1 Timoteo 4:2 - Kaqchiquel Bible

² Xtikak'axaj k'a kitijonik ri winaqi' ri xa ka'i' kipalej, ri xa man qitzij ta ri nikibij y man jun q'axo'n nikina' pa kánima toq nikiben ri etzelal ri'.

နောက်ထပ်ဗားရှင်းများ

Kaqchikel Santo Domingo (Xenacoj)

² Ri wineq ri ndikiyaꞌ ri tijonik riꞌ xa kaꞌiꞌ kipalej, xa echꞌakatinelaꞌ y kikowirisan ri kánima, romariꞌ ma jun achike ndikinaꞌ chare ri itzel teq achike ngetajiyaj rikꞌin.

Kaqchikel Santa Maria de Jesus

² Xticaꞌxaj ri niquiꞌej ri xa caꞌyeꞌ quipalaj y joꞌc tzꞌakon tak tzij niquiꞌan, ri man jun chica nunaꞌ ri quijaluon y ri cánima antok niquiꞌan jun kax itziel.

Kaqchikel Central Guatemala

² Xticac'axaj c'a ri quitijonic vinek ri xa ca'i' quipalej y man kitzij ta ri niquibij. Vinek ri man jun k'axo'n niquina' pa cánima tok niquiben ri etzelal.

Re C'ac'a Testamento pa Kach'abal

² Xtiquic'axaj re enseñanzas re niquic'ut re vinak re xa ca'e' quipalaj y man katzij-ta re niquibij. Vinak re man jun k'axomal niquina' pa cánma tak niquiban re etzelal.

Kaqchikel Western Solola

² Xtiquic'axaj c'a ri ch'abel ri yec'ut chiquiwech ri xa quiche (quixin) winek ri xa ca'i' quipalej y ma kitzij ta ri niquibij, winek ri majun k'axon niquina' pa cánima tek niquiben ri etzelal.

1 Timoteo 4:2 ပူးပေါင်းရင်းမြစ်များ

1 Rey 13:18

Jak'a ri ti ri'j q'alajirisey ruch'abel ri Dios ri xapon rik'in, xa xutz'uk-tzij chuwech y xubij chire: Yin chuqa' in q'alajirisey ruch'abel ri Dios achi'el rat. K'o k'a jun ángel richin ri Dios ri xch'on wik'in y xubij chuwe chi yatink'uaj-el pa wachoch richin yabewa-yatuk'ya' wik'in, xcha' ri ti ri'j achin.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Wuj Richin ri Jeremías 23:14

Chuqa' chikikojol ri nikibananej chi e q'alajirisey nuch'abel ri ek'o pa Jerusalem, nutz'eton ri itzel banobel ri nikiben chi xkijech-ki' kik'in ri kixjayilal y xekikanoj ch'aqa' chik ixoqi'. Xaxe tz'ukun taq tzij nikiben y kan yekito-apo ri e banoy taq etzelal richin man jun nuch'er kan ri' chubanik ri etzelal. Chinuwech yin konojel rije' e achi'el ri winaqi' richin ri tinamit Sodoma y Gomorra.

Wuj Richin ri Jeremías 23:26

¿K'a janipe' k'a nikiya' kan rubanik ri nikiq'alajirisaj ri man qitzij ta ri xa kiyon rije' nikitz'uk-q'anej?

Wuj Richin ri Jeremías 23:32

Yin kan in yakatajineq k'a chikij ri yebanon keri', ri nikitzijoj achik' ri xa man e qitzij ta. Kan rik'in ri tz'ukun taq tzij y rik'in ronojel ri nikibij, nikiben chire ri nutinamit richin nuchop kan itzel bey. Jak'a yin kan man e nutaqon ta, ni man nubin ta chike chi keri' nikiben. Roma ri' xa kan man yetikir ta nikito' ri nutinamit. Yin Jehová ri yibin, xcha' ri Dios.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

San Mateo 24:24

Roma kan ek'o k'a ri xkebek'ulun-pe y xtikibila' k'a chi ja rija' ri Cristo, o ja rija' jun q'alajirisey ruch'abel ri Dios. Jak'a man ke'inimaj; roma xa e q'olonela'. Y xkekibanala' k'a nima'q taq retal y nima'q meyel taq banobel, y rik'in ri' yekiq'ol ri winaqi'. Y rik'in juba' xkekiq'ol ri e cha'on chik roma ri Dios.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Hechos 20:30

Ek'o k'a chuqa' ch'aqa' chi'ikojol rix ri xkebeq'alajin-pe. Y rije' man ja ta rubixik nikiben chire ri ruch'abel ri Dios, y xkekich'er ri kan e nimanel-wi richin ri Jesús, richin chi ri ch'aqa' chike rije' kan xkekitzeqelibej-el.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

Efesios 4:19

Man chik nikina' ta chi e aj-maki', y jari' toq kan rik'in ronojel kánima nikiben ri etzelal ri janila yek'ixbisan. Kan nik'at-wi k'a ri kánima chubanik ronojel ruwech etzelal.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.

Apocalipsis 16:14

Ri oxi' itzel taq espíritu ri' kan yekibanala' k'a meyel taq banobel richin yeq'olotej ri winaqi' pa kiq'a'. E eleneq k'a pe richin yekimol konojel q'atoy taq tzij richin ri ruwach'ulew e kachibilan ri aj-labal. Yekimol-apo richin ri q'ij toq xtikiben oyowal rik'in ri Dios ri kan k'o ronojel uchuq'a' pa ruq'a'.