ Yin Pablo, ri in taqon roma ri Jesucristo roma jari' ri rurayibel ri Dios. Wachibilan k'a ri qach'alal Timoteo ninben-el re wuj re' chiwe rix molaj qach'alal ri ixk'o pa Corinto, y chike chuqa' konojel ri qach'alal ri ek'o pa ch'aqa' chik tinamit ri pan Acaya.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Riyin Pablo, apóstol chin ri Cristo Jesús roma jariꞌ rurayibꞌel ri Dios, junan rikꞌin ri hermano Timoteo ndiqatzꞌibꞌaj e re wuj reꞌ chiwa rix ri ralkꞌuaꞌl ri Dios ri ndimal iwiꞌ pa rubꞌiꞌ pa tinamit Corinto, y chake konojel ri hermanos ekꞌo chiriꞌ pa rochꞌulew Acaya.

Kaqchikel Santa Maria de Jesus

¹ Inreꞌ Pablo, in ru-apóstol ri Jesucristo ruma quireꞌ nrajoꞌ ri Dios. Can junan ojcꞌo riqꞌuin ri hermano Timoteo antok nitak-el va carta va chiva ixreꞌ hermanos ri ix ru-iglesia ri Dios ri ixcꞌo pa tanamet Corinto. Va carta va man joꞌc ta ivichin ixreꞌ, xa quichin jeꞌ quinojiel ri santos hermanos ri icꞌo nicꞌaj chic tanamet chupan ri Acaya.

Kaqchikel Central Guatemala

¹ Yin Pablo, ru-apóstol ri Jesucristo roma jari' ri rurayibel ri Dios. Yin can vachibilan c'a ri kach'alal Timoteo tok ninben-el re carta re' chive rix kach'alal ri nimol-ivi' pa rubi' ri Dios ri pa Corinto, ri jun tinamit ri c'o chila' pan Acaya. Pero re carta re' man xaxe ta c'a ivichin rix, xa can quichin chuka' conojel ri lok'olej tak kach'alal ri ec'o pa ch'aka' chic tinamit ri chiri' pan Acaya.

Re C'ac'a Testamento pa Kach'abal

¹ Yen Pablo, yin ru-apóstol re Jesucristo roma jare' re nurayij re Dios. Yen y chibil chuka' re hermano Timoteo, nimban-a re carta re' chiva yex hermanos re nimol-ivi' pa rube' re Dios chire' pa tenemit Corinto. Pero re carta re' man xaxe-ta ivichin yex, xa can quichin chuka' conojel re je rajc'ual chic re Dios, re jec'o pa tak nic'aj chic tenemit chupan re mismo lugar rubini'an Acaya.

Kaqchikel Western Solola

¹ Riyin ri Pablo, yin jun ru'apóstol ri Jesucristo ruma queri' ri xrajo' ri Dios. Riyin can wachibil c'a ri kach'alal Timoteo tek ntz'ibaj el re wuj re' chiwe riyix kach'alal ri yix iglesia riche (rixin) ri Dios ri yixc'o pa tinamit Corinto. Pero re wuj re' ma xaxu (xaxe) ta wi c'a iwuche (iwixin) riyix, xa can quiche (quixin) chuka' quinojel ri lok'olaj tak kach'alal ri yec'o pa nic'aj chic tinamit ri chiri' pa rucuenta ri Acaya.

2 Corintios 1:1 ပူးပေါင်းရင်းမြစ်များ

Hechos 16:1

Ri Pablo y ri Silas xe'apon k'a ri pa Derbe y k'ari' xebe pa Listra. Ri chiri' k'o jun qach'alal ala' rubini'an Timoteo, y ri rute' jun israelita ri kan rukuquban ruk'u'x rik'in ri Jesucristo, jak'a ri rutata' aj-Grecia.

Romanos 15:26

Roma ri qach'alal ri ek'o wawe' pa Macedonia y ri Acaya xketamaj chi ri qach'alal ri ek'o pa Jerusalem, man jun k'o kik'in. Roma ri' xalex pa kánima chi nikiben jun sipanik richin yekito'.

Romanos 16:21

Ri qach'alal Timoteo nuteq-el rutzil-iwech. Rija' qachibilan-qi' pa rusamaj ri Dios. Nikiteq-el chuqa' rutzil-iwech ri qach'alal Lucio, ri Jasón y ri Sosípatro, rije' kan e nuwinaq-wi.

Romanos 16:5

Y tiya' chuqa' rutzil-kiwech ri molaj qach'alal ri nikimol-ki' pa kachoch ri ka'i' qach'alal ri'. Y keri' chuqa' tiya' rutzil-ruwech ri qach'alal Epéneto ri janila ninwajo'. Ja rija' ri nabey xkuquban ruk'u'x rik'in ri Cristo pan Acaya.

1 Corintios 10:32

Y man tiben chike ri winaqi' chi nikimalij kik'u'x y yetzaq; ni chike ri molaj qach'alal judío, ni ri molaj qach'alal aj-Grecia, y ni chike xabachike ri e ralk'ual chik ri Dios.

1 Corintios 16:10

Y wi ri Timoteo napon ta chila' iwik'in, kan tik'ulu' k'a chi utzil. Rija' kan rusamaj-wi ri ajaw nuben, achi'el yin.

1 Corintios 16:15

Wach'alal, rix iwetaman ruwech ri qach'alal Estéfanas y ri e aj pa rachoch, y chi rije' jari' ri nabey ri xeniman ri Cristo chiri' pa ruwach'ulew Acaya. Rije' kan rik'in ronojel kánima yekito' ri ch'aqa' chik qach'alal.

1 Corintios 16:24

Kan tik'ulu' k'a ri wajowabal chi'iwonojel rix ri ix richin chik ri Cristo Jesús. Kan keri' ta k'a.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

2 Corintios 1:19

Ri Jesucristo ri ruk'ajol ri Dios, ri xqatzijoj chiwe, yin, ri Silvano, y ri Timoteo, kan man nujel ta ri ruch'abel ri nubij. Rija' kan xaxe ri qitzij ri nubij.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

2 Corintios 11:10

Y roma ri ruch'abel ri Cristo ri k'o wik'in, ninbij k'a chiwe rix ri ixk'o pan Acaya, chi kan man jun ri xtibanon ta chuwe chi man ta chik yich'on pa ruwi' re'.

2 Corintios 9:2

Roma wetaman k'a chi kan k'o-wi rayibel iwik'in richin niya' ri to'onik ri'. Y jari' ri nintzijoj yin chike ri qach'alal re wawe' pa Macedonia, chi rix kan ja yan ri junabir ri iwoyoben richin niya' ri to'onik ri'. Y ri rayibel ri k'o iwik'in rix, jari' ri xya'on kuchuq'a' ri qach'alal richin chuqa' yeto'on rije'.

Gálatas 1:1

Yin Pablo, in jun taqon roma ri Cristo, y man winaqi' ta k'a xecha'on, ni xetaqon wichin. Ri taqayon-pe wichin ja ri Jesucristo y ri Dios ri Tata'ixel; ri xbanon chire ri Jesucristo chi xk'astej chik pe.

Gálatas 3:26

Y qonojel ri qakuquban chik qak'u'x rik'in ri Jesucristo, xojok ralk'ual ri Dios.

Efesios 1:1

Yin Pablo, in jun taqon roma ri Jesucristo roma jari' ri rurayibel ri Dios. Y ninben k'a el re wuj re' chiwe rix wach'alal, ri ixk'o pa tinamit Éfeso; rix ri kan kuqul-wi-ik'u'x rik'in ri Cristo Jesús.

Filipenses 1:1

Yin Pablo, wachibilan ri qach'alal Timoteo ri oj rusamajela' ri Jesucristo, nintz'ibaj k'a el re wuj re' chiwe rix qach'alal ri ixk'o pa tinamit Filipos, rix ri xa jun ibanon rik'in ri Cristo Jesús. Keri' chuqa' chiwe rix qach'alal ri ix uk'uey kichin ri qach'alal, y ri ch'aqa' chik to'onela'.

1 Tesalonicenses 1:1

Yin Pablo e wachibilan ri Silas*f1* y ri Timoteo, ninben k'a el re wuj re' chiwe rix molaj qach'alal ri ixk'o pa tinamit Tesalónica, rix ri jun ibanon rik'in ri qatata' Dios y ri ajaw Jesucristo. Y ja ta k'a ri utzil y ri uxlanen ri peteneq rik'in ri Dios xtik'oje' pa taq iwánima chi'iwonojel.

1 Tesalonicenses 3:2

y xqateq k'a el ri qach'alal Timoteo richin xixberutz'eta', roma rija' jun rusamajel chuqa' ri Dios, ri chuqa' nutzijoj ri utzilej ruch'abel ri Cristo ri nik'amon-pe kolotajik. Y xqateq k'a el richin niberuya' más iwuchuq'a' y nuben chuqa' chiwe chi más nikuquba' ik'u'x rik'in ri Jesucristo.

2 Tesalonicenses 1:1

Yin Pablo e wachibilan ri Silas*f1* y ri Timoteo, ninben k'a el re wuj re' chiwe rix molaj qach'alal ri ixk'o pa tinamit Tesalónica, ri ix richin chik ri qatata' Dios y ri ajaw Jesucristo;

1 Timoteo 1:1

Yin Pablo, jun chike ri e taqon roma ri Cristo Jesús roma keri' xubij ri Dios ri qakolonel y ri Cristo Jesús, ri qoyoben chi nipe chiqak'amik.

2 Timoteo 1:1

Yin Pablo, in jun taqon roma ri Jesucristo, roma kan rurayibel wi ri Dios chi xirucha' richin nintzijoj ri k'aslen ri nusuj chike ri winaqi', ri nikikuquba' kik'u'x rik'in ri Cristo Jesús.

Tito 1:1

Yin Pablo, jun rusamajel ri Dios y jun taqon roma ri Jesucristo. Ri Dios xiruteq chikito'ik ri e cha'on roma rija', richin nikikuquba' más kik'u'x rik'in y niketamaj ta jebel ri qitzij, ri yojruk'uaj chupan ri utzilej k'aslen ri nrajo' ri Dios.

Filemón 1:1

Yin Pablo, ink'o k'a wawe' pa cárcel roma ri Jesucristo. Wachibilan k'a ri qach'alal Timoteo toq ninben-el re wuj re' chawe rat qachibil Filemón, ri yalan yatqajo' y achoq ik'in yojsamej-wi.

Hebreos 13:23

Yin ninya' rutzijol chiwe chi ri qach'alal Timoteo totajineq chik; y wi xtipe chi'anin, nink'uaj-el toq xkibe chi'itz'etik.