1 Timoteo 1:5 - Kaqchiquel Bible

⁵ Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

Kaqchikel Santa Maria de Jesus

⁵ Quireꞌ taꞌej chica, ruma ri Dios nrajoꞌ chi quinojiel ta nicajo-quiꞌ riqꞌuin jun cánima sak, jun cánima ri nunaꞌ chi otz cꞌo choch ri Dios, y riqꞌuin jeꞌ jun ketzij cukbꞌal cꞌuꞌx.

Kaqchikel Central Guatemala

⁵ Chuka' ri Dios nrajo' chi ch'ajch'oj ri kánima. Rija' nrajo' chi nikana' quicoten pa tak kánima roma utz c'aslen ri kac'uan chuvech rija'. Y chuka' nrajo' chi kitzij tikacukuba' kac'u'x riq'uin rija'. Y riq'uin ronojel re' tiketamaj yojajovan.

Re C'ac'a Testamento pa Kach'abal

⁵ Chuka' re Dios nrajo' che yoj yojovan y chuka' che re kánma ch'ach'oj-ta. Reja' nrajo' che nakana' che re kánma niqui'cot roma re c'aslen otz kac'uan chach reja'. Y chuka' nrajo' che katzij takabana' confiar-ki' riq'uin reja'. Y riq'uin ronojel re' nakatamaj yojovan.

Kaqchikel Western Solola

⁵ Ronojel re nbij chawe, re' can ruma chi nwajo' chi can ta quinojel ri kach'alal nicajo' qui' riq'ui jun cánima ch'ajch'oj, jun cánima ri nuna' chi utz c'o chuwech ri Dios, y riq'ui chuka' jun kitzij cukbel c'u'x.

1 Timoteo 1:5 ပူးပေါင်းရင်းမြစ်များ

Wuj Richin Bix Chire ri Dios 24:4

Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Wuj Richin ri Sofonías 3:7

Rija' xuch'ob k'a chi rik'in ri keri' ri aj-Jerusalem xtik'oje' rukiy rija' chikiwech. y xtikik'ul ri rupixabanik. Richin keri' man xke'elesex ta el ri chiri', y ri rutojbalil-mak man xtiqaqa ta pa kiwi' rije'. Man rik'in ri' rije' xa chi'anin xemakun rik'in jalajoj ruwech mak.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

San Mateo 5:8

Jebel ruwa-kiq'ij ri ch'ajch'oj kánima, roma rije' kan xtikitz'et ruwech ri Dios.

Hechos 15:9

Kan man jun qakojol xuben. Rije' kan xkikuquba' kik'u'x rik'in ri Jesucristo. Roma ri' toq ri Dios xuch'ajch'ojirisaj ri kánima.

Hechos 23:1

Ri Pablo xerutzu' k'a ri achi'a' ri kan pa komon wi yeq'aton-tzij, y xubij chike: Achi'a' ri ix nuwinaq yin, kan man jun k'a achike ta nuna' ri wánima, roma ri nuk'aslen chuwech ri Dios kan choj k'a rubanon-pe, xcha'.

Hechos 24:16

Roma ri' yin kan nintej k'a nuq'ij chi man ninben ta ri itzel chuwech ri Dios y chikiwech chuqa' ri winaqi'. Keri' ri wánima kan utz wi k'a nuna'.

Romanos 10:4

Man k'atzinel ta chik chi niqatzeqelibej ri pixa' roma xoqaqa ri Cristo. Keri' xabachike ri nukuquba' ruk'u'x rik'in ri Cristo, man jun rumak nik'ulun chuwech ri Dios.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Romanos 14:15

Man tiqaben chire ri qach'alal ri man ronojel ta nutej chi nitzaq y numalij ruk'u'x roma ri niqatej roj, roma ri Cristo xken chuqa' roma ri qach'alal ri'. Wi keri' niqaben, niq'alajin chi xa man yojajowan ta.

Romanos 9:1

Yin, roma nuniman ri Cristo, man nintz'uk ta tzij. Y ri Loq'olej Espíritu retaman ri k'o pa wánima; y roma ri' rija' nubij chi kan qitzij wi

1 Corintios 13:1

Xa ta yin yich'on pa k'iy ch'abel re wawe' chuwech re ruwach'ulew, o pa kich'abel ángel, y xa man yinajowan ta, man jun nik'atzin-wi. Xa in junan ta rik'in jun ch'ich' ri nitzino ri xa choj niq'ajan.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

Deut 10:12

Wakami k'a nuwinaq, ri Jehová ri qa-Dios jare' ri nuk'utuj chiqe: Kan tiqaya' rejqalen, kan tiqatzeqelibej ri bey ri niqa' chuwech rija'. Kan tiqajo' y kan tiqaya' ruq'ij-ruk'ojlen rik'in ronojel qánima y chijun ri qak'aslen.

1 Timoteo 1:18

Y rat Timoteo ri at achi'el nuk'ajol, ninbij k'a chawe chi man tamestaj ri kibin kan pan awi' ri rusamajela' ri Dios. Tatija' k'a aq'ij naben ri samaj achi'el jun utzilej aj-labal.

1 Timoteo 1:19

Kan takuquba' ak'u'x rik'in ri Dios, y tana' pan awánima ri achike ruk'amon chi naben. Roma ek'o qach'alal ri man xkiben ta keri' y xa xkimalij kan kik'u'x rik'in ri Cristo,

1 Timoteo 3:9

Nik'atzin chi kan tik'oje' chuk'u'x ri ruch'abel ri Dios, y nik'ase' ta rik'in ch'ajch'ojilej ránima.

2 Timoteo 1:3

Yin yimatioxin chi paq'ij chi chaq'a' chire ri Dios, ri nusamajin-pe rik'in jun ch'ajch'ojilej wánima, achi'el xkiben ri qati't-qamama' roj judío; kan jantape' yich'on rik'in pan awi' rat.

2 Timoteo 1:5

Chuqa' noqaqa chinuk'u'x chi kan qitzij akuquban-ak'u'x rik'in ri Dios, achi'el xkiben ri Loida ri awati't, y ri Eunice ri ate'. Y yin wetaman chi rat chuqa' kan junan ri akuqubabel-k'u'x kik'in rije'.

2 Timoteo 2:22

Chuqa' rat katanimej chuwech ri itzel taq rayinik ri nipe pa kik'aslen ri k'a e k'ajola' na. Tatija' aq'ij chi nak'uaj jun k'aslen choj. Kan takuquba' ak'u'x rik'in ri Dios, katajowan y tik'oje' uxlanibel-k'u'x awik'in kik'in konojel ri rik'in ch'ajch'ojilej kánima yech'on rik'in ri Dios.

Tito 1:15

Ri winaqi' ri ch'ajch'oj ri kik'aslen, utz nikitz'et ronojel. Jak'a ri winaqi' ri man ch'ajch'oj ta ri kik'aslen y man kiniman ta chuqa' ri Dios, ronojel ri utz, itzel nikitz'et, roma xa yojtajineq ri kich'obonik y man nikina' ta chi man utz ta ri kik'aslen chuwech ri Dios.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Hebreos 13:18

Qach'alal, kixch'on rik'in ri Dios pa qawi', roma roj kan qetaman chi kan ch'ajch'oj ri qánima, y niqarayij chi ja ri utz ri niqaben ronojel bey.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

1 Pedro 3:16

Kan man jun bey k'a tiben ri etzelal, richin man niq'axo ri iwánima. Richin keri' xkek'ixbitej ri yemolo-pe tzij chiwij y ri yebin chi man utz ta ri ik'aslen roma iniman ri Cristo.

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

1 Pedro 4:8

Nik'atzin chuqa' chi tiwajowala-iwi' janila, roma ri ajowabel kan nutz'apej ruwi' ri janila chi mak.*f7*

2 Pedro 1:7

Chuqa' ke'iwajo' ri qach'alal y tik'oje' ajowabel pa taq iwánima richin ye'iwajo' konojel winaqi'.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

1 Juan 3:23

Y ri nubij rija' ja ri tiqakuquba' qak'u'x rik'in ri Jesucristo ri Ruk'ajol. Y chi tiqajowala-qi' achi'el xubij ri Cristo.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.