1 Timoteo 6:10 - Kaqchiquel Bible

¹⁰ Roma, ri ruxe' ronojel ruwech etzelal ja ri nibe awánima chirij ri méro. Y kan ek'o k'a qach'alal ri xkiya' kan ri Dios roma xbe kan kánima chirij ri méro, y ri' xa k'o q'axo'n xuk'en-pe chike.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Porque ri ndibꞌa awánima chirij méra ndukꞌen pe nojel ruwech itzel teq achike. Y ekꞌo jujun roma ngejamem chirij méra, xeꞌel e pa rubꞌey ri Ajaw, y kiyon chikiwech xkiwulij santienta qꞌaxomal chikij.

Kaqchikel Santa Maria de Jesus

¹⁰ Ruma ri niꞌa ránima chirij ri miera, chireꞌ nipa-ve nojiel roch itziel. Y icꞌo ri ya xquiyaꞌ can ri Dios ruma xꞌa cánima chirij ri miera, y ri miera xa qꞌuiy sufrimiento xucꞌam-pa chica.

Kaqchikel Central Guatemala

¹⁰ Roma ja ri nibe avánima chirij ri mero, chiri' nipe-vi ronojel ruvech etzelal. Hasta ec'o kach'alal ri xquiya' can ri Dios roma xbe can cánima chirij ri mero, y ri mero ri' xa c'o k'axo'n xuq'uen-pe chique.

Re C'ac'a Testamento pa Kach'abal

¹⁰ Roma ja re niba avánma chij re mero, chire' nipo-va ronojel rach etzelal. Hasta jec'o hermanos xquiya' can re Dios roma can xba cánma chij re mero, y re mero re' c'o q'uiy tijoj-pokonal xuc'am-pa chique.

Kaqchikel Western Solola

¹⁰ Ruma ri nibe awánima chrij ri puek, chiri' nipe wi ronojel ruwech etzelal. Y can yec'o kach'alal ri xquiya' yan ca ri Dios ruma xbe cánima chrij ri puek, y ri puek ri' xa q'uiy k'axon xuc'om pe chique.

1 Timoteo 6:10 ပူးပေါင်းရင်းမြစ်များ

Wuj Richin Etamabel-Tzij 1:19

Kan k'a chiri' k'a ye'apon-wi ri winaqi' ri janila eleq' kibanalon, kan jari' ri xtelesan ri kik'aslen.

1 Timoteo 6:9

Jak'a ri winaqi' ri nikirayij ye'ok beyoma', man k'ayew ta chi yeq'olotej, y yetzaq pa pikbel. Rije' xa e nakaneq y ri itzel taq rayibel xa yeruk'uaj pa tijoj-poqonal.

Wuj Richin Bix Chire ri Dios 32:10

Ri e banoy etzelal kan janila q'axo'n k'o kik'in, jak'a ri kikuquban kik'u'x rik'in ri Jehová e nojineq rik'in ri rujoyowanik rija'.

Tito 1:11

Y jari' k'a ri ruk'amon chi nitz'apex kichi' roma e k'iy ri yeq'olotej pa kiq'a' rik'in ri itzel taq tijonik ri yekiya'. Y keri' nikiben xaxe richin nikich'ek kiméro.

Wuj Richin Etamabel-Tzij 1:31

Rix xa kan xtik'ul yan k'a ri ruk'amon chi nik'ul roma ri itzel ibanobal, y roma kan janila k'iy ruk'exel ri itzel pixabanik ri xtik'ul, kan xtik'o ik'u'x chire.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.

2 Timoteo 4:10

Roma ri Demas xa xirumalij kan y xbe pa tinamit Tesalónica roma xa xbe ránima chirij ri nusuj re ruwach'ulew. Ri Crescente beneq ri pa Galacia. Y ri Tito beneq pa ruwach'ulew Dalmacia.

1 Timoteo 3:3

man niq'aber ta, man nuben ta oyowal, man nubanala' ta ri itzel chuch'akik ruméro. Kan nik'atzin k'a chi jun achin ch'uch'uj, y utz runa'oj kik'in konojel winaqi'.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Santiago 5:19

Wach'alal, wi k'o jun chiwe ri sachineq y xa man rojqan ta chik ri qitzij y rix nibeyaka-pe, yalan utz.

1 Timoteo 6:21

Roma ek'o ri xeniman ri tzij ke taq ri', y roma ri' xesach, y xkich'er-el-ki' rik'in ri qitzij ruch'abel ri Dios. Y ja ta k'a ri rutzil ri Dios xtik'oje' awik'in rat Timoteo. Kan keri' ta k'a.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Ez 16:33

Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Ez 13:19

Ri ixoqi' ri' xkiben kere' xaxe richin xkich'ek jun moq' cebada o xa jun k'ap kaxlan-wey. Rik'in ri kitz'ukun taq tzij kan xekikamisaj ri winaqi' ri xa man ruk'amon ta richin xeken y xekik'asba' kan winaqi' ri xa man ruk'amon ta richin yek'ase'.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Deut 23:18

Roma wi keri' niben, ri Jehová kan man niqa' ta chuwech, stape' nik'en-pe ri isujun chire rija'.

Wuj Richin ri Rutikeribel 29:26

K'ari' ri Labán xubij chire: Wawe' pa qatinamit roj, kan ja ri nimalaxel k'o chi nik'ule' nabey y man ja ta ri chaq'laxel nik'ule' nabey chuwech ri nimalaxel.

Apocalipsis 18:13

Kik'ualon chuqa' canela, jubulej taq aq'om, pom, mirra, vino, aceite richin oliwo, k'ej, trigo, kokoj y nima'q taq awej, kiej, karruaje, y xekik'ayij chuqa' winaqi'.

2 Rey 5:27

Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

Wuj Richin ri Rutikeribel 38:16

Y roma ri Judá man retaman ta chi xa ja ajk'a ri rali' ri pa'el ri chiri', rija' xpa'e-qa y xjel-apo rik'in ri chiri' chuchi' ri bey y xubij chire: Taya' q'ij chuwe richin yik'oje' awik'in, xcha' chire. Y ri Tamar xubij chire: ¿Achike naya' chuwe richin yak'oje' wik'in?, xcha'.

Wuj Richin ri Rutikeribel 29:14

Y ri Labán xubij chire: Roj oj ka'i' kan junan qabanik, q'alaj chi kan qach'alal-qi' y junan qakik'el, xcha'. Y ri Jacob xk'oje' kik'in jun ik'.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin Etamabel-Tzij 15:27

Kan nuk'en-wi-pe ruk'ayewal pa jay, toq jun wineq man utz ta ri akuchi nipe-wi ri ruch'akoj; jak'a ri wineq ri kan man nrajo' ta chi nipuaqix, kan kikoten xtik'ase'.

Wuj Richin ri Molojri'il 2:19

Y kan man wetaman ta k'a, wi ri achin ri xtuben-qa richin chire ronojel ri nusamaj ri xinben rik'in janila ruk'ayewal chuwech re ruwach'ulew, k'o runa'oj ó xa maneq. Ronojel re' kan q'axel chuqa'.

San Mateo 6:19

Man k'a nimol ruchi' ri ibeyomel chuwech re ruwach'ulew, roma xa k'o nichikopirisan y k'o chuqa' ri pus ri nik'iso richin, y roma chuqa' xa ek'o eleq'oma' y nikileq'aj-el.

San Mateo 13:22

Y ri ija'tz ri xqaqa kan kojol taq q'ayis ri k'o ruk'ixal, kan nich'on-wi k'a chikij ch'aqa' chik winaqi' ri nikak'axaj ri ruch'abel ri Dios. Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, xa yejiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

Marcos 4:19

Jak'a ri winaqi' ri' roma xa janila poqonal nikiq'axaj, xa nijiq' k'a ri ruch'abel ri Dios ri k'o kik'in. Y chuqa' roma janila nikich'ob rij ri kibeyomel, y ri ch'aqa' chik ruwech rayinik ri yepe kik'in, xa nijiq'. Y ri winaqi' ri' kan man jun bey k'a xtiwachin jebel ri ruch'abel ri Dios pa kik'aslen.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

2 Timoteo 3:2

Roma chupan ri q'ij ri' e k'iy chike ri winaqi' ri xaxe rije' ri xtikipoqonaj-qa-ki', kan xtibe kánima chirij ri méro, janila xtikinimirisaj-ki' e yoq'onela', man xtikinimaj ta kitzij ri kite-kitata', man xkematioxin ta, man xtikiya' ta ruq'ij ri Dios,

Wuj Richin ri Rutikeribel 34:27

Ri ch'aqa' chik ruk'ajol ri Jacob xe'apon k'a akuchi ek'o-wi ri kaminaqi' y xkik'uaj-el ri janipe' ri xkil-el chupan ri tinamit richin xkiben ruk'exel chike roma xkiqasaj ruq'ij ri kana'.

1 Rey 2:40

Toq rija' xunabej re', k'ari' xuchojmirisaj-el ri rubur richin xbe pa Gat, rik'in ri rey Áquis, y chiri' xerukanoj k'a pe ri rusamajela' y xeruk'en-pe rik'in.