1 Timoteo 5:5 - Kaqchiquel Bible

⁵ Jak'a ri kan man jun nilin kichin, y k'o nik'atzin chike, rije' chi paq'ij chi chaq'a' kikuquban kik'u'x rik'in ri Dios, y yech'on rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Pero ri malkaꞌ ixaq ri ma jun roxpochel nditoꞌon richin, royobꞌen rutoꞌik rikꞌin ri Dios y chi chaqꞌaꞌ chi paqꞌij ndubꞌen orar y jumul ndukꞌutuj chare ri Dios ri ndikꞌatzin chare.

Kaqchikel Santa Maria de Jesus

⁵ Pero ri malcaꞌn-ixok ri ketzij ruyuon cꞌo, can rucukubꞌan rucꞌuꞌx riqꞌuin ri Dios y man nitanieꞌ ta chi nucꞌutuj favor y nuꞌon orar chi pakꞌij chi chakꞌaꞌ.

Kaqchikel Central Guatemala

⁵ Ri malcani'a' tak ixoki' ri can quiyon y man jun nilin quichin, can quicukuban quic'u'x riq'uin ri Dios y chi pak'ij chi chak'a' niquiben orar.

Re C'ac'a Testamento pa Kach'abal

⁵ Re malca'n tak ixoki' re quion-oc y man jun nivilin quichin, reje' can quibanon confiar-qui' riq'uin re Dios y che pak'ij che chak'a' niquiban orar.

Kaqchikel Western Solola

⁵ Ri kas kitzij chi malca'n ixok, ri can ruyon chic c'o ca, riya' can rucukuban ruc'u'x riq'ui ri Dios, y can ma nitane' ta chi nuc'utuj utzil y nuben orar chi pak'ij chi chak'a'.

1 Timoteo 5:5 ပူးပေါင်းရင်းမြစ်များ

1 Timoteo 5:3

Y wi ek'o malkani' taq ixoqi' ri kan kiyon y kan man jun nilin kichin, ke'ato'.

San Lucas 2:37

Rija' k'o chik jumuch' kaji' rujuna'; y chiri' k'a pa rachoch ri Dios nik'oje-wi q'ij-q'ij. Y chi paq'ij chi chaq'a' nich'on rik'in ri Dios y k'iy mul nimewayin.

1 Pedro 3:5

Roma ri ojer kan, keri' chuqa' xkiwiq-ki' ri loq'olej taq ixoqi' ri xkoyobej rutzil ri Dios. Kan xkikuquba' kik'u'x rik'in y xkinimaj kitzij ri kachijilal;

1 Timoteo 5:16

Jak'a wi k'o jun qach'alal ixoq ri ek'o rach'alal malkani' taq ixoqi', ja rija' ri k'o chi nilin kichin, y man ja ta ri molaj qach'alal. Y keri' ri qach'alal yetikir yekito' ri malkani' taq ixoqi' ri kan kiyon y man jun nilin kichin.

1 Corintios 7:32

Yin man ninwajo' ta k'a chi rix nich'ujirisaj-iwi' chuch'obik ri nik'atzin chiwe, y roma ri' man yixtikir ta niben ri rurayibel ri Dios. Ri achin ri man k'ulan ta, más nitikir nuch'ob ri achike nrajo' ri ajaw, y kan nutej wi ruq'ij richin nuben ri achike niqa' chuwech.

San Lucas 18:1

K'ari' ri Jesús xutzijoj k'a jun k'ambel-tzij chike ri rutijoxela', richin chi nuk'ut chikiwech chi kan nik'atzin-wi chi jantape' yech'on rik'in ri Dios, y man keq'itej chubanik.

Wuj Richin Bix Chire ri Dios 91:4

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

Wuj Richin ri Rut 2:12

Ja ri Jehová ri qa-Dios roj xtiya'on rajel ruk'exel chawe roma ri yatajin chubanik y kan xtak'ul rajel ruk'exel pa ruq'a' ri qa-Dios roj ri aj-Israel, ri achoq ik'in akuquban-wi ak'u'x rat, xcha' ri Booz.

1 Corintios 7:34

Y keri' chuqa' ri xten, kan k'o rukojol rik'in jun ixoq k'ulan. Ri xten más nitikir nuch'ob ri achike ri nrajo' ri Dios; kan nuch'er-wi-ri' richin ri'; kan nujech-ri' rija' y kan nuya' ri ránima pa rusamaj ri Dios. Jak'a ri ixoq k'ulan, man más ta nitikir nuch'ob ri achike nrajo' ri Dios, roma ja ri rusamaj chuwech re ruwach'ulew nuch'ob, y nutej ruq'ij richin nuben ri achike nik'atzin chike chi e ka'i' rik'in ri rachijil.

Romanos 1:12

Keri' niqato-qi', richin nikuqer más qak'u'x. Rix yinito' yin, y yin yixinto' rix.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

Hechos 26:7

Man xaxe ta k'a yin in oyobeyon re jun k'astajibel re', xa kan keri' chuqa' ri qawinaq judío. Roj ri kiy-kimam kan ri kablajuj ruk'ajol ri Israel niqanimaj chi ri kaminaqi' xkek'astej na pe, y roma ri', kan chi paq'ij chi chaq'a' niqasamajij ri Dios ri biyon kan keri'. Rey Agripa, yin jari' ri numak ri nikibij.

Wuj Richin ri K'uxla'anik 1:13

K'a chila' chikaj xuteq-pe q'aq' pa qawi' y ri q'aq' ri' kan yeruk'et ri qabaqil. Xuya' k'a pikbel pa qabey, y re' kan xojrujaq'mayij kan chiqij. Xojrumalij kan, y xojruya' kan rik'in q'axo'n ronojel q'ij.

Wuj Richin ri Isaías 54:1

Ri Jehová nubij: Kan kixkikot k'a rix ixoqi' ri man jun bey xixyawej kan chirij jun ak'ual. Rix ri man xek'oje' ta iwal, kan kixbixan rik'in kikoten, roma rix ri ix malin kan, kan xkek'oje' más e k'iy iwal chikiwech ri ixoqi' ri ek'o chik kal.

Wuj Richin ri Isaías 50:10

Man jun chiwe rix ri janila nuk'en rukiy ri Jehová y kan nrak'axaj ruch'abel ri rusamajel. Jak'a rix yixbiyin pa q'equ'm, y kan man jun seq nitz'et chupan. Pa ruk'exel re', kan tikuquba' ik'u'x rik'in y tito-iwi' rik'in ri qa-Dios.

Wuj Richin ri Isaías 49:21

Jari' toq rix xtibij-qa pan iwánima: ¿Achike k'a xeya'on chiqe konojel re winaqi' re'? Roma roj xa e maneq qalk'ual, y man jun bey chik xke'alex qalk'ual. ¿Achike kami xek'iytisan kichin? Roma roj xa kan xqayonij kan, y man qetaman ta akuchi e peteneq-wi, xkixcha'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 3:26

Y ri tinamit xa xtitole-xtitole' kan. Kan xtik'oje' pa bis, y ri winaqi' kan xketz'uye' pa poqolaj roma bis.

Hechos 6:1

Chupan k'a ri q'ij ri', ri kikuquban kik'u'x rik'in ri Jesús kichapon yek'iyer. Y k'o k'a sujunik kichin ri yech'on griego chikij ri yech'on hebreo. Ri yech'on griego nikibij k'a chi ri malkani' taq ixoqi' ri ek'o chikikojol, niban chike chi juba' ok kejqalen toq k'o niya'ox chike ri richin q'ij-q'ij.

Hechos 9:39

Ri Pedro kan xbe k'a kik'in k'a pa Jope. Toq rija' xapon, xukusex k'a pa jay ri li'an-wi ri kamineq. Ri malkani' taq ixoqi' xe'apon rik'in; ye'oq' y nikik'utula' k'a apo chuwech ri tzieq ri xerubanala' ri Dorcas toq k'a k'es na.

Hechos 9:41

K'ari' ri Pedro xuchop k'a apo ruq'a' richin xpa'e'. Ri Pedro xeroyoj k'a ri malkani' taq ixoqi' y ri ch'aqa' chik qach'alal, richin xberuya-pe ri Dorcas chike richin chi niq'alajin chi xa man kamineq ta.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

1 Timoteo 2:1

Pa ruwi' ronojel re' ninbij k'a chawe chi kan jantape' tiban ch'owen rik'in ri Dios: Tik'utux chire ronojel ri nik'atzin chike konojel, y timatioxix chire koma ri winaqi'.

2 Timoteo 1:3

Yin yimatioxin chi paq'ij chi chaq'a' chire ri Dios, ri nusamajin-pe rik'in jun ch'ajch'ojilej wánima, achi'el xkiben ri qati't-qamama' roj judío; kan jantape' yich'on rik'in pan awi' rat.