1 Timoteo 4:3 - Kaqchiquel Bible

³ Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

နောက်ထပ်ဗားရှင်းများ

Kaqchikel Santo Domingo (Xenacoj)

³ Ndikibꞌij chi xajan ngekꞌuleꞌ ri wineq, ndikibꞌij chuqaꞌ chi xajan ngekꞌuxeꞌ jujun achike ri ebꞌanun roma ri Dios chin rikꞌin matioxinik ngekꞌux koma ri ketaman utz-utz ri qetzij y kitaqin ri Ajaw.

Kaqchikel Santa Maria de Jesus

³ Ijejeꞌ xtiquiꞌej chica ri vinak chi man chic caꞌcꞌulieꞌ. Xtiquiꞌej jeꞌ chi icꞌo kax ri man otz ta ncaꞌtij, kax ri ja ri Dios ri bꞌanayuon chi i-otz chi ncaꞌtij y nicꞌatzin chi nakayaꞌ tiox bꞌaꞌ cha. Ruma jareꞌ nrajoꞌ chika ojreꞌ ri kataꞌn chic ri ketzij y kaniman rubꞌeꞌ.

Kaqchikel Central Guatemala

³ Y niquibij chi ri achin man utz ta nic'oje' rixjayil y ri ixok man utz ta chuka' nic'oje' rachijil. Y niquibij chuka' chi ec'o cosas ri man utz ta yetij. Pero ri Dios jari' ri q'uiytisayon can ri cosas ri richin yetij, y c'o chi nikamatioxij chire rija'. Roma jari' nrajo' chike roj ri ketaman ri kitzij ruch'abel y kaniman.

Re C'ac'a Testamento pa Kach'abal

³ Y niquibij che re ache man otz-ta nic'ue' ruxayil y re ixok man otz-ta chuka' nic'ue' ruchijil. Y niquibij chuka' che jec'o cosas re man otz-ta ye'tij. Pero re Dios jare' re banayon can re cosas chin ye'tij, y can nakatioxij cha reja'. Roma jare' nrajo' chaka yoj re kataman re katzij ruch'abal y kaniman.

Kaqchikel Western Solola

³ Riye' xquequik'et ri winek chi ma quec'ule' ta, y xtiquibij chuka' chi yec'o cosas ri ma utz ta chi yetij, cosas ri can ya wi ri Dios q'uiytisayon ca riche (rixin) chi yetij cuma ri quiniman chic ri Dios y cuma chuka' ri quetaman chic ri kitzij, y quematioxin tek niquitij ka.

1 Timoteo 4:3 ပူးပေါင်းရင်းမြစ်များ

Wuj Richin ri Rutikeribel 9:3

Chuqa' utz ye'itej ri kitijul ri chikopi'; chuqa' ninya' q'ij chiwe richin nitej ronojel ruwech ichaj.

Wuj Richin ri Molojri'il 5:18

Ri nutz'eton-pe ri nibanatej chi ri más jebel chire ri wineq ja ri nutej, nuqum y kan nikikot ránima rik'in ri xuch'ek. Y kan keri' nuben ri janipe' q'ij ruk'aslen ri nuya' ri Dios chire; roma kan jare' ri richin rija'.

Dn 11:37

Kan man jun k'a dios ri nuya' ta rejqalen; ni ri ki-dios ri e rati't-rumama', ni ri dios ri nikiya' ruq'ij ri ixoqi', roma rija' kan xtuna-ri' chi kan xaxe rija' ri nim ruq'ij chikiwech konojel.

San Mateo 14:19

Y jari' chuqa' toq xubij chi ketz'uye' k'a konojel ri winaqi' pa ruwi' ri rex q'ayis. Y k'ari' rija' xeruli'ej pa ruq'a' ri wo'o' kaxlan-wey y ri ka'i' ker, xtzu'un chikaj y xumatioxij chire ri Dios. Rija' xeruper k'a el ri ker y ri kaxlan-wey, y xuya-el chike ri rutijoxela'; y rije' xbekijacha' kan chikiwech ri winaqi'.

San Mateo 15:11

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq, xcha' ri Jesús.

San Mateo 15:36

K'ari' rija' xeruli'ej ri wuqu' kaxlan-wey y ri ker pa ruq'a' y xumatioxij chire ri Dios. Y k'ari' xeruperela-el y xuyala-el chike ri rutijoxela'. Y rije' xkitaluj chikiwech ri janila chi winaqi' ri ek'o apo chiri'.

San Lucas 24:30

Toq e raq'el chik k'a apo ri pa mesa, ri Jesús xuk'en-apo ri wey, y xrurtisaj, xuper ri wey y xuya' k'a chike.

San Juan 6:23

ek'o k'a barco ri e peteneq pa tinamit Tiberias, y xe'apon chunaqaj ri akuchi xkitej-wi kiway ri winaqi' ri jun q'ij kan, ri wey ri xuya' ri ajaw Jesús chike toq rumatioxin chik chire ri Dios.

Hechos 27:35

Toq ch'owineq chik k'a qa ri Pablo, rija' xberuk'ama' k'a pe jun ruway, xumatioxij chire ri Dios ri chiri' chiqawech qonojel, xuper y xuchop k'a rutijik.

Romanos 14:17

Roma, ri rajawaren ri Dios man wa'in y qumuj ta. Ri nik'atzin ja ri niqak'uaj jun k'aslen choj y k'o uxlanen y kikoten pa taq qánima roma k'o ri Loq'olej Espíritu qik'in.

Romanos 14:3

Roj ri niqatej ronojel, man keqetzelaj ri qach'alal ri man nikitej ta ronojel. Y ri qach'alal ri' man tikibij chi man utz ta ri niqaben roj roma niqatej ronojel. Ri Dios oj ruk'ulun qonojel, wi niqatej o man niqatej ta ronojel.

Romanos 14:6

Ek'o ri kan k'o q'ij ri yekichajij, y ek'o ri man jun q'ij ri yekichajij. Ek'o qach'alal ri nikitej ronojel, y keri' chuqa' ek'o ri man nikitej ta ronojel. Jak'a konojel rije' kere' nikiben richin nikiya' ruq'ij ri Dios, y yematioxin chire.

1 Corintios 6:13

Y ek'o ch'aqa' chik nikibij chi ri Dios xuben ri wey richin ri qapan y ri qapan richin chi nuk'ul ri wey; ri' qitzij wi. Jak'a xtapon ri q'ij chi ronojel ri' xa xtik'is. Jak'a roj man keri' ta. Ri ajaw Dios kan xojruben richin chi xojok richin rija' y rija' qichin roj. Man nrajo' ta chi ri achi'a' y ri ixoqi' nikikanola-ki' richin yemakun.

1 Corintios 7:28

Man rik'in ri', wi ek'o ri nikajo' yek'ule', re' man mak ta ri nikiben. Y keri' chuqa' wi jun xten nrajo' nik'ule', man nimakun ta. Jak'a yin ninrayij chi man ta nikiq'axaj tijoj-poqonal, achi'el ri nikiq'axaj q'ij ri e k'ulan taq winaqi'.

1 Corintios 8:8

Kan qitzij chi man ja ta ri niqatej ri nibanon chiqe chi yojqa' chuwech ri Dios. Wi niqatej ri ti'ij ri sujun chik chike ri wachibel, man nuben ta chiqe chi más ta yojqa' chuwech ri Dios, y wi man niqatej ta, man nuben ta chiqe chi man ta yojqa' chuwech rija'.

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.

Colosenses 3:17

Ronojel k'a ri niqaben y ri niqabij, kan xaxe k'a pa rubi' rija', y roma rija' beneq ruwech qojmatioxin chire ri qatata' Dios.

1 Timoteo 2:4

Rija' nrajo' chi kan ta qonojel niqetamaj ta ri qitzij y yojkolotej.

1 Timoteo 4:4

Ronojel ri ruk'iytisan ri Dios, kan e utz wi, roma ri' man jun tibin chi k'o ri man ta utz richin yetij. Xaxe nik'atzin chi nimatioxix chire ri Dios ronojel.

1 Timoteo 5:14

Roma ri' ninbij chike ri malkani' taq ixoqi' ri k'a e ak'uala' na chi kek'ule' chik jun bey, kek'oje' chik kal y ke'ok rajaw taq jay, man tikiya' q'ij chike ri e etzelanel chi yech'on-pe chikij.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Hebreos 13:9

Man tiya' q'ij chi ja ri tijonik man e qitzij ta ri ye'uk'uan iwichin. Más ta utz chi rix nikuquba' ik'u'x rik'in ri tijonik ri nich'on chirij ri rutzil ri Dios, y man rik'in ta ri tijonik ri nich'on chirij ri yetij y xa man jun utz ruk'amon-pe chike.

1 Sam 9:13

Kan xaxe toq xkixok-apo pa tinamit, tikanoj chi'anin, roma xa nijote' yan q'anej pa ruwi' juyu' richin ri wa'in. Ri winaqi' man yewa' ta qa wi man napon ta q'anej rija', roma ja rija' ri nurtisan ri kamelabel. K'ari' yewa' ri e oyon. Roma ri' kixjote-q'anej chi'anin, roma wakami kan xtiwil, xecha' ri xtani' chike.