1 Timoteo 2:9 - Kaqchiquel Bible

⁹ Keri' chuqa' ri ixoqi', kekikusaj tzieq ri kan e choj, ri ruk'amon chi nikikusaj. Man tikibanala' ruchojmil ri rusumal taq kiwi' xaxe richin chi ketz'et koma ri winaqi', ni man kekikusaj wiqobel ri e banon rik'in q'anapueq, o rik'in perla, y man yekikusala' jebelej taq tzieq ri jotol kajel.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y keriꞌ chuqaꞌ ri ixoqiꞌ, atoq ndikiweq kiꞌ, kekikusaj tzieq ri ndutzꞌapij ri ki-cuerpo. Tikinojij utz-utz achike chi tzieq rukꞌulun ndikikusaj, y ja ta ri más rukꞌulun ri ndikikusaj. Y ma ndikibꞌen rukꞌojlen kiwiꞌ xe chin ndikibꞌananelaꞌ, y atoq ndikiweq kiꞌ, ma tibꞌa kánima chirij rukusaxik achikejeꞌ ebꞌanun chare qꞌanapueq o perla, nixta kekikusalaꞌ tzieq santienta kajel.

Kaqchikel Santa Maria de Jesus

⁹ Y quireꞌ jeꞌ ri ixokiꞌ, tiquicusaj quitziak ri man nakꞌax ta ruveꞌ niquiꞌan cha. Niquiꞌan ta pensar otz nojiel ri ncaꞌquiꞌan y ja ta ri más choj ri niquiꞌan. Man takꞌax ruveꞌ ri niquiꞌan cha ri rubꞌanic ri quiveꞌ joꞌc chi caꞌtzꞌiet cuma ri vinak. Man tiquicusaj ri oro antok niquivak-quiꞌ y man tiquicusaj ri perlas, y man tiquicusaj tziak ri cara cajal.

Kaqchikel Central Guatemala

⁹ Y que c'a chuka' ri' ri ixoki', quequicusaj c'a quitziak ri más tak choj oc. Niquich'ob ta jebel ri achique yequiben y ja ta chuka' ri más ruc'amon ri niquiben. Man ta niquibanala-el ruchojmil ri rusmal quivi' xaxe richin chi quetz'et coma ri vinek. Tok niquivik-el-qui' (niquivek-el-qui') man quequicusala' cosas ri e banon riq'uin k'anapuek, o yequicusala' ta chuka' ri tak abej ri nibix perla chique, y chuka' man quequicusala-el jebel tak tziek ri jotol cajel richin chi quetz'et coma ri vinek.

Re C'ac'a Testamento pa Kach'abal

⁹ Y quire' chuka' re ixoki', que'quicusaj re quitziak re otz che niquicusaj. Niquinojij-ta jabal re andex ye'quiban y ja-ta re más otz jare' re niquiban. Man-ta niquibanala' rubiyal quive' xaxe chin che camas jabal-oc que'tz'et coma re vinak. Tak niquivak-qui', man que'quicusala' cosas re je'banon cha k'anapuak, o ye'quicusala-ta chuka' re ch'utak aboj re nibex perlas chique, y chuka' man que'quicusala' utzulaj tak tziak re camas caro rajal xaxe che camas jabal-oc que'tz'et coma re vinak.

Kaqchikel Western Solola

⁹ Y queri' chuka' ri ixoki', quequicusaj quitziak ri ma nik'ax ta ruwi'. Tiquich'obo' na jabel ri achique yequicusaj. Ma rajawaxic ta chi nik'ax ruwi' niquibanala' ruchojmil ri rusmal tak quiwi' y chi nik'ax ruwi' yequicusala' cosas ri ye banon riq'ui k'anapuek, o cosas ri ye banon riq'ui ri tak abej ri nibix perla chique, o yequicusala' ta tziek ri sibilaj jotol cajel.

1 Timoteo 2:9 ပူးပေါင်းရင်းမြစ်များ

Wuj Richin ri Jeremías 4:30

Y rix ri yixk'is yan, ¿achike k'a xtiben? Stape' niwiq-iwi' rik'in keq tzieq y niwiq-iwi' rik'in wiqobel ri banon rik'in q'anapueq, stape' chuqa' niya' aq'om chuchi' runaq' taq iwech, xa man jun nuq'ajuj ri keri' niben. Ri ye'ajowan iwichin xa man xkixkajo' ta chik; ri nikajo' rije' ja ri nikelesaj ik'aslen.

Wuj Richin Bix Chire ri Dios 149:4

Roma ri Jehová kan nikikot rik'in ri rutinamit. Ri kiqasan-ki' chuwech kan nuya' ch'akonik chike.

Wuj Richin ri Isaías 3:16

Chuqa' ri Jehová nubij chikij ri ixoqi' aj-Sión; chi janila kinimirisan-ki', kan nikiyek-el ri kijolon chikaj, y kan rik'in ri runaq' taq kiwech yekoyoj ri achi'a'. Toq yebiyin, kan kokoj taq kixak ri nikiya', y nikiben xaxe richin nak'axatej ri kiwiqobel ri k'o chikaqen.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

2 Rey 9:30

Y toq xapon ri Jehú pa tinamit Jezreel, jari' toq ri Jezabel xrak'axaj, y xuyala-el aq'om chi runaq'-ruwech y xuben-el ruchojmil jebel ri rusumal-ruwi'. K'ari' xtzu'un-pe pa jun ventana.

Wuj Richin Etamabel-Tzij 7:10

Jari' toq ri ixoq ri' xbek'ulun-pe chuwech ri ala', ruwiqon-ri' achi'el jun ixoq itzel ruk'aslen, y kan nowineq chubanik.

Wuj Richin ri Rutikeribel 24:53

Y ri samajel xuya-apo jalajoj ruwech sipanik ri banon rik'in saqipueq y q'anapueq, y tzieq, richin xusipaj chire ri Rebeca y chuqa' xeruyala' sipanik chire ri ruxibal y ri rute'.

Wuj Richin ri Isaías 61:4

Kan xkepabex chik ri tz'aq ri e banon rik'in abej; kan xtiyak chik el ri kan wulatejineq kan. Ri tinamit ri wuluwik kibanon, xa kan xkepabex chik.

Ester 5:1

Toq xq'ax yan k'a ri oxi' q'ij, ri Ester kan xukusaj k'a el ri jebelej rutziaq, y xok k'a apo pa ruwa-jay chire ri rachoch ri rey. Y xpa'e-apo pa ruchojmilal ri ruchi' ri jay ri akuchi tz'uyul-wi richin ta chi ri Asuero nutz'et-pe.

Wuj Richin Etamabel-Tzij 31:22

Ri ixoq ri' kan nuben ri peraj taq tzieq richin nuq'uj rija'; kan nukusaj chuqa' rutziaq ri banon rik'in lino y ri pimilej taq rutziaq.

San Mateo 11:8

Ri xibetz'eta' rix xa jun achin ri xa man jebelej ta taq tzieq ri e rukusan, roma ri achi'a' ri e kikusalon jebelej taq tzieq, kan pa taq kachoch ri e rey ek'o-wi.

Wuj Richin Etamabel-Tzij 31:25

Ri rutziaq ri ixoq ri', kan nuk'ut chi kan k'o ruq'ij y chi jebel rubanik, y kan rik'in kikoten royoben-apo ri peteneq ri chua'q-kabij.

1 Timoteo 2:10

Pa ruk'exel ri' xa tikiwiqa-ki' rik'in utzilej taq banobel achi'el ruk'amon chi nikiben ri ixoqi' ri nikiben ri rurayibel ri Dios.