1 Timoteo 6:12 - Kaqchiquel Bible

¹² Roma nakuquba' ak'u'x rik'in ri Cristo, k'iy poqon xtatej, jak'a kan tatija' aq'ij richin yach'akon y ja ri k'aslen richin jantape' ri xtak'ul rik'in ri Dios. Roma rija' xaroyoj richin nak'ul ri k'aslen ri' toq xabij chi xakuquba' ak'u'x rik'in ri Cristo chikiwech e k'iy.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Rikꞌin ri kuqubꞌel kꞌuxlaj kꞌo pa awánima, tatijaꞌ aqꞌij chi jumul ndabꞌen pa akꞌaslen ri ndubꞌij ri rutzij ri Dios. Kin tiqꞌalajin utz-utz chi kꞌo chik awikꞌin ri kꞌaslen ma ndikꞌis ta, porque chin riꞌ xatoyox roma ri Dios. Y kin chikiwech ekꞌiy testigos xabꞌij chi akuqubꞌan akꞌuꞌx rikꞌin ri Ajaw.

Kaqchikel Santa Maria de Jesus

¹² Can riqꞌuin nojiel avánima tatijaꞌ akꞌij chi naꞌan ri utzulaj batalla richin ri cukbꞌal cꞌuꞌx. Man tayaꞌ can ri utzulaj cꞌaslien, ri cꞌaslien reꞌ man xtiqꞌuis ta. Y ja cꞌaslien reꞌ xavil antok xarayuoj ri Dios. Jareꞌ ri xyoꞌx chava antok chiquivach iqꞌuiy xaꞌej chi xanimaj.

Kaqchikel Central Guatemala

¹² Can riq'uin ronojel avánima tatija' ak'ij nac'uaj jun c'aslen achi'el ri nrajo' ri Dios. Queri' ri nic'atzin chi naben roma animan rija'. Man taya' can ri utzilej c'aslen, ri c'aslen ri man jun bey xtiq'uis. Y ja c'aslen ri' ri xac'ul riq'uin ri Dios tok xatoyox roma rija'. Jari' ri xac'ul tok xabij chi xanimaj. Y chiquivech e q'uiy xabij-vi.

Re C'ac'a Testamento pa Kach'abal

¹² Can riq'uin ronojel avánma tatija' ak'ij che nac'uaj jun c'aslen ancha'l nrajo' re Dios. Quire' nic'atzin che naban roma animan reja'. Man taya' can re utzulaj c'aslen, re c'aslen re man jun bey xtiq'uis. Y ja c'aslen re' re xac'ul riq'uin re Dios tak xatayox roma reja'. Jare' xac'ul tak xabij che xanimaj. Y chiquivach je q'uiy xabij-va.

Kaqchikel Western Solola

¹² Can tatija' ak'ij chuc'uaxic jun utzilaj c'aslen ruma chi c'o chic ri acukbel c'u'x riq'ui ri Dios. Tatija' ak'ij chi ntoc awuche (awixin) riyit ri c'aslen riche (rixin) xtibe k'ij xtibe sek, ruma can riche (rixin) wi chi nac'ul ri c'aslen ri' tek xasiq'uix (xatoyox) ruma ri Dios. Ruma can chiquiwech ye q'uiy winek xabij wi chi xacukuba' ac'u'x riq'ui ri Dios.

1 Timoteo 6:12 ပူးပေါင်းရင်းမြစ်များ

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

1 Timoteo 1:18

Y rat Timoteo ri at achi'el nuk'ajol, ninbij k'a chawe chi man tamestaj ri kibin kan pan awi' ri rusamajela' ri Dios. Tatija' k'a aq'ij naben ri samaj achi'el jun utzilej aj-labal.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

Apocalipsis 3:3

Toqaqa chi'ik'u'x ri tijonik ri ik'ulun, titzeqelibej y titzolej-pe ik'u'x. Roma wi xa man xkixk'ase' ta; xkipe pan iwi' achi'el jun eleq'om y man xtinabej ta k'a achike ramaj toq xkinoqaqa.

1 Timoteo 6:13

Wakami, ninbij chawe chuwech ri Dios ri niya'on k'aslen y chuwech ri Jesucristo ri xuk'ut chuwech ri q'atoy-tzij Poncio Pilato chi kan rukuquban ruk'u'x rik'in ri Dios,

1 Juan 2:25

Y ri Jesucristo kan k'o-wi ri rusujun kan chiqe. Y ri' kan ja ri k'aslen ri man k'isel ta.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Colosenses 3:15

Ri uxlanen richin ri Cristo ja ta ri' ri nik'oje' pa taq qánima, roma kan oj richin ri chak'ulaj richin rija' y xojoyox richin yojk'ase' rik'in uxlanibel-k'u'x. Nik'atzin k'a chuqa' chi jantape' qojmatioxin.

1 Timoteo 6:19

Richin keri' nikimol yan ta apo ri beyomel ri xtik'atzin chike ri chikiwech-apo, richin keri' y nikil ta ri k'aslen ri man k'isel ta.

Wuj Richin ri Zacarías 10:5

Konojel rije' kan e aj-labal ri man jun xibinri'il chikiwech, y xkekixeq' k'a kan ri e etzelanel kichin, achi'el xa ta nikipalibej ri xeq-ulew pa taq bey. Kan xtikiben k'a labal roma yin kan ink'o chikikojol, y kan xkekich'ek ri achi'a' ri yech'oke' chirij kiej.

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

Wuj Richin Etamabel-Tzij 3:18

Ri na'oj kan achi'el k'a jun che' ri kan nuya' k'aslen chire ri nikanon richin, y xabachike k'a wineq ri kan nuben richin chire, kan jebel k'a ruwa-ruq'ij.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

2 Tesalonicenses 2:14

Ri Dios xixroyoj richin xixkolotej roma ri utzilej ch'abel richin kolotajik ri xqaya' chiwe roj richin nik'oje' iq'ij, achi'el ri ruq'ij-ruk'ojlen ri qajaw Jesucristo.

Wuj Richin Bix Chire ri Dios 63:8

Chijun ri nuk'aslen xa jun rubanon awik'in rat; kan in ayuqen k'a rik'in ri awijkiq'a'.

Deut 26:3

Xkixapon k'a chuwech ri sacerdote ri xtik'oje' ri q'ij ri' y kere' k'a xtibij chire: Yin wakami yimatioxin chire ri Jehová ri qa-Dios, roma xinok chupan re ruwach'ulew ri xusuj chike ri qati't-qamama', richin xuya' chiqe, xkixcha'.

Wuj Richin ri Isaías 44:5

Rije' xtikibij chi ri e israelita, kan e wichin yin. Chuqa' xtikitz'ibaj chirij ri kiq'a' ri nubi' yin.

2 Corintios 9:13

Y roma ri to'onik ri xtiya' chike, rije' xtikiya' janila ruq'ij-ruk'ojlen ri Dios, y xtikitz'et chi rix kan qitzij ik'uan ri utzilej ruch'abel ri Cristo ri nik'amon-pe kolotajik. Roma kan xtiya' chike rije' ri janipe' ri xtalex pan iwánima, y keri' xtiben kik'in ch'aqa' chik.

Hebreos 13:23

Yin ninya' rutzijol chiwe chi ri qach'alal Timoteo totajineq chik; y wi xtipe chi'anin, nink'uaj-el toq xkibe chi'itz'etik.

2 Corintios 6:7

qik'in k'a roj k'o ri qitzij ch'abel, y k'o chuqa' ri ruchuq'a' ri Dios. Kan ja wi ri ruch'ajch'ojil ri qak'aslen ri niqakusaj richin niqato-qi' toq ek'o yeyakatej-pe chiqij, y richin chi niqachojmirisaj ri man utz ta.

Wuj Richin ri Nimalej Bix 3:4

Kan xaxe toq xiq'ax-pe chiri' kik'in rije', jari' toq xinbenk'ulu-pe ri ninwajo' yin. Kan jari' xintzeqeba-wi' chuqul, y man xinwisq'opej ta kan, k'a toq xojapon pa rachoch ri nte', ri akuchi rija' xyawej kan chuwij yin.

Filipenses 1:30

Wakami kan junan k'a ibanon wik'in yin chupan ri tijoj-poqonal, roma xitz'et toq xik'oje' iwik'in chi k'iy poqonal ri xink'owisaj roma ri rubi' ri Cristo. Y wakami chuqa' kan k'a k'o na tijoj-poqonal nink'owisaj re wawe'.

1 Timoteo 1:19

Kan takuquba' ak'u'x rik'in ri Dios, y tana' pan awánima ri achike ruk'amon chi naben. Roma ek'o qach'alal ri man xkiben ta keri' y xa xkimalij kan kik'u'x rik'in ri Cristo,

1 Timoteo 4:14

Richin keri' man tamestaj ri xusipaj ri Dios chawe ri yatikir naben. Y re' jare' xak'ul toq ri uk'uey kichin ri qach'alal xkiya' kiq'a' pan awi' y xkibij chi xatok jun rusamajel ri Dios.

2 Timoteo 2:2

Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

Judas 1:3

Wach'alal ri yalan yixinwajo', yin kan janila k'a wajowan chi nutz'iban ta el jun wuj chiwe, pa ruwi' ri qakolotajik. Jak'a wakami ninna' chi k'atzinel ninbij chiwe chi rik'in ronojel iwánima tiwojqaj ri utz taq tijonik ri xeqak'ul toq xqanimaj ri Jesucristo, tijonik ri man nijalatej ta, ri xjach chike ri e ralk'ual ri Dios.

Wuj Kichin ri To'onela' 3:2

Xeruya' kan, xaxe richin chi niketamaj achike ri' ri labal, richin nikik'ut chikiwech ri man ketaman ta.