1 Timoteo 3:4 - Kaqchiquel Bible

⁴ Y chuqa' jebel ta kik'uaxik rubanon chike ri e aj pa rachoch, ruk'utun ta chikiwech ri ralk'ual chi nikinimaj rutzij y nikiya' ruq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Ndikꞌatzin chuqaꞌ chi utzulej ukꞌuey bꞌey chikiwech ri aj pa rachoch, y chi ri eralkꞌuaꞌl ndikinimaj rutzij y kikꞌuan jun chojmilej kꞌaslen.

Kaqchikel Santa Maria de Jesus

⁴ Y jaꞌal ta ncaꞌruꞌon gobernar quinojiel ri icꞌo pa rachuoch, y jaꞌal ta rucꞌutun chiquivach ri ralcꞌual chi ncaꞌniman y niquiꞌan respetar.

Kaqchikel Central Guatemala

⁴ Y chuka' jebel ta quic'uaxic rubanon chique ri e aj pa rachoch. Vi ec'o ralc'ual, ri ac'uala' ri' jebel ta ruc'utun chiquivech chi niquinimaj rutzij y niquiya' ta chuka' ruk'ij.

Re C'ac'a Testamento pa Kach'abal

⁴ Y chuka' jabal-ta quic'uaxic rubanon chique re jec'o pa rachoch. Vo xa jec'o rajc'ual, jabal-ta ruc'utun chiquivach che niquinimaj rutzij y chuka' niquiya-ta ruk'ij.

Kaqchikel Western Solola

⁴ Y chuka' jabel ta quic'uaxic rubanon chique ri ye aj pa rachoch. Ri ralc'ual jabel ta ruc'utun chiquiwech chi niquinimaj rutzij y niquiya' ta chuka' ruk'ij.

1 Timoteo 3:4 ပူးပေါင်းရင်းမြစ်များ

Tito 1:6

Jun uk'uey kichin ri qach'alal nik'atzin chi ruk'uan ta jun k'aslen utz, richin man jun nilitej chirij, nik'atzin chi xaxe jun rixjayil,*f1* y wi ek'o ta ralk'ual, k'o chi kan kikuquban ta kik'u'x rik'in ri Jesucristo. Jak'a wi ri ralk'ual kik'uan jun itzel k'aslen y man yeniman ta tzij, man ruk'amon ta chi ri tata'aj ri' nok kan uk'uey kichin ri qach'alal.

1 Timoteo 3:12

Ri qach'alal achin ri nilin kan nik'atzin chi xaxe jun rixjayil, y jebel ta kik'uaxik rubanon chike ri aj pa rachoch.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Tito 2:2

Ke'atijoj ri rijita'q taq achi'a' richin kan ta nikina' jebel ri yekiben, nikiben ta ronojel ri ruk'amon, y kan nikiq'et ta ki' chubanik ronojel ri man ruk'amon ta, kan ta k'o janila kuqubabel-k'u'x kik'in, janila ajowabel, y janila koch'onik chupan ri ruk'ayewal.

Hechos 10:2

Ri Cornelio y ri e aj pa rachoch e ya'ol k'a ruq'ij ri Dios, y nikixibij k'a ki' yemakun chuwech. Y rija' kan jantape' k'a nich'on rik'in ri Dios, y kan k'iy k'a yerutola-wi ri winaqi' ri man jun k'o kik'in.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Tito 2:7

Y rat, Tito, chuqa' nik'atzin chi nak'ut chikiwech ri ch'aqa' chik achike chi k'aslen k'o chi nikik'uaj. Y toq ye'atijoj chire ri ruch'abel ri Dios, k'o chi naben rik'in ch'ajch'ojilej ak'aslen, y eqal tanik'oj ri ruch'abel ri Dios.

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

Efesios 5:24

Ri molaj qach'alal nikinimaj k'a ronojel rutzij ri Cristo. Y keri' k'a ruk'amon chi niben rix ixoqi', tinimaj kitzij ri iwachijilal chuqa'.