1 Timoteo 3:8 - Kaqchiquel Bible

⁸ Y keri' chuqa' wi k'o jun nrajo' nilin chikikojol ri qach'alal: Nik'atzin k'a chi nuk'uaj jun k'aslen utz chikiwech ri winaqi', man ka'i' ta rupalej, man niq'aber ta, y man yerubanala' ta itzel chuch'akik ruméro.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y keriꞌ chuqaꞌ ri diáconos, jareꞌ rubꞌeyal kikꞌaslen ndikꞌatzin ndikikꞌuaj: Ndikꞌatzin chi chojmilej kikꞌaslen, ma kaꞌiꞌ ta ruwech kitzij ndikiyaꞌ, ndikiqꞌet kiꞌ chuwech rutijik yaꞌ, y ma bꞌaneq ta kánima chirij rubꞌanik itzel teq achike chuchꞌakik méra.

Kaqchikel Santa Maria de Jesus

⁸ Y quireꞌ jeꞌ ri diáconos, nicꞌatzin chi niquicꞌuaj jun utzulaj cꞌaslien chiquivach ri vinak. Y nicꞌatzin jeꞌ chi ketzij ri niquiꞌej, man ncaꞌkꞌabꞌar ta, y man ncaꞌquiꞌan ta itziel tak kax chi niquichꞌec qui-miera.

Kaqchikel Central Guatemala

⁸ Y que chuka' ri' ri diáconos nic'atzin chi niquic'uaj jun c'aslen utz chiquivech ri vinek. Y chuka' nic'atzin chi choj ri yech'on, man ja ta ri yek'aber, y man ja ta chuka' ri yequibanala' ri man utz ta chuch'aquic qui-mero.

Re C'ac'a Testamento pa Kach'abal

⁸ Y quire' chuka' re diáconos nic'atzin che niquic'uaj jun c'aslen otz chiquivach re vinak. Y chuka' nic'atzin che choj ye'ch'o, mana-ta re ye'k'abar, y mana-ta chuka' re man otz-ta ruch'aquic niquiban cha re qui-mero.

Kaqchikel Western Solola

⁸ Y queri' chuka' ri diáconos nic'atzin chi niquic'uaj jun utzilaj c'aslen chiquiwech ri winek, chuka' nic'atzin chi can choj yetzijon, ma yek'aber ta, y ma yequibanala' ta chuka' itzel tak banobel chuch'aquic ri quirajil.

1 Timoteo 3:8 ပူးပေါင်းရင်းမြစ်များ

Filipenses 1:1

Yin Pablo, wachibilan ri qach'alal Timoteo ri oj rusamajela' ri Jesucristo, nintz'ibaj k'a el re wuj re' chiwe rix qach'alal ri ixk'o pa tinamit Filipos, rix ri xa jun ibanon rik'in ri Cristo Jesús. Keri' chuqa' chiwe rix qach'alal ri ix uk'uey kichin ri qach'alal, y ri ch'aqa' chik to'onela'.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

1 Timoteo 5:23

Rat Timoteo beneq-ruwech at yawa', roma ri' man utz ta chi ruyon raxya' naqum. Xa taqumu' chuqa' juba' vino richin ri apan.

1 Timoteo 3:3

man niq'aber ta, man nuben ta oyowal, man nubanala' ta ri itzel chuch'akik ruméro. Kan nik'atzin k'a chi jun achin ch'uch'uj, y utz runa'oj kik'in konojel winaqi'.

Wuj Richin ri Chojmirisabelri'il 10:9

Rat y ri e ak'ajol man nitej k'a vino, ni man jun chik ri niq'abarisan toq k'a man jani yixok-apo chupan ri wachoch richin man yixken ta. Re' kan jun pixa' re ninya' chiwe ri xtik'atzin chike ri iwijatzul richin jantape'.

Santiago 3:10

Rik'in ri qaq' niqaya' ri urtisanik, y rik'in chuqa' ri' niqaya' ri etzelanik. Wach'alal, man ruk'amon ta chi keri' niqaben.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

1 Timoteo 3:12

Ri qach'alal achin ri nilin kan nik'atzin chi xaxe jun rixjayil, y jebel ta kik'uaxik rubanon chike ri aj pa rachoch.

Ez 44:21

Man jun chike rije' ri nuqum ta vino toq nok-apo pa ruwa-jay ri k'o chunaqaj ri wachoch.

Wuj Richin Bix Chire ri Dios 52:2

Rat kan xaxe k'a ri itzel taq banobel ri nach'obola' chijun q'ij. Ri awaq' kan xaxe k'a q'oloj ri nuben, kan achi'el jun qupibel ri ya-ya' rey.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Romanos 3:13

Kan xaxe k'a ri q'oloj ri k'o pa kichi'. Ri pa kichi' kan achi'el k'a jun muqubel kamineq ri jaqel. Ri kaq' kan achi'el ri kamisanel-ya' ri nel pa ruchi' ri kumetz, Kan ruyon k'a q'oloj nikiben ri winaqi'.

Wuj Richin Bix Chire ri Dios 50:19

Kan ruyon k'a itzel taq ch'abel ri nabila', y kan xaxe q'oloj ri nabanala'.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,