1 Timoteo 4:7 - Kaqchiquel Bible

⁷ Man ke'ak'ul tzij ri xa man rik'in ta ri Dios e peteneq-wi, ri xa winaqi' e tz'ukuyun-pe. Rat xa tatija' aq'ij chi nak'uaj jun k'aslen utz chuwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Ma tayaꞌ axikin kikꞌin tzij eyoꞌon qa ruqꞌa-raqen ri ndikiqasaj ruqꞌij ri Dios, ri xa rijilej teq ixoqiꞌ etzijoyon pe. Xa kin tatijaꞌ aqꞌij chi qꞌij-qꞌij ndakꞌuaj jun utzulej kꞌaslen chuwech ri Dios.

Kaqchikel Santa Maria de Jesus

⁷ Man caꞌvaxaj ri tzij ri man riqꞌuin ta ri Dios i-patanak-ve, xa quitzij ri avalaꞌiꞌ ri man jun quinoꞌj. Atreꞌ xa tatijaꞌ akꞌij navucꞌuaj jun cꞌaslien otz choch ri Dios.

Kaqchikel Central Guatemala

⁷ Man que'ac'ul tzij ri xa man riq'uin ta ri Dios e petenek-vi, ri xa vinek e tz'ucuyun-pe, xa tzij quichin ri man jun quina'oj. Rat xa tatija' ak'ij chi nac'uaj jun c'aslen utz chuvech ri Dios.

Re C'ac'a Testamento pa Kach'abal

⁷ Y man ca'ya' pa cuenta tzij re xa man riq'uin-ta re Dios je'pitinak-va, re xa vinak je'tz'ucuyum-pa, re tzij xa quichin re man jun quina'oj. Rat xa tatija' ak'ij che nac'uaj jun c'aslen otz chach re Dios.

Kaqchikel Western Solola

⁷ Ma que'ac'ul ta tzij ri xa ma riq'ui ta ri Dios ye petenak wi, tzij ri xa ye ri rijita'k tak ixoki' ye tz'ucuyun pe, tzij ri xa quiche (quixin) ri majun quina'oj. Riyit xa can tatija' ak'ij chi nac'uaj jun utzilaj c'aslen ri nika chuwech ri Dios.

1 Timoteo 4:7 ပူးပေါင်းရင်းမြစ်များ

1 Timoteo 1:4

Chuqa' man tikiya' rejqalen ri tzij ri xa choj e tz'ukun-pe. Ni man tikinimirisaj-ki' roma ri rucholajen ri kibi' ri kati't-kimama', roma ronojel re' xa nuk'en-pe oyowal. Y man nuto' ta ri rubin kan ri Dios, ri rik'in kuqubabel-k'u'x niqanimaj.

2 Timoteo 2:16

Y man k'a katzijon pa ruwi' tzij ri xa e richin re ruwach'ulew, roma ri yech'on keri' xa eqal-eqal nikijech'ej kan ki' rik'in ri ruchojmilal.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

Tito 3:9

Jak'a man ke'awak'axaj ri tzij ri xa man jun kejqalen, achi'el toq yekinataj ri rucholajen ri kik'aslen ri kati't-kimama', toq nikiben oyowal y xa man jun achike ta roma, y toq nikiben oyowal pa ruwi' ri rupixa' kan ri Moisés. Ronojel re tzij ke taq re' xa man jun utz nuk'en-pe.

Hebreos 5:14

Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

2 Timoteo 2:23

Man k'a kach'on pa ruwi' ch'abel ri man jun kejqalen y xa man jun utz nikik'en-pe chawe, roma xa nikik'en-pe oyowal.

2 Timoteo 4:4

Xa man chik xtikak'axaj ta ri ruch'abel ri Dios, richin chi yekak'axaj tijonik ri xa choj e kitzijon kan ri kati't-kimama'.

1 Timoteo 6:11

Jak'a rat, Timoteo, ri at rusamajel ri Dios, katanimej chuwech ronojel re'; kan tatija' aq'ij nak'uaj jun k'aslen choj, jantape' tabana' ri niqa' chuwech ri Dios, kan takuquba' ak'u'x rik'in ri Cristo, katajowan, kakoch'on y tak'uaj jun k'aslen ch'uch'uj.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

1 Timoteo 6:20

Y rat Timoteo, tachajij k'a ri samaj ri ya'on chawe. Man ke'ak'ul ri tzij ri xa man rik'in ta ri Dios e peteneq-wi, ri xa e richin re ruwach'ulew, y xa man jun nikik'en-pe chawe. Ri winaqi' ri yebin keri', nikibij chi k'o etamabel kik'in jak'a xa man keri' ta.

Tito 1:14

y richin man chik kekak'axaj tijonik ri xa man jun rejqalen, ri nikibij ri winaqi' judío. Chuqa' man tikinimaj chik kitzij ch'aqa' chik winaqi' ri xa niketzelaj ri qitzij.

2 Timoteo 3:12

Y kan qitzij, chi konojel ri jun kibanon rik'in ri Cristo y nikajo' nikik'uaj jun k'aslen utz chuwech ri Dios, kan xtikitej poqon pa kiq'a' ch'aqa' chik.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

1 Timoteo 2:10

Pa ruk'exel ri' xa tikiwiqa-ki' rik'in utzilej taq banobel achi'el ruk'amon chi nikiben ri ixoqi' ri nikiben ri rurayibel ri Dios.

1 Timoteo 1:9

Y qetaman chi ri pixa' man k'o ta pa kiwi' ri winaqi' ri choj kik'aslen. Jak'a xa pa kiwi' ri winaqi' ri man nikiben ta ri nubij: Pa kiwi' ri man yeniman ta tzij, ri man utz ta kik'aslen chuwech ri Dios, ri aj-maki', ri k'o itzel pa taq kánima, ri nikixolq'otij ri rubi' ri Dios, ri yekikamisala' kite-kitata' y ri yekikamisala' xabachike winaqi',

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

1 Timoteo 6:3

Y wi k'o jun, ri nuya' tijonik ri man junan ta rik'in ri utzilej tijonik ri ruk'amon-pe ri qajaw Jesucristo, y man junan ta rik'in ri tijonik ri nuk'en-pe ri k'aslen utz chuwech ri Dios,

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.