1 Timoteo 4:10 - Kaqchiquel Bible

¹⁰ Niqatej qaq'ij richin niqaben ri rusamaj ri Dios y niqatej poqon, roma kan qakuquban-wi-apo qak'u'x rik'in ri k'aslik Dios. Ja rija' ri kolonel kichin konojel winaqi', jak'a más qichin roj ri qakuquban qak'u'x rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Romariꞌ ndiqatij qaqꞌij y ndiqakosisaj qiꞌ chin ndiqabꞌen rusamaj ri Dios. Porque qakuqubꞌan qakꞌuꞌx rikꞌin ri Kꞌaslik Dios chi nduyaꞌ chaqe ri qoyobꞌen. Xe wi rijaꞌ ri ndikolo kichin konojel wineq, y ja ri ngetaqin richin ri ngerukal.

Kaqchikel Santa Maria de Jesus

¹⁰ Rumareꞌ nkusamaj y nakaꞌan sufrir, ruma kacukubꞌan kacꞌuꞌx riqꞌuin ri cꞌaslic Dios. Jajaꞌ nrajoꞌ ncaꞌrucol quinojiel ri vinak, pero ri ncaꞌrucol ja ri ncaꞌniman richin.

Kaqchikel Central Guatemala

¹⁰ Roma c'a ri' nikaben ri rusamaj ri Dios y nikatej pokon. Can kacukuban-vi-apo kac'u'x riq'uin ri c'aslic Dios. Ja rija' ri Colonel richin ronojel vinek, pero más quichin ri yeniman richin.

Re C'ac'a Testamento pa Kach'abal

¹⁰ Mare' nakaban re rusamaj re Dios y nakataj tijoj-pokonal. Can kayi'on-apo ka-esperanza riq'uin re c'aslic Dios. Y reja' can nrajo' che ye'colotaj-ta conojel chach re quimac. Pero re ye'niman richin can ye'rucol-va.

Kaqchikel Western Solola

¹⁰ Rumac'ari' nikaben ri rusamaj ri Dios y nikatij pokon. Can kacukuban wi apo kac'u'x riq'ui ri c'aslic Dios. Ya Riya' ri Colonel quiche (quixin) quinojel winek, pero más quiche (quixin) ri yeniman riche (rixin).

1 Timoteo 4:10 ပူးပေါင်းရင်းမြစ်များ

1 Timoteo 2:4

Rija' nrajo' chi kan ta qonojel niqetamaj ta ri qitzij y yojkolotej.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.

1 Timoteo 2:6

rija' xuya-ri' pa kamik richin xutoj ri qamak qonojel. Y ri' xchap rutzijoxik toq xapon ri q'ij.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

1 Juan 4:14

Y roj kan qatz'eton ri Ruk'ajol ri Dios, y roma ri' niqatzijoj chike konojel winaqi' chi kan qitzij wi chi ri Dios xuteq-pe ri Ruk'ajol richin xojrukol chupan ri qamak.

San Juan 4:42

Re winaqi' k'a re' nikibila' k'a chire ri ixoq ri xbeya'on rutzijol chike: Wakami kan qetaman chik k'a y niqanimaj chuqa', man xaxe ta roma ri xabij rat chiqe, xa kan niqanimaj chuqa' roma ri xqak'axaj roj. Xqetamaj k'a chi kan qitzij wi chi ja rija' ri Cristo, ri kolonel kichin konojel winaqi' ri ek'o chuwech re ruwach'ulew, yecha'.

San Juan 5:24

Roma kan qitzij wi ri ninbij chiwe, chi ri nak'axan ri nuch'abel y nukuquba' ruk'u'x rik'in ri taqayon-pe wichin, nril ruk'aslen ri man k'isel ta. Man k'a xtapon ta chupan ri ruk'ayewal, roma kolotajineq chik chuwech ri kamik, richin xuk'ul ri qitzij k'aslen.

Wuj Richin Bix Chire ri Dios 84:12

Jehová k'iytisanel richin ronojel, jebel ruwa-kiq'ij ri winaqi' ri kikuquban kik'u'x awik'in.

Hebreos 13:13

Roma ri' qojel-el chupan ri tinamit richin niqatzeqelibej ri Jesucristo, y tiqaq'axaj chuqa' roj ri k'ix ri xuq'axaj rija'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 118:8

Más utz niqakuquba' qak'u'x rik'in ri Jehová, ke chuwech niqakuquba' qak'u'x rik'in jun wineq.

Wuj Richin Bix Chire ri Dios 52:8

Jak'a yin ink'o chupan ri rachoch ri Dios, achi'el jun ruche'el olivo ri rex-rex rubanon, roma yin, rik'in k'a ri rujoyowanik ri Dios nukuquban-wi nuk'u'x jantape'.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

Hebreos 11:26

Rija' nuch'ob chi más rejqalen nutej poqon, roma xcha'ox roma ri Dios, ke chuwech nuk'ul ta ronojel ri beyomel ri k'o chiri' pa ruwach'ulew Egipto, roma kan royoben chik apo ri rajel ruk'exel ri xtuya' ri Dios chire.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

San Mateo 27:43

Rija' kan xukuquba' ruk'u'x rik'in ri Dios, y rubin kan chi ruk'ajol ri Dios. Wi keri' ja ri Dios tikolo richin, xecha' ri achi'a' ri'.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Wuj Richin ri Jeremías 17:7

Jak'a jebel ruwa-ruq'ij ri wineq ri rukuquban ruk'u'x wik'in yin, ri kan nroyobej ronojel wik'in yin.

Wuj Richin ri Isaías 50:10

Man jun chiwe rix ri janila nuk'en rukiy ri Jehová y kan nrak'axaj ruch'abel ri rusamajel. Jak'a rix yixbiyin pa q'equ'm, y kan man jun seq nitz'et chupan. Pa ruk'exel re', kan tikuquba' ik'u'x rik'in y tito-iwi' rik'in ri qa-Dios.

Wuj Richin Bix Chire ri Dios 107:2

Tibij re', iwonojel rix ri ix kolotajineq chik; ri ix rukolon chik pa kiq'a' ri e etzelanel iwichin;

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Wuj Richin Bix Chire ri Dios 36:6

Ri ruchojmilal ri naben rat, nilitej xabakuchi. Napon k'a pa ruwi' ri juyu' ri más e nima'q. Chuqa' napon-qa, k'a akuchi ri janila nim rupan ri ya'. Rat ye'achajij ri winaqi', y chuqa' ronojel kiwech taq chikopi'.

San Mateo 16:16

Y ri Simón Pedro kan jari' k'a xubij chire ri Jesús: Ja rat ri Cristo, ri ruk'ajol ri k'aslik Dios, xcha' chire.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

1 Timoteo 2:3

Roma re' kan utz y kan niqa' chuwech ri Dios.