1 Timoteo 4:8 - Kaqchiquel Bible

⁸ Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Porque ri ndabꞌen ejercicio qꞌij-qꞌij ndukꞌen pe jubꞌaꞌ utz chare ri a-cuerpo. Pero ri ndakꞌuaj jun utzulej kꞌaslen chuwech ri Dios kꞌo utz ndukꞌen pe chare nojel akꞌaslen, porque kꞌo utz ndukꞌen pe chare ri akꞌaslen chireꞌ wokami y chare ri akꞌaslen nduyaꞌ ri Dios más chiqawech apu.

Kaqchikel Santa Maria de Jesus

⁸ Ri ejercicio nuyaꞌ jubꞌaꞌ ruchukꞌaꞌ ri a-cuerpo, pero ri más nicꞌatzin ja chi navucꞌuaj jun cꞌaslien otz choch ri Dios. Ruma otz xtuꞌon chava chupan ri acꞌaslien vaveꞌ ri choch-ulief y chupan jeꞌ ri acꞌaslien ri chakavach-apa.

Kaqchikel Central Guatemala

⁸ Y jebel ri' vi naben jun etz'anen richin nic'oje' más avuchuk'a'. Pero más nic'atzin chi nac'uaj jun c'aslen utz chuvech ri Dios. Roma c'o nuq'uen-pe chave chupan ri ac'aslen vave' chuvech re ruvach'ulef y chuka' tok xcabec'oje' chila' chicaj riq'uin ri Dios.

Re C'ac'a Testamento pa Kach'abal

⁸ Y vo xa yatiquir naban jun atz'anen, otz chuka' chin nic'ue' más avuchuk'a'. Pero más nic'atzin che nac'uaj jun c'aslen otz chach re Dios. Roma c'o otz nuc'am-pa chava chupan re ac'aslen vova' chach re ruch'ulef y chuka' tak xcac'ue' chila' chicaj riq'uin re Dios.

Kaqchikel Western Solola

⁸ Ri etz'anen utz chi naben juba' ruma nic'atzin chi nasiloj juba' ri ach'acul. Yac'a ri más nic'atzin chi naben, ya chi nac'uaj jun utzilaj c'aslen ri nika chuwech ri Dios. Ruma c'o utz nuc'om pe chawe chupan ri ac'aslen wawe' chuwech re ruwach'ulef y chupan chuka' ri ac'aslen riche (rixin) ri chkawech apo.

1 Timoteo 4:8 ပူးပေါင်းရင်းမြစ်များ

Wuj Richin ri Achin Job 22:2

Jun achin xa man nitikir ta k'a nuto' ri Dios, stape' kan jun wineq aj-na'oj, man nik'atzin ta chire ri Dios.

Wuj Richin ri Achin Job 36:11

Wi ri winaqi' ri' kan nikak'axaj ri nibix chike y kan nikisamajij ri Dios, kan xkebe k'a pa jotol, chupan ri q'ij richin ri kik'aslen, kan rik'in kikoten xtikiq'axaj-el ri kijuna' chuwech re ruwach'ulew.

Wuj Richin Bix Chire ri Dios 145:19

Kan naya' k'a ri rurayibel ri kánima ri k'o akiy chikiwech. Nawak'axaj k'a ri kijiloj, y kan ye'akol.

Wuj Richin Bix Chire ri Dios 37:11

Jak'a ri xtikiqasaj-ki', kan xtikichinaj k'a ri ruwach'ulew, y kan xkekikot k'a rik'in uxlanibel-k'u'x.

Wuj Richin Bix Chire ri Dios 37:29

Ri choj kik'aslen chuwech ri Jehová, xtikichinaj ri ruwach'ulew. Y kan xkek'ase' k'a chiri' richin jantape'.

Wuj Richin Bix Chire ri Dios 37:9

Roma ri e banoy etzelal kan xke'elesex-el chuwech re ruwach'ulew, jak'a ri kikuquban kik'u'x rik'in ri Jehová kan xkek'ase' chiri'.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Etamabel-Tzij 19:23

Toq k'o rukiy ri Jehová chuwech ri wineq, kan nuk'en-pe k'aslen chire; kan nuk'ul k'a ronojel ri k'atzinel chire y ri etzelal kan man xtapon ta rik'in.

Wuj Richin Etamabel-Tzij 22:4

Ri rajel-ruk'exel ri nuk'ul jun wineq ri kan nuqasaj-ri', ja ri k'o rukiy ri Dios chuwech, y chuqa' roma ri' kan nuk'ul k'a beyomel, nuk'ul ruq'ij y kan nuk'ul ruk'aslen.

Wuj Richin ri Molojri'il 8:12

Ri aj-mak kan pa wok'al k'a ch'a'oj ri yerubanala' y kan k'a nik'ase' na chubanik más. Man rik'in ri' yin kan yitikir ninbij chi ri k'o rukiy ri Dios chikiwech, kan kikoten xkek'ase-el, y xa kan k'o yan ri nikik'ul-el re wawe' roma kan k'o rukiy ri Dios chikiwech.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin ri Isaías 33:16

Ja wineq re' ri xtik'ase' pa ruwi' taq juyu'. Xtrewaj-ri' chikikojol nima'q taq abej, y kan jantape' xtik'oje' ruway y ruya'.

Wuj Richin ri Jeremías 6:20

Kan man jun nuq'ajuj chuwe richin nik'en-pe pom ri k'o chiri' pa tinamit Sabá. Chuqa' man ninwajo' ta jubulej taq aji'j richin nej taq ruwach'ulew. Chuqa' man niqa' ta chinuwech ri poron taq chikopi' y kan man niqa' ta chinuwech ri ikamelabal.

San Mateo 12:32

Y xabachike k'a wineq ri nibin ch'abel chuwij yin, ri xiqaqa-pe achi'el wineq chi'ikojol, kan k'a nikuyutej na rumak. Jak'a ri nibin ch'abel chirij ri Loq'olej Espíritu, kan man xtikuyutej ta rumak re wakami, ni ri chiqawech apo.

San Mateo 19:29

Xabachike wineq ri woma yin ruya'on kan rachoch, rach'alal, rute-rutata', [rixjayil],*f27* ralk'ual o rulew, ri xtibanon keri' kan xtuk'ul pa ruk'iyal ri urtisanik y kan xtik'oje' ruk'aslen richin q'asen.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Marcos 10:30

ri wineq ri' kan xtuk'ul yan k'a, wok'al más rachoch re wakami ke chuwech ri rubanon-pe; keri' chuqa' ruya'on kan rach'alal, rute', ralk'ual o rulew. Stape' ronojel re' kan rik'in wi k'a tijoj-poqonal nuk'ul roma tzeqelibey wichin yin, jak'a ri chiqawech-apo, kan xtuk'ul k'a ri ruk'aslen richin q'asen.

San Lucas 5:38

Jak'a chupan jun k'ak'a' k'ojelibel, utz niyake' k'ak'a' vino, keri' ri vino kan niyake' jebel chupan.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

1 Corintios 3:22

Stape' ja yin Pablo, ri Apolos ó ri Pedro. Chuqa' ruya'on chiwe ri ruwach'ulew, ri k'aslen, ri kamik, ri nitzu' wakami y ri xtitzu' ri chiwech-apo. Kan ronojel re' iwichin rix y richin yixkisamajij.

1 Corintios 8:8

Kan qitzij chi man ja ta ri niqatej ri nibanon chiqe chi yojqa' chuwech ri Dios. Wi niqatej ri ti'ij ri sujun chik chike ri wachibel, man nuben ta chiqe chi más ta yojqa' chuwech ri Dios, y wi man niqatej ta, man nuben ta chiqe chi man ta yojqa' chuwech rija'.

1 Timoteo 4:7

Man ke'ak'ul tzij ri xa man rik'in ta ri Dios e peteneq-wi, ri xa winaqi' e tz'ukuyun-pe. Rat xa tatija' aq'ij chi nak'uaj jun k'aslen utz chuwech ri Dios.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

1 Timoteo 6:6

Y qitzij wi, chi ri ak'uan jun k'aslen utz chuwech ri Dios, kan beyomel: Xaxe wi k'o kikoten pan awánima rik'in ri janipe' k'o awik'in.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.

Tito 3:8

Ronojel re xinbij yan, kan qitzij wi. Roma ri' ninwajo' chi man tatanaba' kitijoxik ri qach'alal chire ronojel re', richin keri' kan beneq ruwech tikitija' kiq'ij nikiben ri utzilej taq banobel. Ronojel re' kan utz wi y kan k'o utz nuk'en-pe chiqe qonojel.

Hebreos 13:9

Man tiya' q'ij chi ja ri tijonik man e qitzij ta ri ye'uk'uan iwichin. Más ta utz chi rix nikuquba' ik'u'x rik'in ri tijonik ri nich'on chirij ri rutzil ri Dios, y man rik'in ta ri tijonik ri nich'on chirij ri yetij y xa man jun utz ruk'amon-pe chike.

1 Juan 2:25

Y ri Jesucristo kan k'o-wi ri rusujun kan chiqe. Y ri' kan ja ri k'aslen ri man k'isel ta.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.