1 Timoteo 4:4 - Kaqchiquel Bible

⁴ Ronojel ri ruk'iytisan ri Dios, kan e utz wi, roma ri' man jun tibin chi k'o ri man ta utz richin yetij. Xaxe nik'atzin chi nimatioxix chire ri Dios ronojel.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Porque nojel ri ebꞌanun roma ri Dios chin ngekꞌuxeꞌ kin utz wi, y maneq roma man ta ndikꞌuxeꞌ atoq ndimatioxix chare rijaꞌ.

Kaqchikel Santa Maria de Jesus

⁴ Ruma nojiel ri xuꞌon ri Dios, can otz. Y rumareꞌ man takaꞌej chi man otz ta ncaꞌtij. Xa nakayaꞌ tiox bꞌaꞌ cha ri Dios antok nakatej,

Kaqchikel Central Guatemala

⁴ Roma ronojel ri ruq'uiytisan ri Dios, utz. Y romari' man tikabij chi man ta utz nikatej. Pero nic'atzin chi nikamatioxij chire ri Dios.

Re C'ac'a Testamento pa Kach'abal

⁴ Roma ronojel re rubanon re Dios can otz-va. Y mare' man takabij che man otz-ta nakataj. Pero nic'atzin che nakatioxij cha re Dios.

Kaqchikel Western Solola

⁴ Ruma ronojel ri ruq'uiytisan ri Dios, utz. Y rumari' ma tibix ta chi ma utz ta chi nitij. Pero nic'atzin chi nimatioxix chare ri Dios.

1 Timoteo 4:4 ပူးပေါင်းရင်းမြစ်များ

Romanos 14:20

Man tiqawulaj ri rusamaj ri Dios rik'in ronojel ri yeqatijla'. Kan qitzij wi chi ronojel utz yetij, jak'a man utz ta wi k'o jun qach'alal ri nitzaq roma nutz'et chi niqatej ronojel.

1 Corintios 10:25

Ri ti'ij ri nik'ayix pa k'ayibel, utz niloq' y nitej. Jak'a man nik'atzin ta chi rix nik'utuj akuchi peteneq-wi, richin chi man niq'axo ri iwánima.

Romanos 14:14

Yin wetaman y kuqul nuk'u'x rik'in ri ajaw Jesús chi kan man jun ri nitij xajan ta chuwech ri Dios. Jak'a wi chuwech jun qach'alal k'o ri xajan yetij, kan ke k'ari' chuwech rija' ri'.

1 Corintios 10:23

Ek'o chiwe rix ri nikibij chi e totajineq chik, y roma ri' yetikir nikiben xabachike ri nikajo'. Kan qitzij wi. Jak'a man ronojel ta utz nuben chike ri qach'alal.

Hechos 21:25

Chike ri xa man qawinaq ta ri kiniman chik, xqateq yan k'a el wuj kik'in chirij re na'oj re k'ari' niqatzijoj-qa. Xaxe k'a xqachilabej chike chi man tikitej ti'ij richin jun chikop ri xkamisex richin xsuj chire jun chik dios, chi man tikitej kik', man tikitej ti'ij ri k'a k'o na kik' ruk'uan, achi'el ri kichin ri chikopi' ri xejiq', chuqa' ri achi'a' y ri ixoqi' man tikikanola-ki' richin yemakun, xecha' chire.

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

Wuj Richin ri Rutikeribel 1:31

Y jare' k'a ri rusamaj ri xuben ri Dios y xutz'et chi ronojel ri xuben kan janila wi utz. Y rik'in ri' xtz'aqet ri chaq'a' y ri paq'ij richin ri ruwaq q'ij.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Hechos 15:29

chi man yekitej ri xa man utz ta richin nitij roma ya'on chik chikiwech ch'aqa' chik dios. Man chuqa' tikitej ti'ij kichin ri chikopi' ri xejiq', ni man k'a chuqa' tikitej kik'. Chuqa' ri winaqi' e k'ulan man tikikanola-ki' richin yemakun. Wi ronojel k'a re' xtinimaj, utz k'a xkixbiyin. Dios k'a xtichajin iwichin, xecha-el.

Hechos 10:15

Ri jun k'a ri nich'on rik'in ri Pedro, xubij k'a pe chire ri pa ruka'n bey: Ronojel ri ch'ajch'ojirisan chik pe roma ri Dios, kan ch'ajch'oj, y man k'a tabij chi xajan, xcha'.

Romanos 14:6

Ek'o ri kan k'o q'ij ri yekichajij, y ek'o ri man jun q'ij ri yekichajij. Ek'o qach'alal ri nikitej ronojel, y keri' chuqa' ek'o ri man nikitej ta ronojel. Jak'a konojel rije' kere' nikiben richin nikiya' ruq'ij ri Dios, y yematioxin chire.

1 Corintios 10:26

Roma ri ruch'abel ri Dios*f13* nubij chi ronojel kan rik'in rija' peteneq-wi; richin k'a rija' re ruwach'ulew y ronojel ri yek'iy chuwech.

1 Corintios 10:30

Wi yin kan ninmatioxij chire ri Dios ri ti'ij ri nintej, ¿achike k'a roma toq k'o ch'abel yebix chuwij roma ri nintej?, yecha-qa.