1 Timoteo 3:2 - Kaqchiquel Bible

² Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,

နောက်ထပ်ဗားရှင်းများ

Kaqchikel Santo Domingo (Xenacoj)

² Pero ri ukꞌuey bꞌey, ndikꞌatzin chi kereꞌ ndiqꞌalajin pa rukꞌaslen: Man ta jun itzel ndibꞌix chirij ri kꞌaslen rukꞌuan, xaxe jun rixjayil kꞌo, retaman nduqꞌet riꞌ rikꞌin ri ngerubꞌanalaꞌ, kin ndikaney runoꞌoj, kin utz nditzꞌetetej rukꞌaslen koma chꞌaqa chik, jabꞌel ndukꞌen apu kiwech pa rachoch ri epataneq jukꞌan chik apeꞌ, jabꞌel nditiker nduyaꞌ tijonik pa ruwiꞌ ri rutzij ri Dios,

Kaqchikel Santa Maria de Jesus

² Pero nicꞌatzin chi jun anciano richin ri iglesia rucꞌuan jun cꞌaslien otz, chi quireꞌ man jun vinak nichꞌo-pa chirij. Nicꞌatzin chi jajaꞌ joꞌc jun raxjayil, nuꞌon pensar otz ri ncaꞌruꞌon, nuꞌon cuenta-riꞌ chi man tuꞌon pecar-riꞌ, jun ri can rakalien niyoꞌx rukꞌij, jun ache ri jaꞌal ncaꞌruꞌon recibir pa rachuoch ri hermanos ri jun chic tanamet i-patanak-ve, y nicovin nucꞌut ri ruchꞌabꞌal ri Dios,

Kaqchikel Central Guatemala

² Pero jun uc'uey quichin ri kach'alal c'o chi ruc'uan jun c'aslen utz, y riq'uin ri' man jun vinek nitiquir nibin ta achique tzij chirij. C'o chi jun achijlonel xaxe riq'uin jun ixok, nuna' jebel ri yerubanala', retaman nuk'il-ri' chuvech ri mac, y jun achin ri ruc'amon chi nikaya' ruk'ij, jun achin ri can jebel yeruc'ul-apo ri kach'alal ri pa rachoch, ri xa c'a pa jun chic tinamit yepe-vi, jun achin chuka' ri jebel nitiquir nitijon chire ri ruch'abel ri Dios,

Re C'ac'a Testamento pa Kach'abal

² Pero jun ec'uay quichin re hermanos can-ta ruc'uan jun c'aslen otz, y riq'uin re' man jun vinak xtich'o itzel chij. Y re jun ache re' xaxe jun ruxayil, nuna' jabal re ye'rubanala', can jabal nuchajij-ri' che man nimacun-ta, y jun ache re can otz che nakaya' ruk'ij, jun ache re can otz ye'ruc'ul-apo re hermanos re ye'bapon charachoch re jun chic-va tenemit ye'po-va, jun ache re jabal nitiquir nuc'ut re ruch'abal re Dios,

Kaqchikel Western Solola

² Pero jun anciano riche (rixin) ri iglesia c'o chi ruc'uan jun utzilaj c'aslen, riche (rixin) chi queri' majun tzij nibix ta chrij. C'o chi jun achi ri xaxu (xaxe wi) jun rixjayil c'o, nuch'ob jabel ri yerubanala', retaman nuk'il ri' chare ri mac, y ruc'amon chi nikaya' ruk'ij, jun achi ri can jabel yeruc'ul apo ri kach'alal pa rachoch ri xa c'a jun chic tinamit yepe wi, y can jabel nicowin nuc'ut ri ruch'abel ri Dios,

1 Timoteo 3:2 ပူးပေါင်းရင်းမြစ်များ

2 Timoteo 2:24

Roma rat at jun rusamajel ri Ajaw, man ruk'amon ta chi naben oyowal. Jak'a kan nik'atzin chi utz naben kik'in konojel. Y nik'atzin chuqa' chi ye'atijoj chi utzil ri qach'alal, y chi yakoch'on chuqa'.

Romanos 12:13

Toq ek'o ch'aqa' qach'alal ri k'o nik'atzin chike, kan ke'ito'. Y wi ek'o qach'alal ri e aj juk'an chik, man kixkos richin nisuj chike richin ye'uxlan kan pan iwachoch y niya' ri nik'atzin chike.

1 Timoteo 5:9

Kan k'atzinel k'a richin yeto'ox ri malkani' taq ixoqi' ri k'o más oxk'al kijuna', y wi kan utz xkiben kik'in ri kachijilal,

1 Pedro 4:9

Kan rik'in k'a ronojel iwánima tik'ulula-iwi' pa taq iwachoch.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

Hebreos 13:2

Toq ek'o ye'apon chi'iwachoch, man k'a tipoqonaj ye'ik'ul. Roma banatajineq chi roma ri samaj ri' ek'o ángel ri e apowineq pa taq jay, y ri xek'ulun kichin man xkinabej ta.

Tito 2:2

Ke'atijoj ri rijita'q taq achi'a' richin kan ta nikina' jebel ri yekiben, nikiben ta ronojel ri ruk'amon, y kan nikiq'et ta ki' chubanik ronojel ri man ruk'amon ta, kan ta k'o janila kuqubabel-k'u'x kik'in, janila ajowabel, y janila koch'onik chupan ri ruk'ayewal.

Filipenses 2:15

Richin keri' kan niq'alajin chi kan utz wi ri ik'aslen, y man ta jun itzel nilitej chiwij. Tiq'alajin k'a chi ix ralk'ual ri Dios, y chi man jun etzelal k'o pan iwánima, stape' ixk'o chuwech re ruwach'ulew chikikojol winaqi' ri man choj ta kik'aslen; ri kan e sachineq-wi rik'in ri kich'obonik. Ja rix k'a ri yixsaqirisan kichin ri winaqi' ri' roma ja rix ri ix achi'el rusaqil ri ruwach'ulew,

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

San Lucas 2:36

K'o k'a chuqa' jun ixoq q'alajirisey ruch'abel ri Dios rubini'an Ana, rumi'al kan ri Penuel, y riy-rumam kan ri Aser. Re Ana re' ti ri'j chik. Rija' k'a ko'ol toq xk'ule'. Xaxe wuqu' juna' xkik'uaj-ki' rik'in ri rachijil, roma xa chi'anin xken-el chuwech.

1 Timoteo 3:8

Y keri' chuqa' wi k'o jun nrajo' nilin chikikojol ri qach'alal: Nik'atzin k'a chi nuk'uaj jun k'aslen utz chikiwech ri winaqi', man ka'i' ta rupalej, man niq'aber ta, y man yerubanala' ta itzel chuch'akik ruméro.

1 Timoteo 3:12

Ri qach'alal achin ri nilin kan nik'atzin chi xaxe jun rixjayil, y jebel ta kik'uaxik rubanon chike ri aj pa rachoch.

1 Timoteo 5:10

wi etaman chi kan e utz taq ixoqi', wi e kik'iytisan jebel ri kal, wi jebel e kik'ulun ch'aqa' chik winaqi' pa kachoch, wi ekilin rik'in qasanri'il ri qach'alal ri ye'apon pa kachoch, wi e kito'on ri nikitej poqon, y wi ronojel ruwech utzil e kibanalon.

1 Timoteo 5:22

Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.