1 Timoteo 5:22 - Kaqchiquel Bible

²² Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

နောက်ထပ်ဗားရှင်းများ

Kaqchikel Santo Domingo (Xenacoj)

²² Ma xetal chaꞌanin tayaꞌ aqꞌaꞌ pariꞌ jun hermano chin ndok pa rusamaj ri Dios, si ma awetaman ta achike rubꞌanun rukꞌaslen. Ma kꞌateꞌ ndajin rikꞌin mak, y jajun rat ndaweqalej ri rumak. Xa kin tachajij awiꞌ, chin keriꞌ jabꞌel chꞌajchꞌaj ri akꞌaslen.

Kaqchikel Santa Maria de Jesus

²² Man tayaꞌ akꞌaꞌ chaꞌnin paroꞌ jun ri xa man avataꞌn ta ri chica rubꞌanun ri rucꞌaslien, chi quireꞌ man navakaliej ta ri ru-pecados ri i-rubꞌanun. Can tabꞌanaꞌ cuenta-aviꞌ chi quireꞌ sak nicꞌujieꞌ ri acꞌaslien.

Kaqchikel Central Guatemala

²² Man taya' k'ij chire jun kach'alal chi noc chupan ri rusamaj ri Dios, vi man avetaman ta achique chi c'aslen ruc'uan. Roma vi nek'alajin-pe chi man utz ta ruc'aslen ruc'uan, rat yatejkalen ri rumac rija'. Y rat can tachajij c'a avi' richin queri' ch'ajch'oj nec'ulun ri ac'aslen.

Re C'ac'a Testamento pa Kach'abal

²² Man taya' k'ij cha jun hermano che ndoc chupan re rusamaj re Dios, vo xa man ataman-ta andex che c'aslen ruc'uan. Roma vo xa ne'k'alajim-pa che man otz-ta ruc'aslen ruc'uan, rat yakalen re rumac reja'. Y rat chuka' tachajij-avi' chin quire' man tatz'ilbisaj re ac'aslen.

Kaqchikel Western Solola

²² Ma chanin ta taya' ri ak'a' pa ruwi' jun kach'alal riche (rixin) chi ntoc pa rusamaj ri Dios, wi xa ma awetaman ta achique chi c'aslen ruc'uan, riche (rixin) chi queri' majun nawejkalej, wi c'o mac rubanon. Riyit xa can tachajij awi' jabel.

1 Timoteo 5:22 ပူးပေါင်းရင်းမြစ်များ

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

1 Timoteo 3:10

Pa nabey k'o chi nitz'et na wi utz ri ruk'aslen. Y wi man jun itzel nilitej chirij, utz nok kan chupan ri samaj ri'.

1 Timoteo 3:6

Man ruk'amon ta chi jun k'ak'a' nimanel nok jun uk'uey kichin ri qach'alal, roma rik'in juba' nunimirisaj-ri', y xa xtuk'uluwachij ri achi'el xuk'uluwachij ri Itzel-Wineq.

1 Timoteo 4:14

Richin keri' man tamestaj ri xusipaj ri Dios chawe ri yatikir naben. Y re' jare' xak'ul toq ri uk'uey kichin ri qach'alal xkiya' kiq'a' pan awi' y xkibij chi xatok jun rusamajel ri Dios.

Hechos 6:6

Jak'a wuqu' achi'a' re' ri xebepabex chikiwech ri e taqon roma ri Cristo. Rije' xech'on rik'in ri Dios, y k'ari' xkiya' kiq'a' pa kiwi' ri achi'a' ri', richin tiq'alajin chi jari' nikichop ri kisamaj.

2 Juan 1:11

roma wi xtik'ul pan iwachoch, kan xtiwejqalej chuqa' rix ri itzel taq rubanobal ri wineq ri'.

2 Timoteo 1:6

Y roma ri' ninbij chawe chi tatija' aq'ij chi jantape' ta k'es awik'in ri sipanik ri ruya'on ri Dios chawe toq xinya' ri nuq'a' pan awi'.

Hebreos 6:2

ri tijonik pa ruwi' ri qasan-ya', ri nik'atzin-wi toq ri e uk'uey kichin ri qach'alal nikiya' kiq'a' pa qawi' richin jun samaj, ri q'ij toq konojel ri kaminaqi' xkek'astej-el y ri ruk'ayewal richin jantape' ri xtuya' ri Dios pa kiwi' ri winaqi' ri man kiniman ta.

2 Timoteo 2:2

Ri tijonik ri xinya' chawe chikiwech e k'iy, kan jak'a chuqa' ri' taya' chike ch'aqa' chik achi'a' ri kan yetikir-wi yekitijon.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

Hechos 13:3

Toq xetane' richin xemewayin y xech'on rik'in ri Dios, jari' toq xkiya' kiq'a' pa kijolon ri Bernabé y ri Saulo, richin xebe chubanik ri samaj ri rubin kan ri Loq'olej Espíritu.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Hechos 20:26

Roma ri' kan ninbij kan chiwe, chi man numak ta yin wi ek'o ri xkebeqaqa k'a chupan ri ruk'ayewal.

Hechos 18:6

Jak'a rije' kan man niqa' ta k'a chikiwech ri nubij ri Pablo, y k'iy k'a itzel taq tzij ri yekibila'. Roma ri' ri Pablo xutotaj ri rutziaq, richin keri' tikinabej chi man utz ta ri xkiben. Xubij k'a chuqa' chike: Ja rix k'o imak wi xkixbeqaqa pa ruk'ayewal. Yin xinel yan k'a chuwech, roma kan xinya' ri rutzijol chiwe. Re wakami yixinya' k'a kan, richin yibe kik'in ri winaqi' ri xa man e judío ta, xcha' kan chike.

Wuj Richin ri Josúe 9:14

Y ri e rijatzul ri Israel xkinimaj k'a, roma xkitz'et ri kikaxlan-way man utz ta chik, jak'a rije' man xkik'utuj ta na chire ri Jehová ri ruk'amon richin nikiben.

Wuj Richin Bix Chire ri Dios 50:18

Wi natz'et jun eleq'om, kan chi'anin nawachibilaj-el. Kan junan k'a awech naben-el kik'in ri nikiben ixoqinik.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,