1 Timoteo 6:1 - Kaqchiquel Bible

¹ Konojel ri qach'alal ri e ximon pa samaj, k'o chi nikinimaj kitzij ri kajaw, richin keri' man tiyoq'otej rubi' ri Dios y ri ruch'abel.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Konojel ri loqꞌon teq samajelaꞌ ri kitaqin ri Cristo, tikiyaꞌ pa kánima chi ri ekajaw kin nim kiqꞌij, chin ma tiyoqꞌotej rubꞌiꞌ ri Dios, nixta tiyoqꞌotej ri tijonik ndiqayaꞌ.

Kaqchikel Santa Maria de Jesus

¹ Quinojiel ri hermanos esclavos, can caꞌquibꞌanaꞌ respetar ri cajaf, chi quireꞌ man jun kax itziel niꞌeꞌx chirij ri Dios y ri ruchꞌabꞌal.

Kaqchikel Central Guatemala

¹ Conojel c'a ri kach'alal ri c'o qui-patrón, queniman c'a tzij, richin queri' man tiyok'otej ri rubi' ri Dios y ri ruch'abel.

Re C'ac'a Testamento pa Kach'abal

¹ Conojel re hermanos re c'o qui-patrón, tiquinimaj quitzij, chin quire' man que'ch'o itzel chij rube' re Dios y re ruch'abal.

Kaqchikel Western Solola

¹ Quinojel c'a ri kach'alal ri c'o quipatrón, can ruc'amon c'a chi niquiya' ruk'ij ri quipatrón, riche (rixin) chi queri' ma niyok'otej ta ri rubi' ri Dios y ri ruch'abel.

1 Timoteo 6:1 ပူးပေါင်းရင်းမြစ်များ

Tito 2:5

chi nikiq'et ta ki' chubanik ri man ruk'amon ta, nikik'uaj ta jun k'aslen ch'ajch'oj, beneq ta ruwech nikiben ri k'atzinel pa kachoch, nikiben ta ri utz kik'in konojel y nikinimaj ta kitzij ri kachijilal; richin chi man niyoq'otej ta ri ruch'abel ri Dios.

Romanos 2:24

Qitzij k'a ri nubij chupan ri ruch'abel ri Dios,*f3* chi ri winaqi' ri man e qawinaq ta nikiyoq' rubi' ri Dios toq nikitz'et ri itzel taq ibanobal rix.

1 Pedro 3:16

Kan man jun bey k'a tiben ri etzelal, richin man niq'axo ri iwánima. Richin keri' xkek'ixbitej ri yemolo-pe tzij chiwij y ri yebin chi man utz ta ri ik'aslen roma iniman ri Cristo.

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

Gálatas 5:1

Ri Cristo xojrukol chuwech ri pixa' richin chi roj xojtotej. Y roma ri' rix kan kow k'a kixk'oje' richin man chik tixim-iwi' jun bey.

Hechos 15:10

Y rix, ¿achike k'a roma toq niwajo' nitejtobej ri Dios? ¿Achike k'a roma toq niwajo' niya' jun ejqa'n pa kiwi' ri qach'alal ri man e judío ta? Roma ri ruk'uaxik ri pixa' ri richin kan ri Moisés xa jun ejqa'n ri man xetikir ta xkik'uaj ri qati't-qamama', ni roj chuqa' man yojkowin ta chuk'uaxik.

Hechos 10:22

Ri achi'a' xkibij k'a chire ri Pedro: Jun aj-raqen pa kiwi' jun tzobaj aj-labal rubini'an Cornelio oj rutaqon k'a pe chi'awoyoxik. Y re achin k'a re' jun achin choj ruk'aslen, jun achin ri nuxibij-ri' nimakun chuwech ri Dios. Konojel ri awinaq judío janila nikajo'. Y k'o k'a jun loq'olej ángel ri xoch'on rik'in, y re ángel re' xubij kan chire chi karoyoj rat, y trak'axaj ri achike xtabij chire. Roma ri' xojpe chi'awoyoxik, xecha'.

Hechos 10:7

Toq ri ángel ri xch'on kan chire ri Cornelio beneq chik, ri Cornelio xeroyoj k'a e ka'i' rusamajela' y jun aj-labal ri kan jun ya'ol chuqa' ruq'ij ri Dios. Re aj-labal k'a re', jare' ri jantape' k'o rik'in ri Cornelio.

San Lucas 17:1

K'o k'a jun q'ij ri Jesús xubij k'a chike ri rutijoxela': Jantape' k'a k'o pikbel pa ruk'aslen jun wineq. Jak'a kan toq'ex ruwech ri wineq ri nibanon richin nitzaq jun chik.

San Mateo 11:30

roma ri ejqa'n ri ninya' yin man al ta, y man k'ayew ta richin nik'uaj, xcha' ri Jesús.

Wuj Richin ri Malaquías 1:6

K'o k'a jun itzel ri wilon chiwij rix sacerdote. Chijun alk'ualaxel nuya' ruq'ij ri rutata'; keri' chuqa' nuben jun samajel rik'in ri rajaw ri achoq ik'in yuqul-wi pa samaj. Jak'a yin ri in itata' y ri in iwajaw, man niya' ta nuq'ij. Rix xa iqasan ri ruq'ij ri nubi', yin Jehová ri in k'iytisanel richin ronojel. ¡Y man rik'in ri' rix nik'utuj ri achike ibanon chuwe richin iqasan nuq'ij!

1 Timoteo 5:14

Roma ri' ninbij chike ri malkani' taq ixoqi' ri k'a e ak'uala' na chi kek'ule' chik jun bey, kek'oje' chik kal y ke'ok rajaw taq jay, man tikiya' q'ij chike ri e etzelanel chi yech'on-pe chikij.

1 Corintios 10:32

Y man tiben chike ri winaqi' chi nikimalij kik'u'x y yetzaq; ni chike ri molaj qach'alal judío, ni ri molaj qach'alal aj-Grecia, y ni chike xabachike ri e ralk'ual chik ri Dios.

San Mateo 11:9

Y ¿achike k'a ri xibetz'eta' rix ri chiri' pa tz'iran ruwach'ulew? ¿Man xibetz'eta' ta kami jun q'alajirisey ruch'abel ri Dios? Ja' kan keri' wi. Rija' kan k'o-wi ruq'ij más chuwech jun chik q'alajirisey ruch'abel ri Dios.

Ez 36:23

Y chikiwech konojel ri tzobaj winaqi' richin ri ruwach'ulew xtink'ut ri loq'olej nubi', ri iqasan ruq'ij rix chikikojol rije'. Y toq yin xtinben re', jari' xtiketamaj chi ja yin Jehová.

Ez 36:20

Jak'a toq xe'apon pa taq ch'aqa' chik ruwach'ulew, xa xkiben chuwe chi maneq wejqalen y roma ri' ri winaqi' ri ek'o chiri' nikibij chi stape' kan e nuwinaq, k'o chi xe'el-el chiri' pa kiruwach'ulew.

Wuj Richin ri Isaías 58:6

Man keri' ta ri rubanik. Ri meway ri niqa' chinuwech yin, chi ke'iwisq'opej ri e ximil y xa man jun kimak. Chuqa' ke'iwisq'opej-el ri e ijitz'on pa samaj, y tiya-el q'ij chi ketotej-el ri winaqi' ri ek'o pa latz'. Y man chaq ke'iya' pa poqon ri winaqi'.

Wuj Richin ri Isaías 52:5

Y re wakami rija' nubij: ¿Achike k'a nintz'et re wawe'? Ri nutinamit xa xe'uk'uex-el y man jun achike ta roma. Y pa ruwi' ri', ri xe'uk'uan-el kan yekitze'ej, y kan chaq q'ij-q'ij nikiben chire ri nubi' chi maneq rejqalen.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

2 Rey 5:13

Jak'a ri rusamajela' ri Naamán xebe-apo rik'in y xkibij chire: Qajaw roj, wi ta ri q'alajirisey ruch'abel ri Dios nubij ta chawe chi tabana' jun samaj ri janila k'ayew, rat kan ta xaben. Jak'a re wakami, xaxe xubij chawe chi kabetatin chupan ri raqen-ya' Jordán, y xkak'achoj, xecha'.

2 Sam 12:14

Y roma xaben ri mak ri', chuqa' xaben chire ri Jehová chi maneq rejqalen chikiwech ri e etzelanel richin, roma ri' ri ak'ual ri k'a juba' talex, xa xtibeken, xcha'.

Deut 28:48

roma ri' kan xkixok k'a kisamajela' ri e etzelanel iwichin ri xkeruteq-pe ri Jehová chiwij; kan xtitej wayjal, xtichaqi'j ichi', xtik'atzin itziaq; kan ronojel k'a xtik'atzin chiwe. Ri Jehová Dios kan xkixruya' k'a pa ximonri'il, k'a toq xkixk'is na.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

Wuj Richin ri Rutikeribel 24:12

Y xubij k'a ri samajel: Jehová Dios richin ri Abraham y wichin yin, tabana' utzil chi ronojel ri nutaqikil kan ta utz xtel chinuwech, y taya' joyowanik pa ruwi' ri wajaw.

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

Wuj Richin ri Rutikeribel 16:9

Y ri ángel richin ri Jehová xubij chire: Agar, katzolin rik'in ri awajaw Sarai, taqasaj-awi' chuwech y tabana' ri achike nrajo' rija'.