1 Timoteo 2:11 - Kaqchiquel Bible

¹¹ Y toq nimol-iwi' richin yixtijox, ri ixoqi' xaxe tikak'axaj y tikinimaj tzij.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y nibꞌij chuqaꞌ chake chi atoq ndikimal kiꞌ kikꞌin ri eralkꞌuaꞌl ri Dios chin ngetijox, ma jun kechꞌaꞌa apu y keniman.

Kaqchikel Santa Maria de Jesus

¹¹ Y niꞌej jeꞌ chi antok nitzijos ri ruchꞌabꞌal ri Dios, ri ixokiꞌ joꞌc ticaꞌxaj, man caꞌchꞌoꞌ y caꞌniman.

Kaqchikel Central Guatemala

¹¹ Y chuka' ninbij chique chi tok niquimol-qui' richin nicac'axaj ri ruch'abel ri Dios, choj ticac'axaj y man jun tzij tiquibij-apo. Xa ticac'axaj ri nibix, y tiquinimaj chuka'.

Re C'ac'a Testamento pa Kach'abal

¹¹ Y chuka' nimbij chique che tak niquimol-qui' chin niquic'axaj re ruch'abal re Dios, man que'ch'o-apo. Xaxe tiquic'axaj re nibex, y chuka' tiquinimaj.

Kaqchikel Western Solola

¹¹ Y nbij chuka' chi tek nitzijox ri ruch'abel ri Dios, ri ixoki' nic'atzin chi c'o niquetamaj y rumari' xaxu (xaxe wi) tiquic'axaj y tiquinimaj ri nibix.

1 Timoteo 2:11 ပူးပေါင်းရင်းမြစ်များ

1 Corintios 11:3

Yin kan ninwajo' chi rix niwetamaj chi ri Dios ja rija' ri jolomaj pa ruwi' ri Cristo. Y ri Cristo jari' ri jolomaj pa kiwi' ri achi'a', y ri achi'a' ja rije' ri e jolomaj pa kiwi' ri kixjayilal.

1 Pedro 3:1

Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,

Tito 2:5

chi nikiq'et ta ki' chubanik ri man ruk'amon ta, nikik'uaj ta jun k'aslen ch'ajch'oj, beneq ta ruwech nikiben ri k'atzinel pa kachoch, nikiben ta ri utz kik'in konojel y nikinimaj ta kitzij ri kachijilal; richin chi man niyoq'otej ta ri ruch'abel ri Dios.

Colosenses 3:18

Rix ixoqi', tinimaj kitzij ri iwachijilal, roma keri' ruk'amon chi niben roma iniman chik ri ajaw.

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Ester 1:20

Y ri pixa' ri xtaya' rat, kan xtitalux k'a chupan chijun ri qaruwach'ulew. Y toq ri ixoqi' xtikak'axaj re' kan xtikinimaj k'a kitzij ri kachijilal, stape' k'o kiq'ij o maneq kiq'ij; xcha' ri Memucán.

1 Timoteo 2:10

Pa ruk'exel ri' xa tikiwiqa-ki' rik'in utzilej taq banobel achi'el ruk'amon chi nikiben ri ixoqi' ri nikiben ri rurayibel ri Dios.