1 Timoteo 5:11 - Kaqchiquel Bible

¹¹ Jak'a ri malkani' taq ixoqi' ri k'a e ak'uala' na, más utz man yeto'ox ta, roma rik'in juba' xa man xtikajo' ta chik nikiben ri rusamaj ri Cristo, y xa xtikirayij yek'ule' chik el jun bey,

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Pero ri malkaꞌ ri kꞌa ma eꞌintéra ta ixoqiꞌ, ma titzꞌibꞌex kibꞌiꞌ chupan ri lista, porque rejeꞌ maske ndikiyaꞌ kitzij chi ndikibꞌen rusamaj ri Cristo, pero xa kꞌateꞌ ruwech ndikitzolij kitzij, roma ndiyakatej pe kirayinik chin ngekꞌuleꞌ chik jumbꞌey.

Kaqchikel Santa Maria de Jesus

¹¹ Pero ri malcaꞌn-ixokiꞌ ri cꞌa majaꞌ más quijunaꞌ, man titzꞌibꞌas quibꞌeꞌ chupan ri lista chi ncaꞌlix cuma ri hermanos. Ruma ijejeꞌ ncaꞌtiquir niquiꞌej chi quiyuon nicajoꞌ ncaꞌcꞌujieꞌ chi niquiꞌan rusamaj ri Cristo. Pero después, xtiquimastaj ri quiꞌeꞌn y xticajoꞌ ncaꞌcꞌulieꞌ chic jun bꞌay.

Kaqchikel Central Guatemala

¹¹ Pero ri malcani'a' tak ixoki' ri c'a e ac'uala' na, utz ta chi yec'ule' chic jun bey y man que'ilix coma ri kach'alal. Roma rije' yetiquir niquibij chi man xquec'ule' ta chic y niquijech-qui' chubanic ri rusamaj ri Cristo. Pero c'a juba' ri' niquirayij yec'ule' chic el jun bey.

Re C'ac'a Testamento pa Kach'abal

¹¹ Pero re malca'n tak ixoki' re c'a ba' quijuna', otz che ye'c'ule' chic jun bey y man que'vilix coma re hermanos. Roma reje' ye'tiquir niquibij che man xque'c'ule-ta chic y niquijach-qui' chubanic re rusamaj re Jesucristo. Pero c'a ba' tiquibij quire', niquirayij ye'c'ule' chic jun bey.

Kaqchikel Western Solola

¹¹ Yac'a ri malcani' tak ixoki' ri c'a ye k'opoji' na, ma titz'ibex ta ka quibi' chi ye'ilix cuma ri kach'alal. Ruma riye' yecowin niquibij chi ma xquec'ule' ta chic y niquijech qui' chubanic ri rusamaj ri Cristo. Pero xa c'a juba' tiquibij queri', ya xa niquimalij ca ri samaj ruma niquirayij chi yec'ule' chic jun bey.

1 Timoteo 5:11 ပူးပေါင်းရင်းမြစ်များ

1 Timoteo 5:14

Roma ri' ninbij chike ri malkani' taq ixoqi' ri k'a e ak'uala' na chi kek'ule' chik jun bey, kek'oje' chik kal y ke'ok rajaw taq jay, man tikiya' q'ij chike ri e etzelanel chi yech'on-pe chikij.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Santiago 5:5

Rix beyoma' jebel ik'aslen y beneq iwánima rik'in ri kikoten richin re ruwach'ulew. Jebel iti'ojirisan-iwi' richin ri q'ij richin ri ikamik, achi'el ri wákix.

Wuj Richin ri Isaías 3:16

Chuqa' ri Jehová nubij chikij ri ixoqi' aj-Sión; chi janila kinimirisan-ki', kan nikiyek-el ri kijolon chikaj, y kan rik'in ri runaq' taq kiwech yekoyoj ri achi'a'. Toq yebiyin, kan kokoj taq kixak ri nikiya', y nikiben xaxe richin nak'axatej ri kiwiqobel ri k'o chikaqen.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

1 Timoteo 5:9

Kan k'atzinel k'a richin yeto'ox ri malkani' taq ixoqi' ri k'o más oxk'al kijuna', y wi kan utz xkiben kik'in ri kachijilal,

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

1 Timoteo 5:12

keri' xa xtikiq'ej-ruwi' ri kitzij y rik'in ri' yemakun.

Apocalipsis 18:3

Roma ja ri Babilonia ri xbanon chike ri ch'aqa' chik ruwach'ulew richin chi xeqaqa pa mak. Xuben chike ri rey kichin ch'aqa' chik ruwach'ulew richin xemakun rik'in. Y kan k'iy k'ayinela' ri xebeyomer kan, roma ri aj-Babilonia xkik'uaj jun itzel k'aslen, xcha' ri ángel.

Apocalipsis 18:9

Y ri q'atoy taq tzij ri junan xemakun rik'in, janila xtikibisoj y xtikoq'ej toq xtikitz'et ri sib nijote' chikaj roma kan najin ruk'atik.