1 Timoteo 5:4 - Kaqchiquel Bible

⁴ Jak'a ri malkani' ri ek'o kal o ek'o kiy, ja rije' ri ke'ilin kichin, richin niketamaj yekilij nabey ri e aj pa kachoch, y yekito' ri kite-kitata' achi'el ri ruk'amon chi nikiben ri nimanela', roma jari' ri niqa' chuwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Pero si jun malkaꞌ ixaq ekꞌo ral o riy, ja rejeꞌ keꞌilin richin. Porque ja rejeꞌ ri nabꞌey ndikꞌatzin ndikibꞌen ri utz chake ri kite-kitataꞌ, chin ndikitzolij jubꞌaꞌ nojel ri utz bꞌanun pe chake koma ri kite-kitataꞌ. Keriꞌ ndikꞌatzin ndikibꞌen porque jariꞌ ri ndiqaꞌ chuwech ri Dios.

Kaqchikel Santa Maria de Jesus

⁴ Pero xa cꞌo jun malcaꞌn-ixok ri icꞌo ral o riy, ijejeꞌ quiꞌlin richin. Ruma ijejeꞌ can nicꞌatzin nicatamaj chi naꞌay ja ri pa cachuoch tiquicꞌutuꞌ jun cꞌaslien ri nika choch ri Dios. Can tiquitzoliej rucꞌaxiel chica ri quitie-quitataꞌ, ruma jareꞌ ri otz y jaꞌal nika choch ri Dios.

Kaqchikel Central Guatemala

⁴ Pero vi c'o malcani'a' tak ixoki' ec'o cal o ec'o quiy, ja ta ri cal o ri quiy ri ye'ilin quichin. Roma ri cal y ri quiy nic'atzin chi niquetamaj chi nabey na pa cachoch tiquic'utu' jun c'aslen ri nika' chuvech ri Dios. Tiquiya' c'a rajel-ruq'uexel chique ri quite-quitata', roma ja ri utz ri nika' chuvech ri Dios.

Re C'ac'a Testamento pa Kach'abal

⁴ Pero vo xa c'o malca'n tak ixoki' jec'o cal o jec'o quiy, ja re cal o re quiy re que'vilin quichin. Roma re cal y re quiy nic'atzin che niquitamaj, che nabey pa cachoch tiquic'utu' jun c'aslen re nika chach re Dios. Tiquiya' rajal-ruq'uixel chique re quite-quirta', roma re quire' naban nika chach re Dios.

Kaqchikel Western Solola

⁴ Pero wi c'o malcani' tak ixoki' ri xa yec'o cal o yec'o quiy quimam, ye ri cal o ri quiy quimam ri que'ilin quiche (quixin). Ruma nic'atzin chi ri cal y ri quiy quimam tiquetamaj chi nabey pa cachoch tiquic'utu' wi jun c'aslen ri nika chuwech ri Dios. Tiquiya' c'a rajel ruq'uexel ri utzil ri banon chique cuma ri quite' quitata', ruma yari' ri utz chi niban y can nika chuwech ri Dios.

1 Timoteo 5:4 ပူးပေါင်းရင်းမြစ်များ

Wuj Richin ri Rutikeribel 47:12

Xerilij k'a konojel, ri rutata', ri rach'alal, konojel ri aj pa rachoch ri rutata' y konojel ak'uala'.

1 Timoteo 2:3

Roma re' kan utz y kan niqa' chuwech ri Dios.

San Lucas 2:51

K'ari' ri ak'ual junan k'a xtzolin kik'in rije' pa kitinamit Nazaret, y kan janila k'a nunimaj kitzij. Y ronojel ri xbanatej rik'in ri ak'ual, ri María xeruyek k'a pa ránima.

Wuj Richin Etamabel-Tzij 31:28

Ri e ral ri ixoq ri' y ri rachijil kan nikiya' k'a ruq'ij, y nikibij:

Wuj Richin ri Rut 2:18

Y jari' xuk'uaj-el y xtzolin pa tinamit. Y toq ri ralite' xutz'et ronojel ri rupich'o'l ri xuben chupan ri q'ij ri', jari' toq ri Rut xberelesaj-pe chuqa' ri cebada k'ilin ri man xuk'is ta ri paq'ij, y xuya' chire ri ralite'.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Isaías 14:22

Roma ri' ri Jehová ri k'iytisanel richin ronojel nubij: Kan xkiyakatej-el chikij ri aj-Babilonia richin xkenk'is-el konojel chuwech re ruwach'ulew. Kan xtinchup ri kibi', ri kalk'ual, ri kimam y ri kijatzul.

Wuj Richin ri Achin Job 18:19

Kan ni xa ta jun rijatzul ri xtik'oje' kan chikikojol ri winaqi' ri pa rutinamit, ni xa ta jun ri xtik'ase' kan y nik'oje' ta kan ri pa rachoch.

Wuj Kichin ri To'onela' 12:14

Re achin re' xek'oje' kawineq ruk'ajol y e juwineq lajuj rumam, y chikijujunal rije' yech'oke' chirij jujun bur, ri Abdón xq'aton k'a tzij waqxaqi' juna'.

Wuj Richin ri Rutikeribel 47:28

Ri Jacob xk'ase' chik k'a wuqlajuj juna' ri chiri' pan Egipto, y xutz'aqatisaj k'a el 147 rujuna'.

1 Timoteo 5:16

Jak'a wi k'o jun qach'alal ixoq ri ek'o rach'alal malkani' taq ixoqi', ja rija' ri k'o chi nilin kichin, y man ja ta ri molaj qach'alal. Y keri' ri qach'alal yetikir yekito' ri malkani' taq ixoqi' ri kan kiyon y man jun nilin kichin.

Tito 1:11

Y jari' k'a ri ruk'amon chi nitz'apex kichi' roma e k'iy ri yeq'olotej pa kiq'a' rik'in ri itzel taq tijonik ri yekiya'. Y keri' nikiben xaxe richin nikich'ek kiméro.