1 Timoteo 3:16 - Kaqchiquel Bible

¹⁶ Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

Kaqchikel Santa Maria de Jesus

¹⁶ Y ketzij chi can nem rakalien ri xuꞌej ri Dios chakavach vacame, ri nichꞌoꞌ chirij ri chica cꞌaslien nika choch jajaꞌ; ruma chupan ri ruchꞌabꞌal ri tzꞌibꞌan can, nuꞌej: Ri Dios xcꞌujieꞌ vaveꞌ choch-ulief, xuoc vinak incheꞌl ojreꞌ. Xcꞌut chakavach ruma ri Espíritu Santo chi choj rucꞌaslien. Xtzꞌiet jeꞌ cuma ri ángeles. Xtzijos chica ri vinak ri man israelitas ta, y can iqꞌuiy ri icꞌo choch-ulief xaꞌniman richin. Y xꞌan recibir chicaj riqꞌuin namalaj rukꞌij.

Kaqchikel Central Guatemala

¹⁶ Y kitzij na vi chi can janíla nim rejkalen ri ruk'alajirisan chic ri Dios chikavech re vacami, y tok rubanon can xa man ruk'alajirisan ta. Vacami can xuc'ut yan c'a chikavech achique rubanic ri c'aslen ri nika' chuvech. Roma chupan ri ruch'abel ri Dios ri tz'ibatel can, nubij: Chi ri Dios xc'oje' vave' chuvech re ruvach'ulef, xoc vinek achi'el roj. Xc'ut chikavech roma ri Lok'olej Espíritu chi can choj vi ruc'aslen. Chuka' xtz'etetej coma ri ángeles. Xtzijox chuvech ronojel re ruvach'ulef, y e q'uiy xeniman richin. Y tok xel-el chuvech re ruvach'ulef, xc'ul chila' chicaj riq'uin ruk'ij-ruc'ojlen.

Re C'ac'a Testamento pa Kach'abal

¹⁶ Y can katzij-va che camas nem rajkalen re ruc'utun chic can re Dios chakavach vocame, y tak rubanon can xa man ruc'utun-ta. Vocame can xuc'ut-yan chakavach andex rubanic re c'aslen re nika chach reja'. Roma chupan re ruch'abal re Dios re tz'iban can, nubij: Che re Dios xc'ue' vova' chach re ruch'ulef, xoc vinak ancha'l yoj. Y ja re Espíritu Santo re xc'utu chakavach che can choj-va ruc'aslen. Chuka' xtz'et coma re ángeles. Xtzijos chach ronojel ruch'ulef, y je q'uiy xe'niman richin. Y tak xel-a chach re ruch'ulef, xc'ul chila' chicaj y xc'ue' chic ruk'ij.

Kaqchikel Western Solola

¹⁶ Y can kitzij wi chi sibilaj nim ruc'ojlen ri ruk'alajsan chic ri Dios chkawech re wacami, ri nich'o chrij ri achique rubanic ri c'aslen ri nika chuwech. Ruma chupan ri ruch'abel ri Dios ri tz'ibatal ca, nubij: Ri Dios xc'oje' wawe' chuwech re ruwach'ulef, y xoc winek. Xc'ut chkawech ruma ri Lok'olaj Espíritu chi can choj wi ri ruc'aslen. Chuka' xtz'etetej cuma ri ángeles. Xtzijox chique ri winek ri ma ye israelitas ta, xnimex cuma ye q'uiy chuwech re ruwach'ulef. Y xc'ul chila' chicaj riq'ui ruk'ij ruc'ojlen.

1 Timoteo 3:16 ပူးပေါင်းရင်းမြစ်များ

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Marcos 16:19

Toq ri ajaw Jesús ch'owineq chik kan kik'in ri rutijoxela', xbe y ri chila' chikaj xk'ul roma ri Dios, y xtz'uye-apo pa rijkiq'a'.

Romanos 16:25

Tiya' k'a ruq'ij ri Dios, roma xaxe rija' ri nitikir nibanon chiwe chi más nikuquba' ik'u'x rik'in. Keri' nubij ri utzilej ch'abel richin kolotajik, ri ruch'abel ri Jesucristo ri nintzijoj yin. Re ch'abel re' man kan ta q'alajirisan-pe roma ri Dios, xa k'a ja re q'ij re' ri xuq'alajirisaj jebel.

San Lucas 24:4

Roma ri' xsach kik'u'x. Y kan jari' k'a toq xekitz'et e ka'i' achi'el achi'a' e pa'el-apo kik'in, y niyik'lun ri kitziaq.

Colosenses 1:23

Jak'a nik'atzin chi kan kow yixk'oje' chupan ri ikuqubabel-k'u'x rik'in ri Dios y man jun bey tich'ob richin niya' kan ri oyobenri'il ri k'o iwik'in rix roma xiwak'axaj ri utzilej ch'abel richin kolotajik, ri talutajineq chuwech chijun ruwach'ulew, ri yin chuqa' in oyon richin ninch'abalij.

1 Juan 1:2

Re k'aslen re' xok'ulun-qa chiqakojol y xqatz'et. Roma ri' niqatzijoj chiwe chi kan k'o-wi-pe rik'in ri Qatata' Dios, y k'ari' xok'ulun qik'in.

1 Pedro 3:22

Rija' xbe chila' chikaj, y wakami k'o-apo pa rijkiq'a' ri Dios. Kan pa ruq'a' k'a rija' ek'o-wi ri ángel, ri q'atoy taq tzij aj-chikajil, y ronojel ri uchuq'a' ri ek'o.

1 Pedro 1:12

Y kan xq'alajirisex chike ri achi'a' ri' chi ri kolotajik ri xkitzijoj xa man kichin ta rije', xa kan qichin roj ri oj k'o chupan re q'ij re'. Y re wakami ri utzilej ch'abel ri' ri richin kolotajik, xtzijox k'a chiwe rix koma achi'a' ri eto'on roma ri Loq'olej Espíritu ri taqon-pe chila' chikaj. Y chuqa' ri ángel janila nikajo' chi niketamaj chirij ri xtzijox chiwe rix.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Colosenses 2:2

Ninben re' richin ninkuquba' ik'u'x y junan ta iwech niwajowala-iwi', richin niq'ax jebel chiwech ri qitzijri'il ri ewatel-pe ri xuq'alajirisaj ri Qatata' Dios chirij ri Cristo,

Colosenses 1:27

Rija' kan xrajo' k'a xuq'alajirisaj ri jun nimalej qitzijri'il ri kan ewatel-pe, y ri qitzijri'il ri' nubij chi ri Dios xuteq-pe ri Cristo richin nok'oje' chuqa' pa taq iwánima rix y richin chi kan iwoyoben ri q'ij toq yixbek'oje' rik'in rija', rik'in chik iq'ij-ik'ojlen.

Colosenses 1:6

Ri ch'abel ri' ruchapon nutaluj-ri' chuwech chijun ruwach'ulew, y e k'iy k'a winaqi' ri nikikuquba' kik'u'x rik'in ri Cristo, achi'el banatajineq-pe iwik'in rix kan ja toq iwak'axan-pe ri ch'abel ri' y xq'ax chiwech.

San Lucas 22:43

[K'o k'a jun ángel ri peteneq chila' chikaj xuk'ut-ri' chuwech, richin noruya-qa ruchuq'a' ri Jesús.

San Mateo 3:16

Y toq ri Jesús qasan chik ya' pa ruwi', xbe'el-pe chupan ri raqen-ya'. Y xutz'et k'a chi ri kaj xjaqatej, y ri Loq'olej Espíritu richin ri Dios ruchapon-pe qajen pa ruwi' achi'el jun paloma. Y kan choj xopa'e' pa ruwi' rija'.

1 Juan 3:5

Rix iwetaman chi ri Jesucristo xpe chuwech re ruwach'ulew, richin xukuy ri qamak stape' rija' kan man jun rumak.

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.

1 Timoteo 3:9

Nik'atzin chi kan tik'oje' chuk'u'x ri ruch'abel ri Dios, y nik'ase' ta rik'in ch'ajch'ojilej ránima.

San Juan 20:12

Jari' k'a toq xerutz'et-ok e ka'i' ángel ri e kikusalon saqilej taq tzieq. Ri jun tz'uyul ri akuchi xli'e-wi ri rujolon ri Jesús y ri jun chik akuchi ri xk'oje-wi ri raqen.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Apocalipsis 7:9

Chirij ri' yin xintz'et k'a chi e janila winaqi' ri kan man e ajlatel ta, richin jalajoj ruwach'ulew, ijatzul, tinamit y ch'abel. Konojel re winaqi' re' e pa'el-apo chuwech ri tz'uyubel richin ri Dios y chuwech apo ri Karne'l. E kikusalon k'a seq ta tzieq y e kik'ualon ruq'a' palma richin nikik'ut ri kikoten.

1 Pedro 1:20

Ri Cristo kan cha'on-pe richin ri' roma ri Dios toq k'a man jani k'o ta re ruwach'ulew, jak'a xa k'a juba' toqa ri q'ij richin xpe chuwech re ruwach'ulew richin xuk'en-pe utzil chiwe.

Hebreos 7:7

Y qetaman k'a chi jun ri nurtisan kan más wi nim ruq'ij, chuwech ri nurtisex.

Efesios 6:19

Kixch'on rik'in ri Dios pa nuwi' yin, richin k'o ta utzilej taq ch'abel richin kolotajik ninbij, y man ta ninxibij-wi' toq nintzijoj.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

1 Corintios 15:47

Ri nabey achin, kan richin wi re ruwach'ulew, roma rik'in ulew xban-wi. Jak'a ri jun chik, kan aj-chikajil.

1 Corintios 2:7

Jak'a ri na'oj ri niqak'ut roj chikiwech ri qach'alal, ja ri richin ri Dios; na'oj ri man jun bey q'alajirisan ta pe jebel, y kan ewatel-wi-pe. Jare' k'a ri xq'alajirisex chupan re qaq'ijul roj. Y kan k'a man jani k'o ta re ruwach'ulew re' toq ri Dios xuch'ob yan chi xtik'oje' qaq'ij roj.

Romanos 10:18

¿Kan qitzij kami chi ri nuwinaq judío man xkak'axaj ta? Ja', kan xkak'axaj-wi, roma chupan ri tz'ibatel kan, nubij: Kan chuwech k'a chijun ruwach'ulew niq'alajin-wi ri kitzijol rije'. Kan k'a pa ruk'isibel k'a chire re ruwach'ulew niq'alajin-wi, nicha'.*f35*

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Gálatas 2:8

roma ri Dios ri xtaqon richin ri Pedro chutzijoxik ri ch'abel richin kolotajik chike ri qawinaq, chuqa' jari' ri xitaqon yin richin nintzijoj ri ch'abel ri' chike ri man e qawinaq ta.

Romanos 9:5

Rije' chuqa' e kijatzul kan ri Abraham, ri Isaac y ri Jacob. Y toq ri Cristo xpe wawe' chuwech re ruwach'ulew, rija' chuqa' xok kijatzul ri e oxi' ri'. Ri Dios ri k'o pa ruwi' ronojel, kan ta k'o ruq'ij richin jantape'. Kan keri' wi.

Hechos 10:34

Ri Pedro kan jari' k'a xuchop nich'on, y xubij: Wakami kan qitzij k'a nik'ulun chinuwech chi ri Dios kan junan rubanon chiqe qonojel winaqi'. Man xaxe ta jun tinamit nrajo', y yeretzelaj ta kan ri ch'aqa' chik.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Hechos 14:27

Toq ri Pablo y ri Bernabé xe'apon ri pan Antioquía, xekimol k'a ri molaj qach'alal ri ek'o chiri', y k'ari' xkichop rubixik chike ri xuben ri Dios kik'in, y chi chuqa' ri winaqi' ri man e judío ta, utz chuqa' nikinimaj ri Jesucristo y nikil kolotajik.

San Juan 16:28

Kan rik'in-wi k'a ri nata' Dios in peteneq-wi, richin xinoqaqa chuwech re ruwach'ulew. Y re wakami, kan rik'in k'a chuqa' rija' yitzolin-wi, y ninya' kan re ruwach'ulew, xcha' ri Jesús.

San Juan 13:3

Ri Jesús kan retaman-wi chi ronojel jachon pa ruq'a' roma ri Dios ri rutata', y chiri' rik'in ri Dios peteneq-wi y chiri' chik nitzolej-wi-el.

San Lucas 24:51

Xk'uluwachitej k'a chi toq ri Jesús najin yerurtisaj, jari' k'a toq rija' xyakatej-el pa kaq'iq' y xuk'uex k'a el chikaj.

Apocalipsis 17:7

Y ri ángel ri uk'uayon wichin, xubij chuwe: ¿Achike roma nisach ak'u'x? Yin xtinq'alajirisaj chawech ri achike nik'ulun chi tzij ri ixoq ri ch'okol chirij ri chikop. Chuqa xtinbij chawe achike nik'ulun chi tzij ri nimalej chikop wuqu' rujolon y lajuj ruk'a'.

Apocalipsis 17:5

Y nik'aj ruwech tz'ibatel-wi ri rubi'. Y man kan ta q'alaj achike nik'ulun chi tzij, y kere' ri nubij: Ri nimalej tinamit Babilonia, kite' ri ixoqi' ri itzel kik'aslen y kite' chuqa' ri winaqi' ri yebanon etzelal chuwech ri ruwach'ulew, nicha'.

Hebreos 8:1

Ri niqajo' niqabij, chi ri qanimalej sacerdote, tz'uyul chila' chikaj pa rijkiq'a' ri Dios.

2 Tesalonicenses 2:7

Qitzij wi chi k'iy chik etzelal najin wakami. Jak'a kan k'a k'o na ri jun ri q'atayon richin. Jak'a toq ri jun ri q'atayon richin elesan chik el,

2 Tesalonicenses 1:10

Ronojel re' xtibanatej chupan ri q'ij toq xtipe ri ajaw, richin xtuk'ul ruq'ij-ruk'ojlen koma ri loq'olej e richin rija' y xtikimey janila. Rix chuqa' xtiben kere' roma kan xinimaj ri ruch'abel ri Dios ri xqabij chiwe.

Hechos 1:19

Y toq xbanatej re', konojel k'a ri winaqi' aj-Jerusalem xe'etaman, y roma ri' chupan ri kich'abel nibix Hacéldama chire ri ulew ri'. Y ri bi'aj ri' nel chi tzij: Ulew akuchi xbiyin kik'.

San Juan 17:5

Wakami k'a, nata' Dios, kan taya' chik k'a ri nuq'ij-nuk'ojlen achi'el toq xik'oje' awik'in toq k'a man jani k'o ta re ruwach'ulew.

San Juan 15:26

Jak'a toq yin xkitzolin chik chila' rik'in ri nata', xtinteq k'a pe ri xtito'on iwichin, y rija' kan xkiruq'alajirisaj-wi k'a. Y ri jun ri', ja ri Loq'olej Espíritu ri nitijon iwichin chire ri qitzij. Y rija' rik'in k'a ri nata' nipe-wi.

San Juan 6:62

¿Achike ta niben wi ta yinitz'et yin ri xiqaqa-pe achi'el wineq chi'ikojol, chi yitzolin chila' akuchi in peteneq-wi?

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.

Marcos 16:5

Toq rije' xe'ok-apo chupan ri jul, xkitz'et chi k'o jun ala' chiri', tz'uyul ri pa kijkiq'a-apo, rukusan jun tzieq seq ri napon k'a chiraqen-qa. Roma ri' ri ixoqi' janila xkixibij-ki'.

Marcos 1:13

Y xk'oje' k'a chiri' kawineq q'ij chikikojol k'uxunela' taq chikopi'. Jak'a ri ángel kan xkisamajij ri Jesús. Jari' k'a toq ri Itzel-Wineq xutejtobej ri Jesús.

San Mateo 28:2

Jari' toq xuben jun nimalej silonel roma jun ángel richin ri Dios ri peteneq chila' chikaj, xqaqa-pe y xusiloj ri abej, ri tz'apebel ruchi' ri jul.

San Mateo 13:11

Ri Jesús xubij k'a chike: Chiwe rix kan ya'on k'a q'ij chi niwetamaj ronojel ri e ewatel chupan ri aj-chikajil ajawaren, jak'a chike re winaqi' re' man keri' ta.

San Mateo 4:11

Jari' toq ri Itzel-Wineq xuya' kan ri Jesús. Y kan jari' xe'oqaqa ángel rik'in richin xkilij.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Romanos 10:12

Kan junan k'a nuben chiqe wi oj judío o wi man oj judío ta. Ri Dios kan qajaw wi qonojel y kan pa ruk'iyal nuya' ri rutzil chike konojel ri nikikuquba' kik'u'x rik'in.

Romanos 3:4

Man keri' ta. Ri Dios kan qitzij wi nich'on, stape' konojel winaqi' e tz'ukuy taq tzij. Roma ri' kan tz'ibatel kan chirij ri Dios,*f5* Xtiq'alajin chikiwech ri winaqi' chi kan choj ri ruq'atbel-tzij ri xuya' pa kiwi'. Y kan ruk'amon toq rija' nuya' ruk'ayewal pa kiwi' ri winaqi'.

Romanos 16:26

Wakami xq'alajirisex yan k'a, y roma ri' toq niq'ax chiqawech ri e tz'iban kan koma ri q'alajirisey ruch'abel ri Dios ri xek'oje' ojer kan. Ri Dios ri k'o richin jantape', rubin kan chi titzijox chike konojel tzobaj winaqi', y jari' ri najin wakami, richin chi tikikuquba' kik'u'x rik'in rija' y tikinimaj ri rutzij.

2 Corintios 1:19

Ri Jesucristo ri ruk'ajol ri Dios, ri xqatzijoj chiwe, yin, ri Silvano, y ri Timoteo, kan man nujel ta ri ruch'abel ri nubij. Rija' kan xaxe ri qitzij ri nubij.

1 Pedro 1:21

Roma ikuquban ik'u'x rik'in ri Cristo chuqa' ikuquban ik'u'x rik'in ri Dios, ja ri Dios ri xbanon chire ri Cristo chi xk'astej-pe y xk'oje' ruq'ij-ruk'ojlen, richin tik'oje' oyobenri'il iwik'in y tikuquba' ik'u'x rik'in ri Dios.

1 Juan 3:8

Jak'a ri man nikiya' ta kan rubanik ri mak, xa kan e richin k'a ri Itzel-Wineq, roma rija' kan aj-mak wi pa rutikeribel-pe. Y xa roma ri' toq xok'ulun ri Ruk'ajol ri Dios, chuyojik ri rusamaj ri Itzel-Wineq.

San Lucas 20:44

Y wi ri rey David, wajaw nicha' chire ri Cristo, ¿achike k'a roma toq nibix chi ri Cristo xa rijatzul kan ri rey David?, xcha' ri Jesús.